作者: Vincent LUK

20220428 撮記

　　八點醒，morning call Mani，佢手機叉唔到電。

　　之後翻訓😼🤗十二點醒，十二半上天台淋花，比人燒左門口海報😿有少少嬲~

　　十二點九走，一點二到蒲窩，交低D野比Mimi ，一點三蒲窩走。

　　一點四十到彩虹，買64蚊牛腩米，一點九禁匯豐，拎三萬現金。一點五十返彩虹。

　　兩點半師傅上黎，睇一睇廁所，要成個換😂再夾期。

　　三點彩虹走，三點一同陸媽上111巴士，三點十一到中環街市，落車。

　　行下街，見到中銀禁，萬八現金，順便清左東亞卡，禁左千八蚊現金。

　　陸媽忽然講起維根斯坦😂估佢唔到，又講起Induction。

　　陸媽用消費券買左好多東海堂coupon ，我個人覺得就唔抵既，但佢喜歡🤗

　　四點二十分，中環上電車，去北角。

　　電車上，陸媽講起Gucci ，我上網一Search 😂 真係唔簡單，《GUCCI名門望族│GUCCI創辦人家族黑歷史　涉父子反目、性侵及謀殺》。之後又講起Coco Chanel 既一生🤗佢一生有好多個男伴~

　　五點一到北角。我諗起Hidden gem 既導賞講北角係「小上海」，細心一望北角，真係好老派😂雖然而家係小福建🤣

【小上海】文青與五光十色的北角

　　五點四搭鐵，係北角地鐵站見到Mirror 專區😂

　　今日城際直通車永久停駛，又進入歴史洪流了。

　　講尖尾貓，以前陸爸會幫佢沖涼。

　　我地北角搭鐵，錯晒方向，去左金鐘，去左荔枝角，六點一終於到彩虹🤣。

　　睇到一單新聞，《涉藏胡椒槍及TG發文 理大生認煽動分裂國家周五判刑 求情：對香港的愛不下於任何人》，世瑜我見過，睇到佢新聞真係有D 傷心，佢仲請過我飲冰凍楊協成😣

　　今日高逹Game 更新左，有得做Boss 😼😼😍幾好玩，不過輸硬😂

　　收到信，來自教會既信😂開眼界了。

　　睇到另一單新聞，我深深明白佢係入面既遭遇同感受，尤其是當二三月武肺時香港出面都亂到PK，牆內可想而之係無人權可言。

撰文揭疫情下香港監獄黑箱操作　美籍律師 Samuel Bickett：一場人道危機

　　九點半走，九點九到紅磡。
　　幫Mani 整功課，十二點走🤗

　　十二點四到旺角，韓仔係度，睇波，淋花，一點五沖完涼。

　　之後我update NAS，更新至DSM 7，同Jimmy Christian 食雞。食到三點。

　　我一邊食雞、一邊teamweaver 返公司，check 返D Email，出返D Quotation。

　　Fix 左Google 連唔到線既問題😆登出ac 再登入。

　　四點published 左4月6、7、8既撮記。

　　人生兩大難題😂😂

　　四半訓。

20220427 撮記

　　七點三morning call mani ，原來佢今日唔洗上堂。

　　九點Mani Morning Call 返醒我😂十點醒

　　十點一上天台淋花，十點二開車，十點半到公司。

　　朝早少忙，整quotation 出單，做remote call。

　　十一點五十出去買飯，48蚊黃金冰室。

　　今日上Facebook 見到《好青年荼毒室》仲紹十套戲😍我竟然一套都未睇過，決定Backup 佢地~

今晚我哋熱吓身吹吓水先，之後每個星期同你討論一套戲。片單如下︰
1. 愛情酒店 Love Hotel
導演：相米慎二 
2.Cleo from 5 to 7 從五時到七時的琪奧 
導演：Agnes Varda 
3. Band of Outsiders 法外之徒
導演： 尚・盧・高達 
4. 8 1/2 八部半 
導演： Federico Fellini 
5. Close Up 大寫特寫 
導演： Abbas Kiarostami 
6. 再見中國 China Behind
導演： 唐書璇 
7. Theorem 定理 
導演： Pier Paolo Pasolini 
8.The Enigma of Kasper Hauser 加斯柏荷西之謎
導演：華納．荷索 
9. 雨月物語 Ugetsu 
導演：溝口健二 
10. The Age of Innocence 心外幽情 
導演：Martin Scorsese

　　晏晝一樣勁chur 😿做到四半，終於抖下。然後四點八Wilson 返左黎。

　　四點五十 GHG Sharon 打黎問server excel 唯讀，我同Eric 一齊搞都搞唔掂，叫佢等下，用住其他alternative先。

　　五點五收工走，五點半開車。

　　五點九到旺角，兜去惠康，陸爸打黎，叫我去石峽尾幫佢買麵包，我應承左🤗。

　　六點一到石峽尾，幫陸爸買左個麵包。

　　六點四石硤尾走，六點半到界限界，比麵包陸爸，然後就走🤗陸爸事後Msg 我，語氣中帶著無奈同有點唔好意思，可能係心諗買個麵包搞咁大場龍鳳😂畢竟有錢人既世界係咁。

　　六點八到深水埗，上去揾Jack ，問佢PS5事，原來佢被走數，已報警，等賠錢😂我心諗拍緊戲？Ｄ劇情咁老套😂

　　六點五十分，深水埗走，七點返旺角，入惠康，買百四蚊酒，七點半上旺角。

　　Kris 同Christian 返左黎，七點八佢地出去晚飯，我唔食，我今日約左阿Pong ，我上天台淋花收衫。

　　Kris 投訴環境污糟😂，我心諗你有潔癖好難同人夾租😆點都好，佢有份租，我都趁佢地走後搬D雜物上天台，費事陣間「眼冤」

　　上網睇到有篇文，《巴菲特最後一場午餐拍賣將至 那些年陪他吃飯的中國人後來怎麼了？》，我覺得有個Point 好重❗

早在 2001 年，段永平就自學投資，一年看了上百本投資書籍，什麽技術分析、趨勢分析… 愈學愈糊塗，直到看到巴菲特的兩句話：「買一家公司的股票，就等於買這家公司，買它的一部分或全部」，「投資你看得懂、被市場低估的公司」。

