20220309 撮記

　　七點四十醒，八點二出門，八點五到深水埗，八點七開始導賞，九點五十導完。十點到公司。

　　今日導賞完唔夠時間拎車，直接行返公司算數。返到公司，Victor 仲好熱心咁同我debriefing，因為星期六就黎對真客，而Eric 就不斷搵我set 野，因為我地 PM Session 要去粉嶺整router。

　　上午，係公司整整Quotation, 跟Eric preset router 既ip address, 派幾多隻ip 出黎等等。一點出去南昌拎車，由於我聽日幫大Eric 裝線，所以就去幫佢買一支穿線膏，78蚊。

　　買完之後，順便係南昌揸車返黎，而且拎埋黃金外賣，上office食。

　　兩點三深水埗走，兩點十一到粉嶺。完左收工係759買左7蚊寶礦力，十分扺～（因為佢本身做折加上Eric 有會員折扣）

　　五點三送Eric 返馬鞍山，之後我行大埔道，五點八入油。竟然比我見到有隻馬騮係橋上行😮係00:04 秒。

　　返到深水埗，有Ｄ肚餓，兜去麥當勞，係麥當勞樓下出面既班馬線上，我同周遭既人都不約而同收到「緊急警示」，原來伊利沙伯醫院轉左做疫症專用醫院😂

　　

　　當堂嚇一跳，然後得啖笑，我繼續入麥當勞買野食，今晚有天台BBQ，Christian 帶韓仔朋友上黎BBQ，所以我買雞翼食就算～只係而家好肚餓，又唔知今晚等到幾點，食D野打底先。

　　係麥當勞買左24蚊雞翼，原來麥當勞因疫情關係收六點，所以我已經係最後既客，比完錢已見職員鎖門，唔比人入。

　　返上深水埗Office Hea 陣，睇到E張圖講瑞典人點樣教烏克蘭人用武器😂幾盞鬼，尤其我真係入過瑞典成棟大廈既宜家家俬，好貼切。

　　
　　係深水埗hea 陣，再回一回氣，七點五深水埗走，開車開到一半，發覺爆左呔，即刻兜去星海車房，七點五十搞掂，補左100蚊呔。

　　之後去佳寶揾Christian ，八點上旺角五樓。

　　今日同Christian, 韓仔, Kris Social，韓仔約八半到，今晚BBQ😋，轉左英文台，其實韓仔同Christian & Kris 太耐無見，仍然有D生外。我就當識新朋友only🤗～

　　韓仔出生中產，父親係中國做生意，所以佢高中三年係廣州讀，然後考IＢ黎左香港City U ，其時2019 年，之後讀左一年後就返韓國當兵，當左一件半左右，計埋大學生返既internship，2021　九月返黎香港，繼續讀city year 2。

　　約十點，Kris 早走。之後約十點四，Agent 鬼佬打黎，由於Christian 見工，搵我做佢referee ，所以我都樂於做E個順水人情，反正我出名吹得🤣我吹左Christian 好有team spirits, 解難能力又強，而且容易相處，講完EＤ野自己都忍唔住笑🤣果然真心話要用外語講。

　　之後我又返番去繼續同韓仔Christian 吹水，睇得出佢英文好好，溝通到，年紀細，識「敬老」😂之後又講好多人生反思同哲學感悟，可能係Ｅ個環境Ｅ個氣氛引導左佢吧~我對此自然一笑了之😁

　　不過，傾傾下先知，原來今日韓國總統大選，十分巧合同有緣份，令得了解韓國政治。之後順利成章，講香港政治，講樓價，講回憶，佢亦有講自己軍訓當兵時做陸上反坦克部隊，教敬禮，講步操😂我見到不禁會心一笑。

　　之後十二點落樓，佢分享佢而家住係佐敦，3500一個月，同一個老人家屋主及另一個中大大學生同住，三間房，全部韓國人。十二點沖完涼，睇Jimmy 同Christian 打一鋪Fifa，0040訓，佢地係廳繼續打機。

