月份: 2022 年 2 月

20220207撮記

　　十二點四醒，一點出門。今日新聞話爆疫。

　　去入中銀票，保險Claim 過二千蚊，都放左係銀包好耐😂之後同Christian 食大瀛喜。今次放題食得比上次開心，又好味又舒服。兩點五十走，207蚊。

　　返到旺角三點，今日四點要去蒲窩，仲有少少時間，我上天台調理農務。

　　舊果粒士多啤梨謝左，但又有新既士多啤梨出黎😍

　　睇返手頭上有既種子，我係無種野既盤裁上播種，種左羽衣甘藍，貓草，菠菜等等🤗其實自己都唔太清楚😂。

　　三點四十出門，三點九入油，四點三到蒲窩。

　　好耐無見過Jack 了，佢同Mimi 一齊黎開會，我快講四日既教案，做一D簡單Present，然後就開始modify．阿jack 仲讚我，話就咁聽都覺得有趣過之前係某間中學交流時果位ICT 阿sir 既堂，我心裡暗爽😎我地亦brainstrom 左一D有可能既問題，比如學生可能會問點解有D零件有正負極，而有D無😂我都唔識答，要研究下。

　　定好教案，之後我地係蒲窩搵零件，決定比Ｄ咩買D咩，六點散會，我看得出Jack 無意約我晚飯，所以我就識做地走🤗但係蒲窩條斜路真係唔motorbike friendly😅我走時又卡關了，次次都係咁😢

　　六點八返到旺角，Christian 唔晚飯，佢出九龍灣學唱歌。七點九 Kris 返黎揾我整網，簡介了係一個股票網，data佢已scrap 左，而家比我整frontend 。我心諗，這咁似我以前同阿ming 傾既野😂

　　八點二Kris 走，我彈陣琴，陣間要出門，Mani 整左白爛貓boardgame要比工廠。彈到八點九出門，九點開車，九點一到紅磡，九點半到工廠。Connie 話佢星期四做ＭＯＣＡ，我第一次聽，原來係蒙特利爾認知評估，冷知識加一。

　　我地寫完信，然後就同Connie, Elise, 同廠長打麻將，我同Mani 一家輸三家😱不過都好，我地出沖得一次，其餘都係輸自摸同少嬴。廠長大方，嬴錢唔要，咁我將佢嬴果份比左 Elise，畢竟佢住粉嶺(搭𨋢時得知佢住Mani 以前住過既邨😱)。

　　一點四十返到旺角，Christian 心癮起，聽左今日kris 講既野，佢幫我上網搵template，仲deploy埋上firebase，少癲，同Christian 睇蝴蝶效應3，睇到四點，成個生活好似仲chur 過住hall 😂明天仲要返工😱　　

　　

20220206撮記

　　尋晚接近五點訓，今日一點九醒，Christian 同Norman 去車公廟拜神，我唔信所以唔去，兩點八落樓買30蚊雙餸飯，兩點十一返上五樓。

　　今天只做一件事，就係Arduino 研究。畢竟，上星期本身要做，之後又拖住左，去到聽日就要去蒲窩Present，所以今日起碼都要準備個Lesson plan 吧😆

　　三點四，洗衫彈琴。上網睇到香港青年協會青年宿舍PH2，我有Ｄ興趣想申請。

　　但都係Arduino priority 高D😆

　　去到大約六點半，Christian 返黎，佢拜左車公，事業係上籤，愛情係下籤，我心諗何必認真😂之後佢順便淘寶，我有份夾，買左257蚊花盆腳，買左534蚊CCTV，老鼠喇叭同留洗衣機。之後我一邊吹水一邊整Arduino。整左一個會按歌聲轉換的program，不過我手頭上無燈帶😂用LED 燈頂住先。

　　今日陸爸放假，夜晚我應承左要返彩虹晚飯。八點出門，係樓下同良哥傾電話，我地本身約左今星期四上黎我天台BＢＱ，佢竟然咩都無問過就擅自約多左兩個人，正正常常平日問得約得就即係預多兩個人頭啦～但問題係無問過我，同埋佢Ｄ朋友我都唔識，心諗佢唔覺得尷尬架咩？不過佢唔約都約左，我唔通做醜人叫佢地唔好黎咩😂唯有叫佢下次問左我先。

