20220227 撮記
十點四十醒，Hea 陣睇Facebook，講俄烏局勢，一點七落床。沖涼，食尋晚既壽司，洗衫，上天台淋花set cam （雖然係假狗😂）。
今日無約人，得我同Christian 係旺角，佢又武漢肺炎，我都費事打攪佢，何況都無咩野岩做。我情願比自己今日抖下metime😁四點出門，四點五到大帽山，上到頂，有個女警叫我調頭，話上面塞死晒。
之後去西九，五點到。睇海睇人睇景睇日落，天氣少凍，我又病病地，最適合自己一個。
上下網，睇人釣魚，寫撮記，2月13至2月15。
難得黎度西九，這𥚃載着滿滿的回憶，留下一些今日的眾生相。
眾生相：
滑版
滑輪
瑜伽
踢波
釣魚
跑步
放狗
跳繩 （日本人父女）
八點八西九走，九點旺角入油。
忽然有感：
會做野，環境幾差都會做，無心做野，比豪宅你住都唔會做。
太夜了，酸辣粉收左鋪，惠康都收左鋪，買45蚊海南雞，九點九返旺角。蒸返尋日既雞，晚飯完沖涼。
夜晚，我試用左之前買既血氧機，上網爬一爬文，發覺自己正常😎
十一點九，睇無眠森間，波蘭戲黎，我推薦性本無言。
一點二睇完，返房。臨訓前上陣Facebook，睇到一D象棋片，忽然有興捉象棋，幾經辛苦，係兩點，終於贏到電腦。
兩點二訓。
跋:
今日睇左一篇facebook，講投资股+人力股 既分配，特此留個紀念。