　　臨訓時，忽然有感，我發覺自己本身就唔係話好confidence，但當然都有Ｄ Confidence 啦😂畢竟廿五歲經歷過既事，好多人四十五歲都未經歷過。但係我發覺自己係好易比到confidence 人，即人地會好放心交付事情給我，而我講既野人地亦會好易信足，我覺得或多或少都同性格、氣場、待人接物有關～

跋:

事後睇返新聞，先知原來Ｅ個緊急提示都要1,5 憶，香港七百萬人，即平均每人20蚊去發信息，只能說錢真好賺🤔。

由於我手機無開聲，事後先知有開聲既原來係會咁樣😂咁又真係幾Annoying~

20220308 撮記

　　十點二醒，十點七到公司，快手處理返D Quotation ，一點一食49蚊黃金，兩點深水埗走，兩點一開車，去長沙灣拎碳粉，三點到灣仔三湘，部機根本無壞，係個客唔識禁F2 掣，電話講左都唔識（因為有個 Fn 掣佢無禁，我又睇唔到佢key board😂） ，黎左五分鐘部機就開返😎但Harddisk 已買，於是幫佢換埋。

　　四點四十收工。
係WhatsApp 講聲，發覺做漏野，於是返上三湘，寫SN，SN 可check 機年份，好有用。

　　五點收工，陸爸話想食大家樂燒鴨，去到無開，最後係附近燒味鋪買左半隻燒鴨，加一盒燒肉雞飯比自己。

　　此時，三湘打黎，話printer 唔著，雖我已收工，但都返上三湘整printer ，1738走。

　　六點到彩虹邨，六點三又被人趕走了😂比左之前同Mani 買既磁石貼比陸媽，拎左腳架，六半返到旺角。

　　小確幸，返去旺角時，我行亞皆老街，係亞皆老街同塘尾道街口轉加燈位，竟然比我見到星海車行既電單車師傅，佢之前幫過我轉走車尾箱斷左一半既螺絲🤣，所以印象深刻。

　　返到旺角，上天台收衫，晚飯，今日收到余慧明被翻拉既上庭消息。

#西九龍裁判法院第三庭
#羅德泉主任裁判官
#違反保釋條件 #提堂
#港區國安法 #民主派初選 #初選47人

余慧明(34) 

控罪：串謀顛覆國家政權

被告名單及控罪詳情：
https://telegra.ph/初選47人-12-01

背景：
余因民主派初選而在2021年2月28日被預約拘捕，繼而被還押，在2021年7月28日申請保釋獲批：
https://t.me/youarenotalonehk_live/17163 ；黨媒話，余在保釋期間，因在社交媒體發表貼文，其言論和行為有合理理由被視為危害國家安全，而再被拘捕。

——————
15:05 開庭

雙方陳辭約一小時，羅官考慮咗約15分鐘，法庭毫無疑問哋信納被告違法保釋條件。拒絕辯方提出新增的保釋條款，拒絕被告保釋，亦拒絕被告申請放寬9P的限制。

余放棄其8天保釋覆核權利。

　　內容大意其實就係余慧明喺佢喺social Media宣傳佢係新年擺市集 賣貓主子d周邊物品，而市集呢有啲黃店擺咗啲postcard 同埋襟章俾佢寄賣，然後就有條友喺大年初一去市集幫佢買咗一套poster同襟章之後仲寫咗封信去督佢灰。

　　七點五十，天台食完，落樓彈琴，識彈晒成首高山低谷😎終於～

　　夜晚寫2月22至2月24既撮記，十二點訓。

20220307 撮記

十二點醒。一醒就聽到施永遠先生的噩耗😣

　　我同施永遠先生係名符其實既緣慳一面，就係我同Mani 參加學友社既導賞時聽佢講新聞博物館導賞。其實我本來係無機會參加的，也就是說我本來是對他的離開是無感的，畢竟只是一個新聞工作者離世而已。但是，正因為命運，我同佢只相處了短短既一小時，舉手談吐之間已足以嬴得我對佢的尊重❗