　　八點半到彩虹，陸家晚飯，睇哈里波特死神的聖物，有一幕講綠松石，陸媽拎左粒金耀石出黎，分享比我睇，睇得出佢珍而重之Ｅ粒石，本來佢係打算鑲落戒指上，但無岩既模，所以就散裝，有緣就拎出黎睇。

　　十一點五十走，十二點到旺角。同Christian 睇戲，睇蝴蝶效應，算係一套高質戲。

　　睇到兩半，Christian 返房，我繼續整Arduino，Programm 齊晒，只欠係Notion 寫最後兩日既教案😆

　　三點半搞掂Arduino。Christian send 左導演版既蝴蝶效應，我之前就係睇過06:15既結局😎睇黎唔同地方有唔同既結局版本，咁又make sense，畢竟好多荷里活電影都有「中國版」結局😂。

20220205撮記

　　下午一點醒，上天台收衫淋花，一點七沖涼，一點九出門，兩點三年到海之戀。

　　今日約左Peggy，我地坐大快活傾野。亦分享下舊事。
　　佢諗住揾我幫手，佢搞緊上環農墟，但做唔住，生意淡薄。想我幫手落廣告，同埋打理fb / ig post 。

　　我地傾crypto，其實即係我講書😂佢完全唔識。之後教佢upload 手機相，先backup 去hard disk or cloud 再delete。

　　最後我開quotation比佢，as a part time 六千蚊一個月，或者三百蚊一個post ，畢竟我唔係咁想幫佢手😂一黎佢有拖糧前科，二黎佢唔識電腦，做好多無謂野，而其實六千一個月唔多（MPF都慳返），不過佢無錢請又另話。咁就等消息🤗

　　不過今日都有得着，尤其得知佢落左廣告都谷唔到人流，便打算改為租半場比工作坊，又多樣性又可比學員走後試下買野，我覺得E個思維真心唔錯。

　　五點半走。五點五十五到紅磡。律師通知我睇一睇文件，上訴開始排期，我其實本來就無希望，所以無失望🤗上訴係我眼中，只係對身邊人的一個交代，何況我唔想後悔第日自己有錢交律師費，卻已經無機會上訴，E種遺憾會係一生的陰影🤗

　　上到紅磡，Mani 係電腦裝左overcooked ，同佢玩幾鋪，我咁岩今日有帶電腦，同佢裝頭D，裝於可以battle😎😎

　　之後打邊爐，佢細妹今日帶左男友上黎，我不便問咁多，又無人提，又感覺不宜分享今日做過D咩，感覺怪怪的。之後佢細妹係大學有朋友組隊搞生意，諗住apply project ，於是我比左少少建議，聽完搞到我自己都想做🤣個IDEA 就係整一個app/ platform ，可以show 到location附近既美容院，而ED美容院係會派發免費tester / treatment的，需要登入app scan QR code 去拎，每個ac 每日限拎一次/ 每間美容院既tester 係有個別quota。

　　平台既收入就係free 比app user （之後可考慮subscription)，但向平台上既美容院收費，就好似food panda 咁。一來tester 成本低，如果該美容院因為E個平台多左客人上去拎free tester，理論上都會多左客源😎
講就講左，不過E D group project ，9成會夾唔到而爛尾，所以自求多福吧。

　　打完邊爐，時間尚早，同Mani 玩頭D，佢無咩興趣，但好比要咁玩😂可能因為我都好比面咁玩overcooked🤣

　　試裝LF2，裝唔到。九點半，係邱家打牌。打到十一點，走。十一點四到旺角。

　　Christian 同Norman 今日係度，我唯有下場，飲酒social，三條麻甩佬🤣🤣一入房已經唱緊K😆

　　之後我地玩poker，大家一百蚊本，我嬴左百四蚊，Christian 比我捉到心理，我一有好牌就搏走左佢，玩鬥地主，玩到四點八，我訓先，聽日仲要準備蒲窩既Arduino。隱約聽到佢地Boy’s Talk，黎黎去去都係話當年同講女🤷‍♂️我都係訓了。

　　

