20220210 撮記
十一點九醒，阿超今日借地方黎interview，in 完搞水喉，嘈醒左尋晚四點先訓的我😂。廁所漏水漏得好犀利，樓下直接踩上黎投訴，最後call 業主，原來細房出面有得熄水掣。最後Deal 好係下午搵師傅上黎搞。
十二點八，我趁Christian 同阿超出左去時沖涼。之後我睇到強檢下既警民衝突，早兩日周圍都打蛇餅，果然遲早出事。
十二點五十，Christian 返到，買左蒸魚飯比我。食完上天台淋花。Mani 睇另一位牙醫司徒醫生，有機會唔洗植牙，杜牙根就得。
一點五十洗BBQ 網，今晚阿蛋同良哥上黎。兩點師傅上黎整水喉，換左零件搞掂。佢仲用牙籤自製爆炸螺絲，換左以前滑椏既螺絲。
Christian 醒目，順便問埋可否整埋過燈，於是師傅買埋。佢駁燈時發覺有條線太短，於是我比電線鉗同電線膠布比師傅，成功cut 條長電線駁去短電線上。兩點五十師傅搞掂，走得。
陸爸尋晚拎左成箱車厘子，佢已經食左，於是我決定返彩虹拎，畢竟今晚人多，順便洗床單。三點二出門，三點七到彩虹。
睇到有篇文章，講bitcoin 難洗黑錢，畢竟blockchain 技術所有野都有record，這樣都幾唔錯，偷到用唔到😂我相信只係個賊道行未夠啫～令我諗起wannaCry當年拎果D crypto ，都唔知而家換返出去未。
陸媽分享佢尋晚睇左tinder 大騙徒，雖然佢講得唔清唔楚😅但我可以係佢browser history 睇到，從而理解佢講咩。
四點四走，仲要去買餸。四點九返旺角。同Christian 落樓下買餸，經過五金鋪有隻好得意既貓😼
買左四百蚊佳寶，百六蚊惠康，六點返到去，準備食材，醃野。
約左佢地七點半，我同Christian 七點上天台準備，七點八，阿蛋同良哥帶埋朋友阿峰、迷彩上黎。
我地食住先，大約八點，Kris 同阿驅都到左。簡單講，成晚除左BBQ，就係一個手足分享會，由16年講到19年，由沙咀石壁講到壁屋，阿峰我係旺角分享時見過佢。講起陳伯，講起米係等於煙，所以煙灰缸又叫「米缸」，仲開左一包藍煙，估唔到，全場得我一個識整「猛龍」😂。
傾左Patreon，傾左姜牧師， 十點四完場，迷彩要早走，阿蛋車晒全部人走。
十一點半我清完場，同阿蛋傾電話，同Christian 吹水。吹到一點訓。