　　緬懷一翻後，我如常生活，係Facebook 睇到一張相，同我而家工作都幾切合呀～

　　又係Facebook 睇左一篇講微商，講傳銷的影片，很中❗

　　一點二出門，買36蚊蒸魚飯，睇逆權司機。三點半Christian 返到。

　　三點五十睇完逆權司機，睇綠皮書，green book。

　　七點睇完，打陣機，打陣撮記，七點五十出門，同 Christian 買48蚊米線，20蚊蛋餅。八點八返到旺角，九點三食完。

　　夜晚，係Facebook 睇到一段Chimfunshi猩猩食香蕉既片，好得意，亦勾起我當初去贊比亞既回憶～

　　九點四十分沖涼洗衫，Christian 今日拎左Mac 機返黎，佢要係旺角整音樂，難得佢有興致，我入佢房睇佢整音樂😂。

　　佢有一個專業software，with 好多sound library，然後搬埋個琴入房，之後就開始set 壇作法😎雖然佢舊電腦有D Library 搬唔到去新電腦，但整體來說都可以Gen 到音樂！佢既做法，先聽一苜歌，再係琴彈出黎，再用電腦去錄，再係software 入面執。

　　當我一見到佢執每粒音時，第一感覺係超級time consuming😂終於明白點解有D音樂執到咁靚，背後既成本就係大量時間同精力～我都有彈Canon in D，高山低谷試下，當見到自己既音樂record 左電腦內可以執，個feel 都幾正幾obsess。 最後望一次Christian 由零開始實錄彩虹就完。

　　玩完都十二點，之後我返房，一點九訓。

跋:

我當時將導賞內容抄寫左係小冊子上，而Mani 則紀錄在電話上，我當時的小冊子已不知在那了🤣好彩有Mani ~

由Mani jot notes 既新聞館既導賞內容：

導賞員：施永遠（前傳媒工作者，曾工作於星島晚報、前香港電台助理署長）

包浩斯式(Bauhaus)建築，門開側面，特出線條，特出窗5條橫線，（logo5條線）。1983年孫先生住2樓，去中央書院返學，住2年，在到受洗。1911年革命成功，1921年返港大講座，在呢到啟發佢革命。當年，大陸文人走到香港開辦報館，現今大部分係商人。中國政府通輯之一陳少帆成立，主張推翻滿清。孫中山、陳少帆、_、_

王韜
循環日報，開創寫社評、政治評論，沿珠江將報紙運入中國內地。用帆船運。

光緒四年 1878年循環日報，透過廣告可見到社會民生。

The China Mail中國郵報，老闆Andrey __ （譯名德臣西報）


英華書院Morris hill  1853遐邇貫珍，教會報，但不是新聞報。禮拜係西方用字，後期賣給循環日報，要求「禮拜日不準開工」。

中華民國45年（+11年），1984年左右開始，右報開始消失，先沒有工商日報，華僑日報，星島仍然在香港（但一直轉老闆） 。報紙在70-90年代中係黃金時期，開始下降，再有apple daily出現再上升。晚報，截報時間即日中午，晚上00：00印發。

1972年出現海底隊道，間接使晚報消失，因為一般人買晚報搭渡海小輪睇再回家，因生活習慣使晚報消失。

以前報紙會check3個來源才會用，施生：讀新聞會用6何（5W1H）。可以用Image fact check，Google fact check, facebook fact check。

消防細搶（指揮搶救嘅車，私家車），3架細搶出現（重大事故，要走人）。

印上玉扣紙，（又名平版印刷法），工人滾筒印刷法


8種子粒size，有宋體字，仿宋體，工作人員（叫黑手黨）點解記得字粒放係邊？每個鐘頭可執2000粒字，用常用字，不常用字，慣用字（街名，日子），部首，黑手黨會將平時的字眼放在一齊，加快執子粒速度。