跋：

　　小插曲，今日係出面樓梯捉到老鼠🐭看到都覺得牠可憐，可能我本身有少少佛系吧～竟然會可憐老鼠。

　　但係當老鼠入屋時，就唔係咁講啦！我地玩玩下鬥地主，比我見到係熱水煲位有「老鼠」走過❗　即刻本能反應「開燈擸架生」😂我地三個都十分緊張，左揾右揾。

　　最後，比我地搵到了，唔係老鼠，而係壁虎…….可惜的是，佢最終都係逃離唔到人類既「魔爪」，我有點後悔當初見到時咁大反應，如果下次我知唔係老鼠，我會扮唔到～

20220204 撮記

　　今朝九點醒，係網絡上見到下星期一有一個背包客既講座，我好有興趣，不過這是for 台灣人的，而且下星期一可能roommate 返，費事尷😊。

　　跟手比我發現Ｅ個post ，講AI分析文言文，我覺得幾有趣，而OPEN CV 令我諗起以前係tecky 聽過有個分享，就係用open CV 黎解數獨，都真係幾犀利。

　　朝早難得早起，打算出去煲熱水沖涼同埋解凍食物，點知比我見到有隻生歐歐既老鼠😱即刻下意識拎起掃把，而老鼠似乎驚過我，一早遁去無蹤，我立即將D碗碗碟碟洗多次。洗完已經無晒mood，返房訓覺。十一點七醒。

　　洗衫煮早餐，十二點九食早餐。Mani 尋晚牙痛訓唔到，於是我介紹牙醫比佢，又真係比佢初四book 到，兩點見牙醫。

　　今日覺得周身唔聚財，我覺得係朝早見到老鼠後出事，本身要做Arduino，所以我食完早餐後，就搬琴上天台，順便晾衫淋花。

　　於是兩點開始，係天台一邊曬太陽，一邊彈canon in d，我終於唔睇譜彈到成首歌了❗只差時間去practice makes perfect。

　　之後Mani 睇完牙醫過黎，要剝智慧齒，大牙同植牙，醫生要收佢萬幾蚊，佢有點抗拒，可能係驚吧。幫佢分析完後都係佢自己決定做唔做手術🤗畢竟「把口生係佢到」😂

　　四點四Mani 上黎，四半上天台茶餐。之後我彈琴比Mani 聽，彈左canon in d，天空之城，summer，it is hard to say goodbye。 但睇黎Mani 唔識比反應，畢竟佢不嬲hea 底🤣Anyway 這代表我既琴技有進步空間。

　　五點一落返樓下，Mani 打算玩overcooked，撞正Christian 打緊league🤣於是決定執天台，執聖誕節裝飾。此時，收到子良電話，佢想上黎hea，同我遊車河。於是我同Mani 連機打陣Mario 先上天台。

　　大約六半，子良上黎，係天台可以見到佢泊樓下，幾有趣。

　　我地係天台閒談，子良無咩點變，話題黎黎去去都係果D，佢係天台拆利是，我同Mani 執天台既農務。七點五十旺角走。我同子良交換車揸，佢架cb223 執得好靚，感覺好似車房果D示範車咁，我車Ｍani 行一小段路，雖然有少少震，但總結來說市區揸一流，至於上高速就略嫌唔夠力。

　　八點二到紅磡，我地買左鹽水雞，決定入長沙泳灘。八點五開車，九點一到長沙。之前沙灘張長凳已經放晒雜物😅於是我地係停車場上面食晚餐。

　　子良話長沙消防局返工係種花🤣食完野，因為太凍，兩個麻甩佬，都無咩好講，於是我提議揸去禁區睇下，畢竟可能係最後一次黎🤣雖然次次都係「最後一次」，但我已經黎左三次😅

　　我地九點八到石壁，睇地圖先知原來沙咀同石壁係相鄰，睇黎之前果D禁區紙係講緊落監獄樓下條路需要。

　　因為太凍既關係，我地好快走。子良未行過屯赤，於是就決定北上屯門再返歸。十點五到友愛，係sauce 屋企，而佢今日約我，好奇妙，解釋不能🤗。實在太凍的關係，我地泊係友愛，行七仔後門，入去買熱飲，我飲左盒熱朱奶，暖暖地好好飲😋之後我地去商場洗手間，然後去番架車到（小插曲，我地行返七仔後門去拎車，七仔姐姐叫停我地，話行後門會被懷疑偷野，我地一句話拎車，就走了🤣）。