　　寫陣撮記，等阿邦。八點半阿邦上黎，佢都算勁，自己走上五樓😂佢買左兩碗車仔麵上黎，我係雪櫃拎兩罐啤酒，同佢上天台食，一邊食一邊吹水，交換下近況，最主要都係佢幫我慶祝生日同埋睇下我死得未🤣🤣有佢份心意我已經好開心。

　　九點半生活書院，我開手機zoom 一邊旁聽一邊同阿邦吹水話當年。

　　九點九Christian上左黎，一齊傾計，之後Christian嫌有蚊，於是就落樓下。

　　我轉用電腦上生活書院，阿Pong 同Christian玩FIFA，果然踢波同打機係男人既common language🤣🤣

　　平時我對FIFA 無興趣😂不過阿Pong 係度，我都有同佢玩，主要都係Christian同阿Pong 玩🤗於是今晚由敍舊，變成左識新朋友，玩FIFA 玩到賭酒，最慘又係我😝無份玩有份飲。

　　望住阿邦social mode 上身😂不一會就同Christian傾得有來有往，甚至睇得出Christian無心於IT😂鼓勵佢追夢（我可說不出這種不負責任既話😝）

　　點都好，Christian like 佢，一點落樓買宵夜，再呼吸下Christian 既心頭好🤗我都好suprise，Christian肯定係識英雄重英雄，覺得揾到知音，所以先咁樣🤗

　　有少少High ，High 住玩FIFA，我好清醒都輸比Christian🤣佢仲話想睇戲😂

　　兩點我送走阿邦，多謝佢今日黎，希望佢盡興🤗

　　之後沖涼，沖涼時嘔🤦🏻‍♂️可能飲太多啤酒。

　　兩點五沖完涼，返房訓

20220426 撮記

　　八點三，陸爸打黎Morning Call🤣係窩心既不過好似早左D～

　　Carina 覆我，佢係英國near Chester　既地方，難得我醒左🤣我的起心肝搵返我當年英國既相😎

　　當年我住果間屋，後面有一大遍草地😂我仲記得朝早起身有羊食緊草。當時係2013年暑假🤣我手機相機太廢，可是正因這樣，這張相先有矇矓美，不曷嗎😊❓

　　心血來潮，想搵返當年我究竟去左邊度😂畢竟我好多時都係跟人行🤣比我係相簿內搵到E兩張相：

第一張：寫住HAFAN PWLLHELI

我Google 一下😎原來係威爾斯既海域，我當年就係E度賽船。我仲記得威爾斯既All day breakfast 好難食，尤其是果個黑色既腸😂

第二張：有D難度，有一個英式鐘樓😂

最後都比我搵到😎原來係Manchester 既一間hotel。 好神奇，當時隨手影既一張相，我當時應該係因為Day trip 去Manchester，未見過世面，覺得好靚就影🤣估唔到今日可以Search 得返~

　　緬懷完就翻訓😂九點半醒，九點九沖完涼，上天台淋花，九點五十出門。十點一返到公司。

　　今日有一個核彈級消息😲Twitter 要被Elon Musk 私有化了❗

　　朝早無咩call，做返前幾日積落黎既quotation，十一點五十打電話，叫燒味外賣。十一點十一落樓拎得，36蚊燒肉叉燒飯，仲送一碗湯😋十二點返Office。

　　食完午餐，十二點七出門，開車去大圍。開開下車，有個電話打黎，直覺我覺得重要電話黎要聽，果不其然係福全打黎，佢約我五月四號做一個interview，但我果日要返工推左😂

　　十二點五十五到大圍，上名城，27樓。幫個客整router，佢話有D Device 連到Wifi，但有D Device 就連唔到Wifi，我Check 晒所有野，發覺原來係因為佢set 左white list😂 最後教個客用埋parent control 就走。

甩到得啖笑😂

　　兩點半走。我見到又係E個位，撞正有人搬屋，我回想起以前做搬屋既日子，我都係E度搬過😂仲記得果日係斜路推D傢私出黎時差D反車🤣

　　兩點五十五到深水埗，返去整quotation ，寫下撮記，五點收工，五點二出Office，諗住去搵阿Jack 但唔見人，之後買128蚊運動褲，見到富豪雪糕車，買12蚊雪糕😋

　　五點七返到Office，寫撮記。

　　七點鐘，雖然唔肚餓，但寫撮記寫到個人好攰，點都要抖下，出Office，買38蚊譚仔三哥，七點五返Office。

　　一邊食野，一邊上下網，睇到有套電影叫《軍中樂園》，應該好睇，有機會睇睇😝

　　睇到一篇文，講警察抄牌時會打電話溫馨提醒，我用個人經驗分享，無錯係會發生的😊因為抄少張就寫少D野，你好我好～

　　之後，睇到一個Job ads，《【筍工】超過三萬人應徵！二萬五月薪齋睇AV》😝 攪到我有D興趣想報名添😎

　　食完野，繼續寫撮記。Carina 回覆我了😝佢而家住係係威爾斯同英格蘭既交界，我都係今日先知😂

　　之後Carian 分享佢係英國既相，佢住既地方有種植，種植係我地既Common Topic 😎

　　仲有街景＆去教會既相😊好開心佢分享比我，係小確幸😂

　　Mani 今日都有收到豆苗，上星期六發的，今日發得勁多🤤好似比薩斜塔~

　　寫到四月十一號撮記，夜晚十點收工，走。一落樓就見到有露宿者😂證明Ｄ咩？證明香港有好多人生活係邊緣？定係證明我今日真係太遲收工😝

　　十點二到旺角。返到去，Christian 玩緊Game，City Car Driving，佢亦買左新mac book pro，用VM 裝windows😂

　　上天台，見到康乃馨仲開緊花🤗滿滿的小確幸～

　　十二點九沖完涼，洗衫。Christian 屋企有民事，滴水樓下又告，我比D法律意見比佢😆之後我地嘗試Download 新版巨商《大商人》，裝到兩點，裝唔到😣就算裝到都要我課金，算數~