子粒要唔要返？大粒會保留，小粒會溶（因為黑手黨要取回字粒，清潔字粒，費時）。以前做晚報，會用長卷，由左至右寫，唔要文字部份，方便編輯會剪走再接駁一齊。黑手黨一工，16小時，鉛有毒。

1985年百萬人大遊行，8號風球，遮打道，司徒華叫徒弟開始行，1點幾，但3點開始，因為太多人要行，行到新華社，北角，行到維園，逗留左10幾個鐘報新聞。第二日如常生活、返工。

Bolex，100呎飛林2分半鐘，記者會帶黑布袋出街，叫人等等換飛林。

枱面有稿紙，如果見到主播拎 主播前讀稿機壞了


上海街寶生銀行挾持人質事件直播，做香港歷史上第一次現場直播，將廠內用的機搬去現場去+搬發射器，現場訊號傳去慈雲山，再傳入屋企。請對面街居民拆去門框搬入機械，再叫居民搬攝影機械上天台。呢件事有個警員陳因建出左名去做藝人。

導賞員係太平山街出世。


晚上，market strategy，會有「拍拖報」，一個價錢賣兩份報紙。


Line to take = 同一口徑

新聞要睇得多，客觀、比較
歷史，新聞，好似，現在/ 過去式

陸中桂，（又名陸浩東/清天白日旗設計師），被捉後斬頭。

當年香港濟水，4日供水一次，每次4小時，但不一定（視乎樓層大廈用戶分配）如果下層有用戶不停水，上層用唔到水。陳橋（橋叔）影出一張相，有3000個高僧去做求雨儀式。



東方，蘋果日報互相競爭，鬥平$1份，堅持了5個月。不斷競爭，新產品出現，係media的常態。

20220306 撮記

　　八點五醒，翻訓，一點五再醒。

　　一點九Mani 打黎，煲陣電話粥。

睇到以下既Video，將來可以試試。

　　忽然Mani 講起何韻詩，我Share 左佢係奪命金入面一段好經典既戲份。

　　然後兩半煮早餐😋今次炒蛋炒得唔錯，炒蛋要先大火滾熱D油，再慢火落蛋，咁就易控制。

　　三點食完，沖涼。然後開電腦寫Blog，寫到2月9號。

　　尋日返左陸家，陸爸爸又確診左陽性，當然地我今日都驗一驗，無事😎

　　五點彈琴，彈到八點。

　　九點一出門，樓下粥店買粥，睇粥店電視，講大陸專家黎香港抗疫，又隔離營，成個電視好大陸feel ，好似返大陸住酒店睇果D咁。但這是TVB😂～

　　最後買左40蚊粥，粽，20蚊腰芒。

　　九點四返上旺角，上楓林網睇阿甘正傳。卡到去01：30：00，再開唔返😫之後開Netflex 睇阿甘正傳

但我發覺自己唔識開機🤣唯有Google~

最後成功開到，係Netflex 繼續睇埋佢😎

　　睇完戲後，未眼訓，繼續寫Blog😎順便同小丸子傾計，因為好耐之前，小丸子講過一個比喻，就係阿甘正傳入面男主角阿甘長跑，我一直都唔明，而家算是解了一個心結。（不過已忘記了是比喻甚麼了🤣）

　　寫blog 寫到2月20號。三點半訓。

跋：

今日睇到新聞，有勁多確診～

　　【即時】(16:40) 今日新增31,008宗確診，當中2宗屬輸入個案，其餘31,006宗為本地個案。另有153名新冠病者染疫後離世，年齡介乎35歲至105歲，其中97人來自院舍。