　　友愛邨走時，仲有一單小插曲，就係有架改裝車同我鬥響死氣喉，好少發生🤣佢仲同我鬥快衝。我覺得佢應該係悶得濟😅一架改裝車同一架電單車鬥，不過佢都似係無所事事出去遊車河，先有本錢咁玩。

　　十一點二返到旺角，本身已經又凍又攰，但遠在北京既故人vera 搵我傾計，我都傾一陣，何況我都未有mood 寫文😂。十二半沖涼，沖克涼彈陣canon in d，然後一點寫blog。寫到三點。

跋:

　　朝早Mark 底左，但去到夜晚睇返先記得要download宋冬野既歌落去喇叭sd 卡內😅點都好，拖左成兩個月既事總算完成了。

　　今日好多故人忽然搵上門。比如子良無啦啦走上黎，Sauce 無啦啦問我聽日availability ，子君佩琴又約星期日去佢地新屋party。不過我星期六日都例牌有約😂加上佢地少見，唯有推卻。

　　最重要既故人係vera ，同佢分享下我返工整賭馬分析，分享下林鄭今日講粗口。講下春晚既廣東話相聲＆大灣區哥哥姐姐們，又講下Mirror Collar ，又講下岩岩遊車河，仲比我搵到一張陳年鳩圖🤣其實好開心，有時，儘管見不了面，但久別重逢一傾就如故，是為知己。可惜，她應該唔知我這些年經歷的事情，如果她知道了會有咩反應呢❓係驚訝，抑或憤怒？定係擔心？或者理解？我唔知，也管不了這麼多🤗。

　　今日初四，真真正正計劃趕不上預期，也許這就是人生吧，儘管整天都是running nose，但我覺得今天很開心，因為我身邊有人陪伴。更甚者，係心態既轉變，無可否認，朝早見到老鼠係有心理陰影（我第一次係屋內見），但其實我一早知老鼠既存在，當然要採取措施，比如食物妥善收好同埋封左D老鼠窿佢，但更重要既應該係要明白要「與老鼠共存」，畢竟之前已經捉左幾隻老鼠，但總有千千萬萬隻，殺不盡的，如果因為見到老鼠行過屋內就崩潰，是為看不清，是為一念無明。畢竟，看不見的時候，也有老鼠走過的，更甚者，只要換左「老鼠」這subject，其邏輯和心境也應該一樣的，比如見到「有人講你壞話」就崩潰。我覺得，既然問題係會持續存在而且只能暫緩不能解決，咁看待問題的心態需要改變，如果唔係我日日係度都會周身唔聚財😂咁仲點搵食？

　　執筆之時，有新聞講有貓中左病毒，究竟事情會發展成點呢😆❓如果見到「有貓中招」就崩潰，咁仲得了❓❗

20220203 撮記

　　尋日四點半才訓，今日兩點醒😆

　　甫醒，就收到Helen 既信息，佢有一張白爛貓揮春貼紙，我正好奇點樣拎，原來係要成為會員。佢話寄比我，我第一反應係「咁好死😂」，咁我又搵唔到拒絕既理由😆

　　之後我沖涼，由於Christian 未返（佢今日話同Frd 上黎拆櫃），我煮野食，三半終於煮完拎上天台，太好味😋十分鐘食完（可能我肚餓😆）。

　　1545落雨，天台走。我睇到一段王家衛版既小丑，好佩服！之後彈琴，練canon in d。

　　四點九，Christian同阿超返到，帶埋工具，今日拆櫃。同時Mani 都到樓下，我落樓接Mani。 我地拆櫃，搬野上天台，留左Ｄ有用既木板拎黎做枱（希望雀屎手下留情啦🤣）。

　　之後落樓下，打左機，同Mani玩overcooked，然後比手掣Christian 同阿超玩FIFA。我同Mani 研究Arduino。Mani 唔識揼code，又唔識插麵包板，正好比我試教，點知佢悶到訓著左😂睇黎我要諗諗佢點搞😂

　　之後Christian 同阿超玩FIFA玩到悶悶地，叫我左去同阿超挑機，我自從十月打後已經無掂🤣我用巴黎聖日耳門，佢用皇馬，最後我輸1-4🙄仲要有一球烏龍波🤣

　　除左教Mani 最基本既Arduino，我亦試左其他以前係CCH 既 Arduino program，比如Matrix 8×8燈，仲比Christian modify左我D code 😂出以下output :