　　兩點晾衫，之後同Christian 食雞，食到三點，訓。

跋：

　　不知不覺，今日已經係DSE 中文作文，三條既作文題目，唔知如果我係考生，我會點作呢❓😂我想，我應該對題目三有興趣D😺

1:我是一套校服，今日要和主人分離，回想過去我們一起生活，別有一番體會。以上是文章的開首，試以「校服的自述」為題，續寫這篇文章。

2:試就下圖對你的啟發，以「得不償失」為題，寫一篇文章。

3:爺爺：「我當鐘錶匠超過50年，畢生專注這門手藝，能做到分毫不差。」允行：「我是品味生活的咖啡師，亦是書寫人生的作家，更是培育後進的武術教練。」各人對人生有不同追求。有人認為：「與其一生專精一事，不如發展多元人生。」你同意嗎？試撰文一篇，論述你的看法。

20220425 撮記

　　八點三醒，八點五十出門。九點二到尖沙咀，九點三導賞。

　　九點半個客放飛機😂一場黎到，影梅艷芳，走。

　　九點五十到旺角，食45蚊jolibee。睇Youtube 學台語😊

　　十點二食完，走，十點五到旺角，打比房署，約維修。

　　上天台淋花，做農務，落名牌，插竹。

　　康乃馨開花開得好靚😍

　　西瓜都開花😍

　　時間仲早，我做一陣做農務，落尋日芝麻菜種子(想比較下田同天台種既分別😆)，落返名牌同插竹🤗畢竟尋日泉哥教左我地要做農耕紀錄。

　　整完名牌，幫蕃茄同豆重新插埋Ｄ竹佢，至於西瓜既竹就等埋Mani 黎先插🤗

　　十二點做完Gym ，返樓下，Jimmy 前後腳上黎，佢今日考試，黎旺角考，我同Christian 幫拖。

　　一點九訓醒。兩點做Exam。

　　今次我地有清晰分工😎Christian 做code題目，我做concept題目，韓仔做背書題目。

　　做完Exam 先發覺，好多Miss call 😂 Jackson 打比我😨佢收到警署電話，聽日去警署。Carina 都有揾我😝難得地。Mimi 又有搵我，佢追我拎Arduino😂好日無咩人搵我，今日幫韓仔考試Ｅ兩個鐘就有咁多生面口既黎搵我😲

　　四點完Exam，我覆一覆hk tech。韓仔玩車game，同Christian 打機，我上天台，做Gym，寫4月6撮記。做左5 set Gym，寫陣撮記，夜晚六點落樓，順便收衫。 Christian 同Jimmy 仲打緊機😂咁好打咩? 之後一齊食雞，七點四食完。

　　因為幫左韓仔，所以今晚韓仔請食飯😋七半出門，行去圓方，沿途我地傾下車經，入左果欄內部😝

　　七點五十五到圓方，八點一食Shake shack Burger😋

　　八點九食完走，Jimmy 打包左兩個漢堡比佢roommate。九點到Jimmy 家，係佐敦上佢天台，天台好大😍好好Feel❗

　　之後下場，九點四我地去左樓下附近一間Bar，點左一杯黑啤，三個麻甩佬😂

　　韓仔講起MBTI，隨便一Search 都知MBTI 係韓國好hit😆。

　　疫情關係，十點收鋪，我同Christian 請返Jimmy，一人一百蚊。重點係間鋪好多蚊😨我又著短褲，又無腳毛😣之後我同Christian 行返去旺角，十點四到。

　　返到旺角沖完涼，十一點二食雞，十二點二食完。

　　返房，我認真做MBTI，原來我係ISTP 型😎

相關詳情如下😎我自己就覺得好大路🤣但過一個不同的人生是正確的，You only live once😎

“鑒賞家” 人格
我想要享受人生，一個不同的人生。 我不想每天去去到同一個地方，遇見同樣的人，做一樣的工作。 我期待有趣的挑戰。

HARRISON FORD
藝術能手人格類型的人喜歡用雙手和眼睛去探索事物，他們通過冷靜的理性主義和精神飽滿的好奇心來感知和體驗這個世界。 擁有這種人格的人是天生的製造者，他們在不同的項目中穿梭，從創造有用、充足的產物中獲得樂趣，並在創造的過程中從外界學習。 藝術能手人格類型的人通常是機械師和工程師，他們親手拆卸東西，並把它們安裝還原到比之前更好一點的狀態，從中獲得極大的樂趣。

“鑒賞家” 人格 (ISTP-A / ISTP-T)
他們通過創造、解決難題、反復試驗和第一手的經驗來探索新想法。 他們喜歡別人對他們的計畫感興趣，有時候甚至不介意別人介入。 當然，這是建立在那些感興趣的人不會干涉“藝術能手”原則和自由的基礎上，並且能夠接受以同樣的興趣回報他們。

藝術能手人格類型的人喜歡幫助別人和分享他們的經驗，特別是他們關心的人。很可惜擁有這種人格類型的人並不常見，大約只占到人口總數的 5%。 藝術能手人格類型的女性尤其罕見，而且她們的角色可能與社會對女性的預期很不相配 — 她們通常從童年開始就被當成是假小子。

敢於不同
“藝術能手”們天性保守務實，使他們乍看起來很簡單，但實際上讀懂他們相當不易。 他們友好又緘默，行事冷靜但會突然的不由自主，好奇心旺盛但是不能夠持續專注於正式的研究，即便是他們的朋友和愛人也常常覺得他們難以捉摸。 他們可以暫時表現得非常忠誠和穩定，但是他們傾向於積累衝動的能量，並在沒有任何徵兆的情況下爆發出來，將他們的興趣帶到全新的方向。