　　今日睇到一篇文，有位YouTuber 教人用 Steam Deck 玩 Switch 模擬器，最後比人告，果然有「東半球最強法務」Nintendo 既美譽😂❗

YouTuber 教人用 Steam Deck 玩 Switch 模擬器，任天堂警告下刪影片

20220305 撮記

　　九點四醒左，即刻打電話返陸家，原來陸爸中左武肺❗

　　聽到佢電話聲沙，叫我唔洗擔心（想講無擔心過🤣Christian 係人辦），之後Confirm 黎緊我有排都唔洗返彩虹晚飯，坐底兩星期，叫兩老飲多Ｄ水就算。

　　之後繼續訓，訓到一點九，一點五十落樓，兩點買左30蚊雙餸飯，上返樓，尋日上堂，其中一個同學既project 係參考E個Github，幾好的。

　　今日生活書院有zoom，不過Mani因為要見邱爺爺最後一面，所以無聽到zoom，咁我代勞聽埋啦～

　　三點鐘，一邊聽生活書院一邊寫blog，今日較深刻記得既係以下E一句👇

Be carefree, but not careless

　　五點聽完生活書院，要幫陸爸媽買藥買物資。係旺角執左清潔劑同藥，快測，再上天台淋花，五點五旺角開車。

　　係旺角藥房買35蚊川貝枇杷膏、84蚊小童幸福傷風素，買58蚊退燒藥，再去紅磡藥房買110蚊蓮花清瘟，買35龍角散糖，最後買廿蚊橙，12蚊檸檬，30蚊柑，六點二紅磡走。

　　六點四到坪石，買88蚊彬記。六點半到彩虹，陸爸陸媽聲沙，我放底左物質，寒暄左兩句，就被趕走了😂拎左D肉鬆，糖，同啤酒，應該係陸爸未病前為我準備的～

　　七點返到旺角，上網睇到E個CodeExampler ，係一個學揼code 既website，貌似唔錯，得閒玩下先～

　　食左彬記晚餐後，寫blog，寫到一點訓。

跋：

　　返到彩虹，陸媽問我尋晚點解知出出地事，我答因為陸爸好早就Whatsapp Offline，其實轉念一想，人類既習慣真的很容易被利用～

　　久違未見過父母病了，畢竟平時都正正常常健健康康，最多只係壓住左，睇得出今次Omicron 都有返咁上下威力，話就話無咁易死，但中左招都辛苦。

20220304 撮記

　　九點Mani morning call ，九點半醒，九點九出車，十點到深水埗，拎左新黃金冰室外賣紙。

　　今朝工作輕鬆，有時間多，可以上下網，睇左一篇有關Nividia 被hacker 攻擊後反hack 既文章😂「根據LAPSU$ 自曝，表示之後他們也發現他們自己的電腦也被駭了，對方還對他們的機器進行加密。」。又睇左一篇文章講烏克蘭工程師談Starlink使用經歷，只能說科技真係一日千里。

　　一點半訓到兩點半，三點大eric 黎拎機，報埋Ｄ quotation ，五點二收工。

　　尋日打機，Christian 無滑鼠，咁岩我公司無野多，ＥＤ唔值錢既配件最多😂，於是拎左一隻滑鼠返去比Christian。

　　去黃金商場，幫Mani 買180蚊Toner，再買95蚊叉電線，六點收工。

　　兜左去太子，六點二買50蚊漢堡，六點五返旺角，淋花，七點上Arduino 班。

　　頭一小時，係project preparation時間，我教左佢地github／ Youtube 搵資料，然後我hold 住部機，學生有問題就問我😆這一小時過得太輕鬆了吧~之後去到八點半，開始presentatio 時間，大家都有好多好好的作品，尤其是在四堂Arduino 課堂教學上，我覺得算係咁了😁

　　最後十分鐘，交返支咪比Jack ，做總結，介紹返大家入Facebook Grp，之後導師＆職員們留低，然後Evaluation，最後十半完晒😁

　　Christian 今日返家，我上完堂，本應靜靜地的，但剛完左Evaluation，Vera就搵我，佢係北京關心好多香港人中左招，擔心我有無中😂我影左張蓮花青瘟膠囊既相比佢，我無事😎