　　之後，我同Mani 七點八走，我送Mani 返家，順便買外賣。七點九開車，八點到紅磡，八點二到旺角漢堡包店cookingnana，買左279 蚊漢堡。

　　八點五十返到旺角，kris 已到，佢今日黎同Christian 搞生意野，我同阿超睇 Netflex，一邊睇尼馬自傳，一邊晚餐。睇完尼馬之後睇左賭俠拉斯維家斯，王晶出品，真係唔識欣賞。但亦因此知道以前一D笑位係出自E套戲，比如「阻人仆野燒春袋」「Your spring pocket will be barbecued 」😂。

　　去到十半，Kris 似乎頂唔順王晶的庸俗，見生意野搞掂就走。去到十點十，阿超都夠鐘返馬鞍山，Christian 都決定返去，佢有佢打算。於是今晚得返我一個，事情既發展真係估唔到😂初三無諗過咁齊人，又無諗過會最後走晒，結果我彈琴自娛😎

　　夜晚十二半，沖完涼，返房打日記。寫到兩點四，然後停筆。

20220202 撮記

　　尋晚backup 手機相同寫blog 寫到勁夜，四點先訓🤦‍♂️

　　今朝1251 醒，睇到wordle 比人收購，而且仲有back up 既方法，仲解釋左原來Ｄ字係based on 電腦既日期😆真係智商加一❗

　　之後，我今日既節目就係去Mani 果邊拜年，我係床上hea 到Mani 過黎，比我搵到茄子蛋既浪子回頭，好耐之前已聽過E首「洗腦歌」，今日終於認真細味歌詞了。

　　一點九疏洗，兩點三落樓接Mani，兩點七買燒肉鴨河，熱奶茶。買既過程中有小插曲，有一個唔識中文既外籍人士黎買餸，Mani 幫佢翻譯，最後成功幫佢買到😎過程中，佢唔知燒肉既英文係咩😆我答乜唔係BBQ pork 咩? (那是叉燒🤦‍♂️)。最後唯有請教Google :

　　兩點九返上五樓，上天台食我今日第一餐🤗

　　Mani幫手打理植物，收剪左蕃茄葉，插過D竹，幫士多啤梨整一個架，費事佢掂泥土時會令虫入左果實內，最後都擇左Ｄ沙律菜比公公婆婆，算是幾多錢都買唔到既過年禮物吧😆。

　　之後返落樓下，四點三離開，四點五開車，去九龍城Mani公公婆婆家拜年，Mani 尋日全家已經係公公婆婆家拜左年，所以今日得我同Mani 加公公婆婆四人，所以多左時間閒談，我問公公識唔識打牌或捉棋，公公話佢唔識，因為以前忙住返工，我順勢問落去，公公分享佢以前做木船，要逗木。我同Mani 送左阿布泰既禮物(一Ｄ敷料)，比公公婆婆去敷，另外仲有我地係旺角擇既沙律菜。之後我地飲左婆婆整既胡椒豬肚湯，沙律菜公公婆婆試左少少，就叫我地帶走😅可能佢食唔慣吧，但起碼有試！

　　本身公公婆婆想留我地係度晚飯，但今晚係紅磡有另一場邱爸男家的拜年，而Mani 又想留係度晚飯，幾經斡旋後都係決定返紅磡拜年，於是我地六點走，六點四到紅磡，去左買山根同紙包野飲，六半上紅磡，見到大伯同姑姐姑丈，打邊爐拜年打麻將，我仲download 了Mario 賽車game 同Mani 玩，因為Mani 尋日拜年去左舅父家，同浩軒＆表妹們有一齊玩。

　　我亦帶左白爛貓既手信，拜年始終要送禮嘛。

　　原來阿明之前訪問過E間山手作既東主，大意就係佢係海味鋪太子女，因想自己創業所以就問父母拎左筆「創業基金」，於是就有了山手作😆好勵志，咁起碼佢真係本土香港製造（廠房係香港），我絕對支持❗

　　姑姐分享佢而家做某間中學既校務姨姨，可以用學校既農園種植，分享了一些種植經，我亦分享了天台的種植相給她，本以為見面會尷尬，但結果大家都識做人比足面。打麻將主要都係比Mani 同 阿明吸收經驗，而我負責交學費😆但既然有利是收，Mani 又學多左打牌技巧，輸左一二百蚊又無所謂，比長輩嬴下都好，開心就好。

