20220404 撮記

　　七點醒，太眼訓，七點四醒，七點四十沖完涼，上天台淋花，八點開車。Christian 同我講佢頭痛😂佢落樓買藥。

　　八點二到紅磡，九點五到大澳。之後行山路，十點十一到二澳舊村。

　　久違既行山，入邨之路雖然辛苦，但第一次行，滿滿的新鮮感😍我地仲遇到兩位同行既義工，佢地都係第一次黎，唔識路🤣我地四個一齊揾路~

　　甫去到，已見到有人在插秧，Amy 認得我，叫得出我係雞丁。帶我地認識一下環境，十一點我同Mani 換好衫，準備開工😎

　　早上我無帶手機，專注拔秧。拔秧初期，我傻傻分不清秧草同弊草😂雖然鏡叔一開始就教我地點分，比晒示範，但真係好難🤣。

　　具體係點做呢❓

　　首先，我要係前面既田上，將秧苗拔起移植，其他既就踩落水底：

　　然後，這是秧苗：😂

　　然後，這左邊是秧苗（有用），而右邊係弊草（無用）：😅

　　我當時心裡的ＯＳ🤣點分辨呀～最後都有少少竅門，一是手感不同，秧苗厚身少少，二是秧苗枝節有毛，而弊草係無的😎

　　最後，收好既秧苗，就放好陣間插秧用😎

　　我無著鞋，所以當我踩落去泥時，泥土好鬆，沼澤咁樣😂同同另一班義工傾計，傾到有一有趣既concept：

正如雜草一樣，害蟲係因為人類唔食所以先叫害蟲，例如禾花雀以前係害蟲😂睇黎有點「無用之用」的味道了。　　

　　職員Alan 分享，二澳舊村無人住，八九十年前，有瘟疫，風水佬話唔好住人，所以走晒，一D去左新村，一D出左市區住。

　　十二點五十，放中午。早上收左既秧苗，下午就要拎去插秧了～

　　今日好多人，又有義工，又有行山客，又有好多家庭團，佢地係比錢黎插秧，睇得出讀國際學校。

　　成個山頭有好多白揪，我一時三刻唔記得叫咩名😂

　　好彩比我搵返《大地行者 1月16日 情意自然野餐文化體驗 @ 南涌 1400》，這算是寫Blog咁耐以黎😂最實用的一次了。畢竟我靜靜雞睇完，然後就大大聲講白秋比Mani 知🤣 仲有活生生例子講線體，因為螞蟻真係食緊。　　

　　今日人多，職員無煮飯，我地食職員買既茶樓盅頭飯。食完飯之後，我同Mani 周圍行，

　　我地仲摘左一棵芒草😂（已掉落的~），希望帶返去比肥仔玩😎

　　之後職員Alan 好熱心咁同我分享二澳既大小事。有一個好深刻既係，佢話圖中既渠，本來無，當年好辛苦先起到。

　　上午我地拔秧，下午我地插秧，

　　我地插插下秧😂由於職員溝通出錯，發覺原來我地係插左人地塊田，塊田係留比D家庭群組上堂插的🤣唔緊要，最後我地一齊插🤗反正D小朋友都只係旨在體驗~ Anyway，我從旁邊都可以睇得出有家教，有素養。爸爸既身教同語言藝術，可以令到個女係有興趣插秧，知道有人陪伴佢，明白粒粒皆辛苦，更重要既係珍惜今日既經歷，同埋期待幾個月之後既收成😎真心勁。

　　之後，家庭群組們走得七七八八，我地義工繼續😎我坐係秧馬上，還不算太辛苦😊這是秧馬：

　　今日我同Mani 都係陽光下留下倩影🤣

　　四點二十插完秧，大部分義工都走了，畢竟仲要一段時間先出得返去。我地有車，本住「無下次」既心態，所以我地又去幫手拔秧。見到都有強逼症😂

　　走之時，看著滿滿的風吹過的稻香田，實在治癒呀～😊

　　四點四十收工，五點走。走時，我地要行返山路走，有對老夫妻行山同行，吹水，講插秧辛苦，我地都會心一笑😂

　　未幾，職員Alan 同Amy 揸鐵皮車出黎，然後換單車走😊真瀟灑～

出去時，仲見到沙灘好多招潮蟹🤗今朝潮漲見唔到，Ｅ家見到，滿滿既小確幸😊

　　今日影左唔少打卡相，upload唔晒🤗係E度留下少少回憶吧~

　　六點三，終於行到出大澳巴士站😂

　　真心少少攰～一場黎到，又唔洗等巴士，便入去大澳行下，本身想買包蝦干比陸媽，但後來見到價錢，又覺得陸媽未必想煮，加上蝦干唔靚，就算了😊

　　大澳入面，已經有貓幫我地實測芒草既威力了😂

　　買30蚊芒果糖不甩🤤好好味，之後再買多25蚊雞蛋仔，去海邊食，一邊食，一邊傾雞蛋仔煮法，廚師將雞蛋仔機翻轉九十度，第一次見，完全唔脆😂難道這就是「大澳風味」❓。

　　七點大澳開車，八點到紅磡。

　　八點四返到旺角。八點四十落街，買左48蚊米線。九點四十食完，同Christian 食雞。十點半沖涼彃琴洗衫。

　　十二點半食完雞，今日已經夠攰😂訓。