當這一人格類型的人發生巨大變化的時候，他們僅僅是在探索新興趣的可行性，而不是一味的幻想探索。

藝術能手人格類型的人的選擇來源於實用的現實主義。他們的心中有很強的公平感，並以此來對待別人。這有助於人們理解他們身上一些令人迷惑的特徵。 他們不會過度謹慎，也不會奉行己所不欲勿施於人的信條，反而會更加變本加厲，做出類似的反擊，不論好壞，只為公平。

藝術能手人格類型的人可能面臨的最大的問題是，他們通常行動的太早。他們認為寬容的本性是理所當然的，並且想當然地認為別人也是如此。 他們會第一個講出令人無動於衷的笑話，過度地參與到別人的項目和嬉笑打鬧中。他們或許會因為更有趣的事物出現而突然改變計畫。

沒有什麼比所有都人都贊同更無聊的事情了
這種人格類型的人會認識到，許多其他類型的人和自己相比，在規則和可接受的行為上有更堅定的界限 — 感情更加細膩的人格類型不想聽到令人無動於衷的玩笑，並且絕對不會自己也說一個，也不會參加喧鬧的嬉戲，即使是在氣氛融洽的聚會上也如此。 如果局面已經很情緒化，超越這些界線就會事與願違，難以收場。

這種人格類型的人很難揣測他人的情感，但要揣摩他們內心的情感和動機也並非易事，因此這也算是他們所熱愛的公平的一種自然體現。 但他們趨向於用行動而非同情來探索與人之間的關係，這種傾向可能會導致一些非常令人沮喪的情況出現。 擁有藝術能手人格類型的人常常在界線和準則中掙扎，他們更喜歡自由自在，並且在需要的時候稍稍出界。

如果能與理解他們風格和不可預測性的朋友一起共事，再加上他們的創造力、幽默感和親力親為，以創造可行的解決方案和實用的東西，那麼“藝術能手”們會一直非常樂意創造各種有用的物品，並真心實意地喜歡它們。

　　之後，睇左一個Facebook post ，《When an engineer 👷has no time to make his 🍕 Pizza😀! Well calculated mechanical engineering. YouTube channel,》，果然Engineer 先係世界既希望🤣

　　之後寫四月六四月七撮記😊寫到一點訓。

20220424 撮記

　　今朝一起身就睇到E單新聞😥《【羊村繪本案】郭偉健批准由國安法官主審 稱控罪若實行勢令中央成「受害者」》，實在是寒蟬效應～

　　尋日生活書院有一個練習係要發豆芽🤗今日收到溫馨提示：

照顧小豆芽🥜
🔸每日早晚幫佢沖涼，天氣熱時沖3-4次（建議用過濾水）💧
🔸倒去所有水，直至不再滴水💦
🔸用深色布/紙袋幫佢遮光，可以放陰暗位🌑
🔸長到足夠長度之後，可以用密實盒放入雪櫃，存放3天

　　九半醒，沖涼，九點十一上天台。康乃馨開花😍

　　十點一開車，十點四到尖沙咀，今日有導賞。

　　十一點三導賞完，十一點四搭star ferry。

一對夫妻，有禮貌有反應

一開始講history 時有D生疏，之後好快帶去one country two systems ，佢地本身知香港租借99年。

然後介紹返鐘樓，多左時間，講一講以前無地鐵紅隧，大陸人去central 做生意就係要搭火車去尖沙咀，再轉船去中環。

之後講jardin house, IFC 

然後影相，之後搭船

講一講價錢about 60 cent US dollars （it's a good deal 😂)，越黎越少local 搭，star ferry in dept ，ICC tallest building 。

搭船時果客問，右邊果D 山（香港西面）係咩名（佢地係佛羅里達人，住rocky mountain 所以對山與趣大過對海😂），我show 返張map ，答lantau island 😝

客問地鐵幾錢，我搭1.2 USD，about a double of the star ferry.

最後中環上船，講以前要40mins ，而家8mins ，isn't it so quick? 之後conclusion ，講4個recommended experience by hidden gem ，完

　　十一點半到尖沙咀，十一點四十開車，十一點九到紅磡。約左Mani ，買50蚊麥當勞，原來而家新地筒要6蚊😲

　　Mani 要揾一本書《百年經》，係公公要幫先人做風水。

　　上網睇到一個狗血分手理由😝

　　一點紅磡走，一點七到旺角，拎種子，一點四走，兩點二到八鄉田。

　　去搵小丸子，佢係大棚。天氣好熱，我地想買野飲，奈何雪櫃鎖了。小丸子話，原來一台汽水機要起碼每月三千蚊，未免太貴了～

　　最後，泉哥今日係度，佢幫我地開雪櫃😝買左36蚊四支裝飲品，即刻精神晒😎。

　　今日開左一個Shelter ，實在太曬了😆

　　今日我地既任務有兩個😎一係翻泥（中間），二係除雜草（蕃薯&海棠）。

Before 😫

After 😎

　　收到一粒蕃薯。

　　

　　全哥星期一二放假，去釣魚，見我地翻泥，想問我地拎蚯蚓，但我地得一條😂

　　落莧菜，芝麻菜種子，全哥教我地做農耕紀錄😊

　　五點九做完農務，六點二走。六點四入油，八鄉油站無油😂要等。

　　咁我同Mani 買左33蚊飲品同薯片，本身買兩支可樂，不過佢做緊Promotion 😂22 蚊兩支，21 蚊三支，咁無計，我執多支Zero 比Christian 😂。