　　十二點半走，返到旺角已經十二點九。本想休息，但係有股癮，決定寫撮記，backup 返相，而且我一邊睇永恆族一邊寫日記，我覺得幾爽的。寫到三點收筆。

　　跋:

今日睇左wordle 可以download ，於是我真係去download 落黎，果不其然，開vs code 勁快就睇到入面既data，幾有趣。

　　加多少少formating，我就搵到字庫其實由1360行到14333行，即其實有12973行，咁真係有排玩🤣

　　至於Nerdle，我用同樣方法都 download 左，睇到晒source code，不過開唔到，可能係佢加左Ｄ security 連去server，咁無計🤗。

　　既然hack 左，咁梗係即刻試玩啦🤣

去到Ｅ 個位，我搵搵database，發覺其實都唔係咁無敵😆因為Ｄ字我都唔識。

於是我運用聰明才智😎比我係有限機會內過到關🤣

但我唔明，係我既data list 內係無「SHARD」的。

最後靠Ctrl + F ，搵到「SHARD」係前面，同時，已知順住日子排，我已經估到聽日係「pleat」 🤣哲學層面上，唔知有無意義呢。

20220201 撮記

　　昨晚三點才睡，今朝醒來已是十一半，大年初一，打比陸爸，約了時間十二半到倫敦大酒樓。

出門時的大跩同細跩在搞甚麼❗❓

　　十二點沖涼，十二點四出門，行八分鐘就到酒樓了。陸爸已到四樓開枱，而我卻不小心搭𨋢上了三樓混左陣桔🤣下次要好好看message了。

　　見到陸爸後，立馬換了白爛貓利是封，起初陸爸是不願意的，但經我說服後就可以了，說到底也有紀念價值喔。未竟，Mani 都到了，仲帶來了禮物添，我地閒談近事，有關打針呀，茶葉呀，波鞋呀，其實無咩新年氣氛，但就我而言幾舒服。閒談之間我搞錯左一個烏龍😂原本我以為陸爸陸媽當年係係Ｅ度倫敦大酒樓擺酒的，但原來唔係，係彌敦道對面既五月花酒樓，而家已經執了😢。

　　1340 埋單，陸爸派發白爛貓利是，Mani 收到好開心😼之後我地決定陣間去尖沙咀the one 睇鞋，因為陸爸有coupon。出酒樓後短逛了樓下的阿希泰，然後1349 就上6號巴士，兩點到the one。先上五樓new balance 睇鞋，因為陸爸早幾日已經睇中了一對鞋， 佢覺得鞋面係防水、鞋底係行山料，十分適合我，所以由始至終都係想我地D後生既按佢劇本黎行😂我心諗，有一千蚊coupon 都唔買E 對啦，有點為買而買，仲要著既人係我，仲要今日係大年初一，新年流流買鞋，「鞋」足成年呀🤣

　　我於是決定唔買，行下商場，上樓上IＴ睇，得知邱淑貞同甘比係老友，所以ＩＴ開係廿比期下商場真係唔出奇，然後落樓下ＡＥＯＮ 行，有Mani 最鐘意既十二蚊店，亦有一個超級市場，陸爸買了一些雜糧，我買了一盒芝麻糊沖劑比陸媽試。

　　我發覺陸爸知道唔買鞋後有D失落，加上佢其實本身無咩需要黎the one 買野，佢係為左對鞋去換the one coupon，而點解為左對鞋？係因為見到我著緊對黑色tiger 爛得都幾犀利😅 種種原因，搞到我決定今日用左佢，反正都唔會有時間再黎the one，難得大年初一，咪當買一個回憶，又花不了幾多錢，無謂要老人家失落啦，按佢劇本走都無壞。於是我地又上返去買鞋。本身我想買跑鞋，但價錢唔過一千，而且跑步我prefer tiger，至於果D 潮鞋（９９６ 果Ｄ），我根本不感興趣，仲記得當年去英國，子良托我買Made in England 既 New Balance，我當仲要無買（因為行李無位😆）。最後買左一對行山鞋，扣左coupon 只需71蚊，４１號半，算係最適合我的選擇了，而且鞋底好厚（即刻有自信了😎）。