　　佢分享蓮花青瘟膠囊係美國炒到６０美金一盒😂之後開左話匣子就有一句沒一句的傾，講下俄烏戰爭，又講下佢而家係人民銀行工作😂仲分享人民銀行唔係銀行黎，係做人民金融糾紛調解，政策研究等等。所以人民銀行其實係政府既一部份，算係政府工，類似美國既美聯儲咁。

　　佢同我分享佢工作的點滴，又話入左大灣區小組😂遲D有機會黎香港。睇得出工作幾忙，會有份開，然後開完會領導就派海量工作比佢做，但應該有前途的，早晚會升上高位。只不過看得出佢未必做得開心😂所以先搵我E個唔關事既窗口去呻🤣

　　由佢分享左佢開會時的jot notes，可知這個會應該真的幾無聊🤣根據我既經驗，開過咁多次會，總結來說，「多人既會唔重要，重要既會唔多人」～

　　最後，十一點半完conversation，我都訓了，反正本身已很累～

　　十二點二訓，臨訓前發現陸爸whatsapp last online 係八點鐘，我打比佢同打返陸家都無人聽，心諗係咪出左事，會唔會係交通意外，陸媽唔識或費事揾我？思前想後，我最快可以而家落樓開車，搭半返彩虹問清楚，但最後覺得急唔黎，如果真係出左事，倒不如而家養足精神，明天打持久戰。

20220203 撮記

　　八點Mani Morning Call 叫醒我。八點八出門，八點五十到尖沙咀，九點導賞。

　　九點八完。九點五十返到尖沙咀。
　　今日第二次導E條路線，有好多位生疏左，好彩Victor 提我，比如N音同R音，tone ，gimbal control 等等。
　　十點三尖沙咀走，同Wilson 解釋返尋日Lapco 電腦「無手尾」問題，這是我交代左比Peter 的，只是裝返捷徑然後收好就得，而Eric 唔想Peter 分心，而我已返深水埗，Peter 燥左就影相上Group。
　　十半開車，買35蚊魚蛋燒賣同瓷飯，十點五十到旺角，好耐無食過瓷飯了😋有點懷念，滿滿的回憶。


　　Christian 上星期二去楓樹街驗，今日終於收到電話通知，而佢已經好返晒變左陰性😂政府做事有夠快的。

　　食完早餐，沖過涼，十二點訓，三點九醒，上天台淋花，有人曬腐皮。

　　四點二，陸爸電話通知我到，我落樓下，見到陸爸同陸媽一齊行過黎，這我才醒起，今日係3月3，係陸爸陸媽結婚週年紀念日，陸爸專登放假，今日佢地出街，順便黎旺角派物資。這些日子大概就係保持小確幸的一種吧😊。

　　拎左水果，蓮花清，厚興手撕雞同炸魚蛋，疫情關係，我就費事同佢地行，上返旺角。

　　煮個公仔麵，連手撕雞一切食，然後七點上Arduino 。

　　六點半，好快咁整左一個demo project，for 陣間上堂用，畢竟教班要學員自己用手頭上既arduino 燈帶整project ，咁作為老師都需要有個standard 比大家，如果唔係好難跟得上😂。

