大地行者 3月12 日 山野安全與應變處理 @ 兆基書院 1900
今日同老闆請左早走假，六點四離開，七點到兆基書院。
有一個Pre-Google form要先做左佢
https://docs.google.com/forms/d/11lDa6Vzdze-FXyA5me_U8JNeO3NSw17A_k_J-WnH4iU/edit?chromeless=1
我今日一邊返工，一邊上教育局網頁search key word 做左佢😂真正deadline fighter。
比我發現了有「新同學」😂原來sandy 今日黎sit 堂，唔知佢會唔會玩大地行者呢～
今日課程由浮雲同天鳥帶領。
一開始，由浮雲講PPT，為大定講解野外急救。佢首先問了在庭有沒有人曾有急救經驗，我當然有，想起以前試過做救生員救一個係廁所仆到流晒鼻血既阿伯。有幾個人分享了他們的急救經驗，比如雨點係做老人院社工，有急救經驗。辣椒籽係做護士，返工自然見唔少，但她有分享有次行蚺蛇尖見過有人疑似骨折，當刻做唔到D咩。至於島仔，佢試過有次帶outward bound 時，有小朋友上岸獨木舟反左，成隻腳比蠔殼界損晒。
WMAI-野外急救工作坊之後亦有一D冷知識，比如每上升1000米，溫度就大約降低6.5度，而windchill 又會減兩度，落雨又減兩度，身體其實要做好保溫。浮雲分享，佢係一次帶小朋友行山時，遇到打石湖，仲有閃電，如果行出去有可能會環境好差又好狼狽，而附近有一個山洞，入去又可能會引雷發生意外，經過多重考慮下，決定去山洞避一避先，佢同小朋友講，我地岩岩經過山洞，我地睇睇天空會發生咩事，睇完再走。（冷知識：浮雲分享世上最遠的落雷有600公里，差不多舊雲係上海，雷劈左落香港咁遠）（冷冷知識：我上網搵，原來根據世界氣象組織（WMO）近日公布全世界最長紀錄的閃電，是2018年10月31日在巴西南部被觀測到，長達709公里。）
之後，浮雲帶領大家進行實習，兩人一組同性別，然後一個扮傷者，一個扮救護員，我同小狗一組，我係救護員，傷者扮演手指受傷，於是我到場處理，現場環境安全😂關心傷者，同佢傾計，處理傷患，根據「加一定律」，我問他有沒有其他地方唔舒服，佢話無。附上泥土同無殼蝸牛的表現🤣十分投入。
之後浮雲邀請了島仔出去做多一單Case，講解如果係佢，佢會點做。有Ｄ心得我覺得幾有用，包括「要預左有事發生，無事發生要感恩」，以及處理小朋友傷者時，可以同佢一齊念句咒語，「無事無事無事既」。
之後到天鳥帶領，他講到要「制變」，將價值觀轉化，比如將「玩水」變成「親水」，將「征服庭山」變成「征服自己」。
天鳥亦有講到一些點穴技巧，以前都有聽聞，但無認真研究，今天試試，印象最深刻的是少商穴，真的幾痛下。（同時又拎我諗起耳仔下面個穴位，都係咁痛😂）
AFA_Basic_2006-1
同時天鳥亦分享了「肺大胃脾心小腸」，上網一搜尋，有很豐富的資訊，全句是：
肺大胃脾心小腸，膀腎包焦膽肝續
手陰臟手陽手頭，足陰足腹陽頭足。
固中學問，我又覺得幾有趣的，不坊看看《經絡循行順序記憶法》
去到最後天鳥介紹了順勢療法，還有花藥同膠性銀。我抱住「寧可信其有」的心態去聽，但畢竟我的科學知識告訴我順勢療法並不科學，所以我在此不贅。
反而有趣的是，稍後在群組內有人分享了一本書「水知道答案」，大致就是你每天讚一盤水同每天鬧一盤水，係會影響其晶體結構，有點類似在南太平洋的所羅門群島，有一些原住民，用一種十分獨特的方式，來砍伐原木。假如樹木大到不能以斧頭砍倒，他們會以吼叫的方式砍樹。帶有特殊能力的樵夫們，就在天剛亮時，爬上一棵樹，突然間大聲對它尖叫。他們一直這樣，持續三十天，直到樹死了並倒下。這個理論是，用大聲叫喴的方式殺死樹靈。根據村民的說法，這招總是奏效！
最後在總結時，都有幾點我覺得是很值得分享的，比如帶活動時的「洋蔥式衣著」，浮雲說他不習慣帶太陽眼鏡，因為會阻礙佢同參加者的眼神交流，萬一遇到山火，亦會比小朋友練習打999（題外話，香港係無天然生火的，即不像贊比亞的樹林因過熱過乾而自己著火），最後，係心態既調節，比如改變對壞天氣的印象，天氣本來就無好壞之分，只有相對的好壞，你唔鐘意落雨，但在乾旱地區的人卻不是這樣想，所以帶領自然活動時，落雨都係好天氣，可以感受不一樣的旅程。當然也要注意身體質素，就算係雨天都不應淋住雨活動，晴天也要搵陰位活動。
一句總結今天的學習：
When the bird and the book disagree, always believe the bird.