　　買完鞋已經三點，同陸爸去搭巴士，佢返彩虹，我同Mani 去旺角，行朗豪坊市集，佢想行H&M但完來已經執了，三點八返上5樓。本身想打陣overcooked，但Christian 打緊😂仲搞到佢Fifa 輸左。由於天台有南亞係度開餐，費事大家面阻阻，我同Mani 執Arduino，佢教我用object block ，上object block官網，開account ，然後係手機裝Objectblocks tools app，Configure arduino 底版既wifi connection。就可以係官網上行program run 了😎花了少少時間但總算回憶返番黎。

　　之後上天台，見到有蕃茄，士多啤梨都有😍希望唔好比人偷啦。

　　四半送Mani 走，四點五十五到九龍城，五點二到彩虹，陸爸出左去買餸，我同陸媽閒談一陣，然後我打機，佢聽收音機，大約六點，陸爸仲未返，我決定開電腦睇戲，搵左沙丘瀚戰黎睇。陸媽想連去大電視機睇，我問有無HDMI ，竟然比我搵到，係之前我上tecky 果條，長度仲要岩岩好，插到去屋企部desktop，不過dual mon 連就連到，但我睇唔到果大電視網，比條梯擋住，於是就同陸媽玩「二人三足」🤣佢比指示我拖隻mouse 去按放大鍵。

　　夜晚晚飯，陸爸買了雞買了餸，閒談中提到了我去邱家拜年，我問陸爸有無去隆亨邨拜年，陸媽好大反應，原來這是陸媽的一條刺，那我即刻轉話題啦🤗陸爸買了新手機，之後一邊睇戲一邊幫陸爸過資料，都幾煩，不過最後完成。過wechat Data 時最煩😂登入新手機wechat 需要舊手機wechat 去掃瞄QR code 或者兩個朋友去message 一段pin code 比陸爸才可以。陸爸舊手機相機壞了不能對焦，而第二個方法，我係佢其中一個朋友，但陸爸揾唔到第二個😅因為陸媽無wechat，而大年初一陸爸怕尷尬唔知問邊位好，Anyway，佢最後搵到人，搞掂了。

　　當初我換手機wechat時，係無update 返以前既對話紀錄，一來我無興趣留（都唔用wechat 😁），二來唔知道可以做到備份。今日竟然比我搵到備份對話既方法，即刻幫陸爸還原備份，仲比我搵返碩果僅存既相，真的好難得❗ 亦勾起我好多回憶，不免有點感概。

　　西藏的回憶，當時我報平安比陸爸，我搭火車了。

　　最重要竟然比我搵到中科院實習時既宣傳片😆❗係我人生中一段好重要既回憶，00:17 至00:19 我有上鏡的😎當時其實覺得好開心，而家望返都不禁緬懷在北京的日與月，我有機會實在要記錄返當時的生活。

　　十一點走，其時睇緊明珠台既哈里波特阿茲卡班的逃犯，睇到一半。我十一點二十返到旺角，Back up 手機相，睇埋哈里波特阿茲卡班的逃犯，而且寫blog 😆好耐無執筆了，但我今日有feel。約一點，我睇廿二世紀殺人網絡４，一邊睇，一邊寫撮記，感覺很熱血，虎年第一日就做左咁多事，又拜年又買鞋又Arduino又睇戲(前後三套)又過資料又寫blog，算係一個不錯的開始吧🤗。

　　

重寫Blog 的動力

　　今日係2022年2月1 日😎 亦係農曆新年的大年初一，係一個好開始！

　　至從我一月多了時間後，一直都想寫返撮記，但可惜時間不允許（實在想不到無返工都可以咁忙🤣），或者只係自己既心在逃避。決定不做一件事可以有一百個理由，而決定做一件事只需一個理由。

　　今天，作為虎年第一日，而且未來既schedulle 都定了，既然天時地理都有，欠的就是自己打字的心，畢竟寫blog 很累的😆若要一個簡單的回顧，九月至今，就是約人報平安，搬新屋，返新工，本以為自己的人生已經經歷得很多，想不到這段短時間的經歷卻帶給我很多新鮮感，又重整了我的回憶和知識，感覺像住hall，又像Exchange，又似在工作，又似社運時期，這對我來說，真的要好好珍惜同感恩，或者，正因為咁，才賦予我寫作的動力，有時，寫作才能尋找意義，不是嗎?