　　六點半入油，144.26蚊，6.4L油，29920 KM。

　　六點七走，Mani 一邊開車一邊食薯條😂仲餵埋我食，七點三到紅磡。

　　七點半到旺角。七點八上天台淋花。

　　八點沖完涼，同Christian 傾學車，八點三旺角走，今晚返彩虹食飯。

　　八半到彩虹晚飯。

　　食完晚飯，整Synology，《更換硬碟來擴充儲存容量》，之後幫陸爸整「康復記錄儀維碼」，夜晚睇魔戒。

　　E 隻狗「新黎新豬肉」😆被人打到「不似狗型」

　　十一點半走，十一點七開車。

　　十一點十一到旺角，十二點二洗衫。

　　一邊洗衫，一邊睇下Youtube，我睇左伊斯蘭教既齋戒月斷食，而家先知原來係清晨食一餐，然後到日落先可以再食😂有機會我都想體驗下～

　　上網睇到E張Meme 圖😂

　　我諗😝我應該係「上班族」🤣定係我係「土豪」呢😎

　　一點三洗完衫，同Christian Jimmy 食雞，第一鋪贏第二鋪輸，之後同Christian 吹下閒計，講下學車經，兩點四返房訓。

20220423 撮記

　　八點醒，八點四沖完涼上天台淋花。八點四十旺角開車，八點五十到紅磡，八點五十五係樓下停車場撞到MANI 爸爸，佢係車內，問我今日去邊😂我答去屯門做義工。

　　然後搭𨋢撞到Mani 媽媽，心諗咁巧合❗❓

　　上到紅磡，我同Mani 分享返剛剛巧遇兩老😂之後睇到一篇文《寫這篇會被罵，早已做好心理準備。》，講Jhonny Depp 既官司，誰是誰非😂實在搞不清，這年代，誰拎到傳媒話語權就嬴～

　　九點半紅磡開車，十點三到生活書院。

　　實在好耐無黎，見到鳶尾蘭，sandy 話係法國國花，而且只會開花開一日😍今日睇到開花係小確幸。

　　開左好多花😍

　　一隻不知名的昆蟲😼

　　見到因因果果，兩隻鴿，佢地有病的，係生活書院既同事不忍心見到佢飛唔起衝出馬路，所以執返黎。

因因
果果

　　事後上網一查，先知佢地中左pigeon paramyxovirus 😥係一種病黎，唯有帶佢睇獸醫～

If your pigeon has been twisting its head at weird angles or has started to look upside down, tossing the seed backward that it picked up, or looks dizzy, you need to know that it has been afflicted with pigeon paramyxovirus.
How To Cure Pigeon Neck Twisting | Pigeon Neck Twisting Treatment

　　仲有兩隻龜😆

　　當然唔少得，仲有丁丁😼

　　上午我地整小冊子，有Sandy，Caca，Yilok，Mani 同我🤗

　　聽到生活行者們分享，有一個王培仁老師，佢既Youtube channel 好受素食者歡迎😎

　　

　　十二點半午餐，今日曾德平媽媽一早黎左，有份煮午餐，一點二食完。

　　Lunch 完出去行下 ，見到百香果開花😍

　　百香果😋

　　大樹菠蘿😋中頭獎應該要入廠🤣

　　之後我地去新田🤗

　　一點九返書院。

　　睇小王子，我睇得晒😼兩點訓一陣，兩點半訓醒。

　　三點生活行者，yilok 都係潮洲人，佢分享有碟菜叫「菜茶」😋智商加一。

　　又討論起美國有一單蕃茄官司，蔬果税，因為當時蔬菜同水果有唔同税，所以蕃茄究竟係蔬菜定水果，有排爭論😂

　　今日我地整飯團😋同埋發豆芽（Mani 有分享😼Pro）。

　　事先準備好兩個樽🤗然後裝豆，拎返去每日都幫佢沖一次涼就得😼

　　之後整飯團😋

　　我既飯團😼😎第一次包包得唔錯😋仲有蘿蔔襯托～

　　我今日大部份時間都Freeride🤣 旁聽左隔離組既音樂分享~

　　隔離組邀請左「黑鬼」黎分享🤗
　　一開始講八音，金石土革絲木匏竹，我都係今日第一次聽😂我諗好多音樂人都講唔出邊八種～ 最厲害既係當介紹完八音後，帶來一個反高潮，亦係今日既重點—最好聽既樂器其實係我地既身體！絲不如竹， 竹不如肉——最頂級的樂器其實是我們的身體。