　　十點落堂放走晒D同學仔，其中部份留低，幫佢set 埋線，十一點落堂。

　　十一半良哥打黎，原來阿蛋都有揾佢返工，佢返唔到。之後例牌講一大輪東拉西扯😂十二點三先傾完。

　　今晚set 左Geforce account ，同Christian 打機。玩CS GO 。
久違的打機感覺😎

　　凌晨兩點洗衫，backup 手機，打CS GO ，三半訓。

跋：

今日睇到一篇文，有個前線醫生講疫情，E幾日又有Carina 搵我，所以我share 比佢，又發覺幾有道理，驚將來無得睇，特此係度留底。

身為一個公立醫院醫生，真係睇唔過眼呢一場「人禍」。
先係疫情初期，政府不斷發放變種新冠肺炎(Omicron)有幾嚴重有幾得人驚，迫香港人用安心出行App，結果呢？班高官自己開party唔用app，一連串社區爆發突然出現。政府專家理應知道變種新冠肺炎同普通Common cold / Flu差唔多，但就係都要嚇你。係一連串無效嘅圍封強檢之後，最應該改行與病毒共存嘅策略，同西方國家一樣，亦係世界大方向，先可以避免整爆香港醫療系統。結果政府完全唔理，係都要跟上面一樣乜叉動態清零，完全不切實際冇科學基礎。
今時今日公立醫院病床爆煲、病人訓街、重症病人得不到適當治療、危殆病人等半日先到急症室、醫護人員工作量爆炸，以上種種情況是誰造成相信大家心中有數！COVID 有幾嚴重，大家中過都好清楚，我地見大部分 COVID patient，就算中哂所有 Risk Factor 又 Unvaccinated 都可以冇乜 Symptom，我地好多藥都唔洗落，只係做 Routine CXR 同 BT。單純 COVID 呢個病嘅 Management 根本就極少，因為 COVID 而危殆嘅病人亦極少。但政府就係要將人手分去去做哂啲 Isolation，去應付 ICN 做 Contact Tracing，去配合政府做檢測做化驗，搞一大堆無意義嘅文件。
結果呢？冇人手去處理一大班因為比政府嚇入醫院嘅病人，當中入到A&E就死果班危殆果班好多都係本身已經有其他 chronic disease，冇人手冇設備冇時間冇空間，果班人好快就差，仲未計一班等左半日都未入到 A&E 嘅 CVA (ICH) IHD cardiac arrest Cat I case。正正係因為政府唔肯面對現實，死都要清零，令到一班市民以為個病好嚴重衝入急症室、因為政府嘅檢測令一班返唔到工嘅人衝嚟A&E 拎 SL，一車車老人院職員一見有院友確診就掉哂啲老人家嚟，谷爆公立醫院，而本來一班最需要緊急照顧嘅病人延遲幾個鐘送院導致死亡。死嘅大部分人都唔係因為新冠肺炎，而係無辜本來唔洗延遲送院/治療嘅香港人。
已經唔同你講 HA 令人冷笑的policy，一開頭跟實政府話個病有幾嚴重要點樣 Contact Tracing，郁啲就計你 Close Contact 要隔離唔知幾多日。。好啦到而家，玩出火啦，又多人中又多人返唔到工就話 HA staff 唔係一般市民，中左之後7日就可以返工，最嘔心係聽到班 top management 話我地好樂意返工。。。個龍門同政府一樣任佢搬！我地返工係為左醫人救人，唔係為左幫政府補鑊！
講到呢度，我已經唔知仲可以講咩，香港人自求多福啦，而家呢個時勢唔係驚感染新冠肺炎(Omicron)，係要希望自己唔好感染其他嘅病。。。香港醫護逐個逐個移民，大家自求多福啦。

20220302 撮記

　　九點四醒，九點五十出門，今朝要去九龍灣，十點二到，要setup 8部notebook。


　　做做下野，忠叔十點九打黎，叫我探佢，但我無打針😂。

　　裝埋windows，果客條license key 唔得。中午一點七走。

　　拎車時，中左320牛肉乾😫。係九龍灣買左45蚊飯，素食黎。

　　兩點九龍灣開車，兩半到深水埗，邊食飯邊覆Email，出Quotation。
五點一收工。我繼續留低公司，順便温下導賞，睇Dorabjee Naorojee Mithaiwala整天星小輪既事。

In 1888 he inaugurated the Kowloon Ferry Company, and his steamboat, the Morning Star, was used to transport  his workers and cargo (mostly bread). Additional passengers had to pay on cent to cross the harbour, which was then about a mile and a half wide. By 1890 the company was running three more single-deck ferries: the Evening Star, the Guiding Star and the Rising Star. Dorabjee Naorojee’s ferries are believed to have greatly assisted his compatriot, Hormusjee Naorojee Mody, in developing Kowloon.

In May 1898, planning to retire, Dorabjee Naorojee sold all of his boats to the Hongkong and Kowloon Wharf and Godown Company Ltd, and the Star Ferry Company Ltd, as we know it today, was born.

