20220219 撮記
尋晚五半訓，十二點五十醒。一點半陸媽打黎，佢黎緊旺角。我係Facebook 望到E 張Meme 圖😂不禁會心一笑。
兩半出門，兩點四十到佳記，同陸爸陸媽一齊食野。陸媽分享佢睇到一個節目，講香港有一個熱食售賣機，好似汽水機咁的。我幫佢Google一下，又真係比我揾到❗係觀塘區。
三點三埋單，三點半旺角搭鐵 ，三點四十到尖沙咀，三點五十到The one，陸爸有五百蚊Quopon，所以趁我同陸媽仲可以商場之際，用左佢😂我本身無咩野買，但之後醒起旺角無螺絲批，於是就一次過執左D必需品，然後買D食既，我買左一筒汽水糖，係我小學回憶～另外鬼滅之刃糖，賣成廿蚊條我平時一定唔會買😊今次有quopon ，就買一條睇睇，我都想知入面個贈品係D咩黎（最後發現係擦膠😆）。
埋單時有一個小插曲，陸媽想買既其中一件貨係磁石貯物盒，貼係雪櫃上的。眼利既售貨員係埋單時發現爛左，於是就叫我地換（即係我換😂），於是我問陸媽係邊度拎，佢已經忘記了，淨係話得返最後一件，算數可以唔要。我見最後一件，起碼都問清潔先，花了少少時間，終於比我搵到，果然，陸媽想買的形狀係圓形的，得返我手上爛的最後一件，我換左一個三角形既比陸媽，睇下佢岩唔岩，唔岩我就買多一掛衣架算數😊。最後陸媽喜歡，那便同售貨員換貨就好了~
前後買左六百七十蚊，有雜貨，有壽司，有車厘子，有乾糧。四點五十搭1A巴士返彩虹。五半返到彩虹。
七點晚飯。夜晚又有一個小插曲，我本想開電腦睇套戲，點知windows 死左，於是我上網揾，我既問題係https://answers.microsoft.com/zh-hant/windows/forum/all/%E9%87%8D%E8%A8%AD-windows/a14c72b9-f277-437c-a7dd-df3862f53b75
重新開機數次後, 系統顯示自動修復當中, 然後要求選取帳戶並顯示「 你必須使用系統管理員的身份登入才能繼續但此電腦上沒有任何系統管理員帳戶」, 按指示前進後回到剛才的登入畫面 嘗試啟動命名提示字元, 顯示出信息:「 你必須使用系統管理員的身份登入才能繼續但此電腦上沒有任何系統管理員帳戶」, 按指示進行後重新回到剛才的登入畫面。 若然嘗試進入安全模式, 同樣顯示「 指定的網域可能不存在或無法指定的網位可能不存在或無法連線」, 而無法登入。
爬左好多文，試晒咁多個option，入左去無限循環內，最後決定拆部機拎返深水埗整😎好彩我轉左E份工。
八點二整廁所，泵水系統有條螺絲之前斷左，換左新螺絲後泵水不順，今日順便整埋，八半彩虹走。
八點七搭鐵，八點十落鐵，九點到旺角。
甫返到旺角，Christian 話佢老豆中左，子良話佢炒左車。我心諗😅今日咩事～最後我傾完電話，情況大致理解，子良少事，死唔去。Christian 猶豫留唔留係馬鞍山，我叫佢返黎旺角，畢竟我覺得我中左武肺其實都無咩大不了，但佢本身同屋企人關係蹦緊，如果佢咁樣係馬鞍山訓十四日，真係喊出黎。
十點四沖完涼，整左拖板，而家我間房基本上無野係地面，要清潔都方便Ｄ，亦無咁易引到老鼠😎
十二點Christian 返，整TrendX ，睇異國陰宅。一套黑人做主角既電影，令我諗起E個導演既戲，分別係《逃出絕命鎮》（Get Out）同埋《我們》（Us）。《我們》（Us）我未睇過，得閒要睇睇。
3點半睇完，做多陣，研究react map 同bar chart，四點三訓。
臨訓前，睇到欣宜facebook，肥姐死忌，網民唔知頭唔知路留言講生日快樂😂。
跋：
上網睇到Ｅ張Meme 圖，我覺得自己都開始化了😆