　　黑鬼即場唱佢既聲音出黎，教我地用假聲帶，第一次聽覺得有少少魔性😂好似聽緊脈輪既片咁，但真心佩服人體可以發出咁既聲音❗

　　之後，順住講落去，因為今日隔離組主題係「整樂器」，所以表演左Didgeridoo ，Asalato，求雨棒，handpan。

　　首先係Didgeridoo 🤗佢用地盤既膠自製樂器，好犀利❗值得分享～

　　同時佢講循環呼吸，基本上循環呼吸係吹Didgeridoo 既基本功😎

　　然後係Asalato🤗佢用膠波同種子自製😼

　　然後係雨聲筒，果時我去左整飯團🤗而且係野人度Jason 都玩過Asalato 同雨聲筒，知係咩黎，所以無聽😼

　　最後係Handpan😎E 個無得自製~

今日黑鬼都有分享其他好有趣好有意思既Insight ，比如蒙古同西藏，文化交流相似(可能因為佢係蒙古混血兒，我估😂)，又會講馬頭琴右手拉弦，掌心向上係代表敬天。

　　之後又講咩係「正念」，我覺得佢既說法好易令人明白，佢話「正念」有四個部份，從心理學角度的技術分析，正念就係：
1.有意識地
2.如實
3.覺知
4.當下

　　我覺得好中😊試問有幾多人係真係做到「有意識地如實覺知當下」?❓每一分每一秒❓

　　Sit 完堂，返去自己組食飯團😊同珊珊傾計，大地行者18屆delay ，六月先畢業，而家先恢復活動。今日大家都好Enjoy 🤗

　　六點完晒活動，我幫手洗碗清場，六半清場，問Sandy 先知原來講者叫「黑鬼」😂。

　　最後，當然要撚下貓😼

　　七點生活書院走，七點九到紅磡晚飯。

　　九點四走，九點五十到旺角，十點七沖完涼。

　　今日同Mani 係紅磡出十字路口燈位，見到有個婆婆推紙皮，於是就打趣到婆婆既背影好似《尋找他鄉的故事》，重點係Mani 即刻比到反應，佢哼到首歌出黎😝

　　十一點同Christian Mani 食雞，十一點七食完。之後Christian 玩賽車Game ，我玩高達Game & 睇海賊王漫畫。

　　十二點五十五返房，上Youtube 睇異形解讀，一點五訓。

20220422 撮記

　　九點Mani morning call 醒，十點七醒，沖涼淋花🤗

　　十一點一出門。

　　小丸子send 左陳年的士舊相比我。

　　睇到一張圖😂why so true

　　十一點半上灣仔faith bright，佢Windows 壞左，又整埋printer ，又整windows xp 上網

　　一點四走，一點五係灣仔買50蚊jolibee😋。

　　一點五十食完，係附近見到台灣鳳梨，Mani 分享早幾日佢都買左，幾抵食😋

　　兩點灣仔開車，兩點一到銅鑼灣。

　　例檢check 機，用USB 手指，佢有部機話慢，叫我check，check 完後就話返去再報價。

　　三點七銅鑼灣走，三點五十到華富。五點走。

　　五點五十返到旺角。Kris 早我少少返到，六點上天台淋花。

　　今日約左食餐好既，六點二落樓，六點半食大將放題😋

　　我特別Ｄ，趁有餓意😼一開波就食甜品先😆自己整既窩夫超好味🤣

　　估唔到有豆苗😼😼我天台都有種

　　隔離枱有個女仔自己一個食，佢屋企人係度返工，所以佢有免費啤酒飲，但一個人食望落有點落魄同格格不入😂但佢顯然自得其樂。八點食完。262蚊。

　　食完飯無所事事，行旺中，勁多人，睇黎大家都抗疫疲倦，懲罰性消費😝。

　　Kris 話想穿耳，於是八點半到旺中，揾左間穿耳鋪，70蚊，再兜一兜格下價，最後拍板。

　　穿耳過程好快，部機成部釘槍咁，八點四十旺中走。

　　八點五十 Kris 搭小巴，Christian 去做gym。

　　九點半沖完涼。
　　睇到E段片，心諗電單車何必呢😨❓

　　今日好攰，又週圍走，九點五十訓。

20220421 撮記

　　十點四醒，今日星期四，係假期😎

　　一醒，碌碌下Facebook，我睇左《張愛玲《傾城之戀》：親情在金錢面前，早已不堪一擊，丑態百出》

　　然後，睇到Ｅ個😱《科學狗 Science99 – 「長新冠」（新冠後遺症）的影響很廣，不論是來自哪個地區的康復者都表示有相關的影響及後遺症。》仲要有英文版😼《Even mild COVID-19 can cause your brain to shrink》，慘😣希望唔係真的～

　　今日Send 左E張貼圖比Mani ，引起左一個問題，咩叫做「活老百姓」😂❓ 原來「「老百姓」一詞曾是國民黨軍隊的罵人話」😂在武士時代,把一個武士稱作「農民」,是對他最大的侮辱；如同在國民黨軍隊中,「老百姓」成了罵人話,那些傲慢殘暴、以虐待新兵為榮的國軍班長們,估計都有這樣的心理:我是軍人,就是比老百姓要高一個等級,就是要瞧不起老百姓。

　　睇到一個科學小實驗，都幾有趣。又睇左D心靈雞湯片😂最後睇埋E 個《養了一年的貓才發現竟然是個…..😢》。

　　下午一點九，Christian叫醒，兩點一出門，兩點二食大家食，兩點四十食完，無胃口，食左一個33蚊菜麵。

　　兩點九返上五樓，學友社zoom。岩岩好，開始debriefing🤗 我今日拍擋Clora 係edu (成個virtual background 都係)，應該遲下見工時就話自己做過學友社義工乜乜乜😂。

　　今日已經係最後一日學友社義工，先玩kahoot 學日文。我竟然答錯左😣🤣

日語50音-4下載

　　然後比少數族裔Regina 分享，我覺得佢講得好好❗

童探索少數族裔文化-潘慧霞-

　　雖然講得好好，但對我黎講少數族裔Ｅ個Topic 都係悶得濟😂索性一邊聽佢分享，一邊寫住四月五號撮記。亦睇到原來貓真係可以令世界和平😼

　　睇到Ｅ單新聞，《單親爸失業兩年積蓄耗盡 一個口罩用數天 愁家中檢測包不夠應付子女開學》，第一下覺得天台同我地好似😂但亦令我諗起之前做學友社義工去唐樓派口罩，果家人係單親媽媽加一個小一女，媽媽做飲食業，所以當時因為疫症同社運無工開，個女又要Zoom，無錢買Sim 卡，佢果度係唐八樓劏房，幾戶人家假地板全部水流落同一個位，塞死左😣師傅整唔到，所以佢每次沖完涼都要用垃圾剷剷D水上廁所馬桶沖廁沖左。佢既最大期望就係上公屋😣我只能說悲慘故事永遠都有～

　　終於分享完🤗成個分享既是日重點：記住邊個國家講咩語言，千其唔好叫尼泊爾人翻譯烏都語😂。

　　五點半學友社完，我見Christian 訓緊覺，我都返房訓，訓唔着，打4月5號撮記🤗。

　　七半出房，七點七上天台做gym，今次連續做兩set，即六分鐘內，20 push up 1min 30 plank 20 squat 做兩組，少chur 。

　　七點十一做完，連續兩set 咁做，total 4 set。

　　Christian 想食好D，我無所謂，八點三旺角出門，見到AE86😍於是兜左個圈。

　　八點九到尖沙咀musea ，食five guys，買360蚊five guys。

　　我同Christian 分享返之前係屯門鬥車🤣

　　九點半食完。返到旺角十點。

　　因為寫撮記有D片上唔到Youtube，所以我研究用synology 既video station😎。又幾好用，Video play link，唔洗靠youtube。

　　十點四大 backup 手機車cam相。上陣Facebook，睇到Hack 入android 原廠設定既post 😱又睇到 E 段《the guy that takes his halloween costume too seriously》🤣識得笑其實好好笑~

　　得閒無事，追一追試當真ＮＦＴ既近況先😼

【4月23日分3階段販售】試當真NFT事件或變Bomba 2.0

　　唔Search 真係唔知，原來當年Bomba 諗住試行收費，同推出自家平台Roadship去抗Youtube ，點知佢地行得太前😥當時無人明，所以收左檔～

Home

　　之後，夜晚我搵一搵點樣去安裝MacOS in Windows😼

　　凌晨一點九，終於Backup 晒，然後同Christian食雞🤗。

　　Christian 十一半彈琴，彈到一點三，佢出黎又講Jack，我無咁好氣，佢自己一時貪念判斷錯誤，而家想揾藉口，賴落Jack 人格😂我唔糾纏了。

　　兩點半食完雞, 連嬴兩鋪, 見好就收。之後Christian返房，我係廳寫撮記。我發覺Youtube D 片成日都變左「shorts」，上網發覺都係無解決辨法🤣Youtube 霸權，最後，比我上網搵到Solutions😎解決了~

Youtube keep setting my videos as shorts,how do i stop it? from youtube

i know its not really a fix, but you just past “watch?v=” over the URL that has “shorts/” without the quotation marks, itll show the video as it should be displayed, and thatll help on the user end at least
at least until youtube “””””fixes””””” it

　　

　　去到凌晨四點，我Publish 左4月1至4月5號撮記，想講4月4號真的寫得好辛苦，這種又要馬兒好(當日過得充實)，又要馬兒不吃草的心態(寫撮記寫少Ｄ)😂

　　四點半寫撮記寫到4月6號，Christian 出房，見到我寫撮記。我話你玩音樂我係訓唔到，索性做野，一次半次無咩所謂，如果你全職，就一早朝九晚五咁整，正因為你業餘，今晚有靈感，所以先做音樂，我都費事同你嘈，反正一次半次🤗。

　　Christian 入我房，關房門，始發覺真係好應聲🤣

　　我同佢講，E度氣場唔係做野，你無靈感，我拎支槍指你你都唔會做，你有靈感，就算我返房訓訓唔到你都係照做。之後佢比我聽佢既final version ，我自問唔識欣賞😂但我聽得出好豐富的。

　　聽聽下，佢部機出error……😂佢話我氣場問題🤣

　　原來佢部機overload ，大意就係佢段音樂主要分兩部分，一部份係melody ，佢做過既野都save 到。第二部份係樂器config，即果一part 既melody 係用咩樂器去演奏。

　　佢因為部主機唔夠storage ，所以佢將以前一直儲落既instruments libraries 放左係外置hard disk ，因此成晚斷斷續續咁播就無事，當佢連續播時，就出現USB overload 既問題😂我真心第一次聽到E個issues。

　　五點訓。

20220420 撮記

　　九點 Mani call醒，九點七醒，九點十一沖完涼，上天台淋花，十點開車。十點三到深水埗。

　　今朝爆廠, 勁多call 😫Eric Peter 都出左去，我仲約左Mani 今日食lunch😥。

　　兩點二食 lonely Paisley ，同Mani。

　　我地叫左青咖哩薄餅，同埋一個Benedict😋好味

　　兩點一埋單，268蚊。臨走前，仲有一張好靚既書籤😍上面寫住「Treasure every moment~」，有意思。

　　仲比我連帶Search 到D 心靈雞湯quote🤣

　　食完Lunch 返公司，下午爆廠，無自己時間。五點三收工，去整電單車，換偈油。

　　六點九寫完4月4號撮記，收工。六點五十拎車，300蚊換偈油，電單車老闆同我講，唔好泊咁出，我話驚阻住佢做野，佢話泊入D唔好鎖呔，有咩事佢會處理🤗。

　　七點一返到旺角。Christian 買左新Game ，GT。

　　上天台淋花，八點買飯，買左70酸菜魚，八半返旺角。

　　Christian 買左新玩具，自然要玩，不過我估佢都係三分鐘熱度~ 但我都有份玩，仲幫手Search 攻略添🤣the crew 點跑「哈林西區」😎

　　不過軚盤得一個，我又唔好打機，又唔好意思返房自閉，其實都幾悶🤣不過，都學到野，比如係Facebook上睇到「請分享給「攝影已無救」的老公/男朋友」🤣

　　又或者，Ｅ張Meme圖都好搞笑🤣

　　之後，去到夜晚十一半，睇到《算法穩定幣的「魔戒夢」：LUNA 之後，不會再有下一個 UST》，智商加一😎

算法穩定幣的「魔戒夢」：LUNA 之後，不會再有下一個 UST

當中，有一段我覺得要留底：

算法穩定幣為什麼這麼誘人？
不管是鏈上的穩定幣還是鏈下的法幣，在設計、發行與流通時都離不開「鑄幣稅」（seigniorage）這個詞。在當今，它是指貨幣發行方在吸納等值財富後，通過貨幣貶值的方式積累財富的經濟現象，說白了就是印鈔票，自古以來，這都是最賺錢的生意，因為它能夠捕捉到整個社會經濟活動的紅利。

在當前的加密世界主要有三種類型的穩定幣：法幣背書、加密資產背書，以及算法穩定幣。

法幣背書的穩定幣通過 1:1 兌換法幣的足額抵押來實現錨定，一般在鑄造或贖回的過程中收取 0.1% 左右的鑄幣稅。考慮到加密資產的波動性，像 DAI 這樣由加密資產背書的穩定幣採取的則是超額抵押機制，收益來自交易手續費以及持幣者支付的利率。

而像 UST 這樣的算法穩定幣之所以如此誘人，就是因為它擁有三者中最高的鑄幣稅。通過引入一個掛鉤的波動性代幣，算法穩定幣把流入系統內的所有資金都變成了鑄幣稅，也就是人們常說的「Print money out of the thin air」，這種機制極大地降低了啟動成本，一定程度上提升了錨定速率，但同時也伴隨著與生俱來的脆弱性。

自 DeFi Summer 以來，算法穩定幣項目像雨後春筍一樣到處生長，試圖通過這個機制吃到穩定幣的紅利。但從 IRON 到 BAC 再到 FEI，這片戰場可以說是屍橫遍野，活下來的算法穩定幣寥寥無幾，而要說勝者，恐怕就只有 UST 一個了。

　　夜晚玩完車Game，十二點九睇戲，《逃無可逃》。

「逃無可逃/暫無出口」劇情解析/結局：達比和家人和好，和傑伊保持著聯繫，仍在努力擺脫毒癮

　　兩點三睇完，算好睇。睇完後我諗起《致命ID》😂

　　睇完戲，Christian 未訓，仲諗住打機，開聲開discord 同Jimmy 係廳傾計，我出房門，冷靜地講好應聲😊問佢點解唔入房打，佢話擺左部琴無位，我無佢咁好氣，叫佢自己諗，然後返房。最後Christian 都返房打😂。

　　兩點半訓。

20220419 撮記

　　七點七醒，Morning call Mani ，Mani 已醒。

　　九點七醒，九點九沖完涼，上天台淋花，十點出門，十點三到公司，係樓下見到阿邦😝佢都遲到。

　　十點七深水埗office走，十點九到麗閣，做例檢，十一點二走。下次都係唔好泊入邨😂被人警告。

　　十一點五到長沙灣船舶，做例檢，到左船舶，發覺漏左USB係麗閣，十一點九船舶走，十二點返到麗閣。

　　拎返手指，十二點一返車，買58蚊燒鵝四寶飯。

　　十二點半返到公司，Eric 仲話我咁快🤣

　　一邊食飯，一邊睇文，《受不了工作才離職，是把自己廉價地賣掉！真正換工作的好時機是？》，我覺得入面有一個好中既point 就係 :

「工作輕鬆＝成長曲線鈍化」

　　我返過唔同既工，深深明白成長曲線既重要性😎

　　之後，又睇到一個Facebook Post，「【結了婚還可以去旅行嗎?去啊】」，我覺得這個Post 很值得留底❗ 這樣的媽媽真的很酷！我甚至懷疑我會唔會去過「她曾經跑到挪威北邊的城市，在冷到爆炸的日子跟挪威大叔去看極光」既地方🤣

【結了婚還可以去旅行嗎?去啊】
「我之前問丹麥人，為什麼丹麥會是最快樂的國家，他們想了很久，然後說，也許是因為丹麥人跟人相處並不會去在乎一個人的年齡、身分、工作和學歷吧?然後我聽完就想，完蛋了，不講年齡、身分、工作和學歷的話，我完全不知道該怎麼介紹自己。」
最近去學校分享時，會開放一位名額給有興趣想要來參與的朋友，可以的話也邀請他們分享一下自己的故事。前面幾次時間比較抓不好，這次總算有讓來旁聽的怡萍一同來苑裡高中分享她的故事。
怡萍真的是個超酷的媽媽耶，她年輕時答應她老公的求婚，條件是要讓她出去旅行。於是呢，她趁著未滿三十歲還可以申請打工度假，就跑出去旅行了一年。
因為覺得用沙發衝浪家人會太擔心，所以她用Servas的方式去交換住宿，跟沙發衝浪類似，不過Servas是完全會員制，所有成員都需要經過審核，通常比較多是長者，然後一律是三天兩夜。
為了要跟當地人分享，她隨身帶著醬油好做菜給當地人吃，但我覺得最厲害的是，她甚至自己畫了繪本跟外國人介紹台灣！
她曾經跑到挪威北邊的城市，在冷到爆炸的日子跟挪威大叔去看極光；
曾經在瑞典被當地的物價嚇到吃手手，只敢在超市買紅蘿蔔沾鹽巴果腹；
也曾經在荷蘭住到中年男同志伴侶的家庭，第一次跟異性自在地搭肩擁抱而不用擔心會有危險。
回到台灣，即便生了小孩，她還是努力想要過零廢棄的生活，她三個小孩全部都用布尿布，帶著八個保鮮盒去菜市場買菜。
喔對了，她的小孩都是在家生產的。(現在去醫院生小孩因為要做PCR都一定要催生。)
她也帶著小孩自學，過去就常常帶著小孩去海邊撿垃圾，撿一撿就去游泳，然後呢，再一手抱著小孩，一手提著垃圾回去。
這樣的媽媽有沒有很帥?

　　食完lunch，寫一陣四月2號撮記，又上下網。睇到佢我真係O晒嘴😼超勁~

　　之後又睇到美孚新邨，估唔到私樓都可以有老鼠～仲要咁犀利

　　今日下午都無咩壓力，收工後繼續寫撮記，Wilson 五點半返左黎，佢六點走 。佢教我「生意既野唔追就無」。

　　子良打黎，話要做外賣仔，借我AC。同Mani 傾計，講下邱媽既期望。

　　我答Mani ：

　　唔係個個都有任性同選擇既本錢，有D人佢未讀完書就要養家😼ED 人可能就係邱媽睇中既「生性」，但ED人係咪活得開心，係咪做緊自己鐘意做既野😼❓no one care

　　😼👆你遲早都有壇自己野搞，一係返一份世藝工，一係做一份世藝生意。咁你諗下自己鐘意D咩😼🤗唔好去到四十歲怨自己「無得揀」😼

　　相信我啦，我閱人無數，你因為係中產圈子入面，所以就會面對中產遇到既問題，相反，我唔會有你果隻所謂壓力🤗🤣我活係草根圈子入面，但同理，我都有草根圈子既壓力，揾樣世藝搞下😼專心避世

　　之後寫左4月2、4月3撮記，亦Print 左琴譜學彈chord😎

　　八點四十收工。係泊車位買左45蚊冬䕃功金邊粉。

　　九點一到旺角。九點半生活書院zoom ，一邊Zoom，一邊同Christian 玩賽車Game 。

　　十點半完zoom ，星期六十點要到書院😫。沖涼，十點十一洗衫，十二點二洗完，Ming 剛好找我，想整一個認字體既AI😂我支持～

　　夜晚，我同Christian 玩車game ，玩到一點半返房😂

　　一點五十訓。