　　六點八 Wilson返左黎office，我解釋打緊導賞script，七點二走。走時順便問Wilson quote CCTV Cam 。

　　返旺角，兜左去太子買65蚊漢堡，58蚊海鮮烏冬。

　　揸車時，忽然有感，為何人總是對對自己好的人差，這是人性嗎？

　　七點九返到旺角，上樓，晚餐，Christian果frd 考試，要做Python code test，我幫手。九點三做完，寶刀未老，雖唔夠時間，但我都幫到手😎。

2022S_RMSC6005_M_1

　　九點五十上天台收衫。Christian 買左新曲mon，今日送到，試玩頭D，唔岩😛。

　　之後我係我電腦玩頭D，順便YouTube下真實既五連髪夾灣係點😂十一點四沖涼。

　　沖完涼同Christian吹陣水，十一點九返房，準備明天導賞。

　　温書到眼訓，一點訓。

20220301 撮記

　　八點半醒，阿蛋揾我返工，睇黎佢唔夠人😂揾得咁急，我報左下星期一比佢，幫佢返工。

　　今日三月一號，新開始，用尋日陸爸比既物資，煮個煎蛋三文治早餐。

　　九點三煮早餐，九點七上天台淋花，晾毛巾，九點九出門，十點到深水埗。

　　小丸子傳訊息比我，話阿珊將基輔講成機鋪😂又咁岩有一篇now 假新聞叫人唔好盲搶物資，我幫佢整左個假新聞。

　　

　　兩點食完lunch，整左yylab 網比Mani 。
　　今日so far 輕鬆，唔多task 。但臨到五點，Lapco比電話黎，話urgent ，幫佢搞埋，最後五點五收工。五點五十到旺角。

　　上天台，順便食火龍果，六點二同Mani 傾電話，六點五十分，天台傾完電話，決定每日收工黃昏上天台煲電話粥。

　　返落樓下Hea ，七半 Mani 細妹打黎問Project，我心諗問得咁急既，原來係D分組問題😂。

　　七點五十分出門，買41蚊譚仔。九點一返旺角。

　　Christian 同Kris 開會，佢地傾Trendx project ，我樂得自己一個食，食完打機，然後打導賞script 。

　　十一點四洗衫，十二點三搞掂。睇電影詭打牆。套戲太悶，一點一返房，兩點訓。

20220228撮記

　　九點三醒，九點五醒，十點二出門，十點五到尖東，泊好車。

　　Victor 已到，今日跟佢導賞，從旁觀察佢點做。咁耐無見，開始之前都講兩句，佢住元朗，疫症之下其他local 團死晒。尤其啤酒團同墳場團。

　　十點半，佢開始導賞，我唔阻佢。係旁邊觀察，順便幫佢影下相，可能佢有需要😂。


　　十一點三導賞完。搭船返去，佢分享下導賞心得，傾下移民經，佢想我盡快接到E團，因為佢住得遠😆十一點半到尖沙咀。係船上我見到有水手扯纜，我亦分享左自己中學師弟做E行因意外斷左四隻手指😥獲賠二百萬。


　　十二點到星海車行，擺低架車入偈油。換唔到風隔，因疫症關係供應商無開。之後買一百蚊燒味飯，幫Christian 買埋。然後返旺角。

　　上天台食，順便照料下Ｄ植物～

　　今日Carina 突然揾我，找尾數。我揾返之前既單，開返個價比佢。由E件事中睇得出人既質素係真係唔冋，Carina 係會清清楚楚有拖無欠，而Bowie 就拖到2046🤣。
　　今日彩虹邨停電，所以我屋企既NAS 收左工（寫唔到Blog😣）。本身都諗唔到做咩，好彩Carina 揾我，亦好彩我一直有文件係手，即刻拎返以前既單出黎報價。

　　兩點搞掂晒，同Carina 吹水，先知佢做唔住，開一間診所每個月租金十萬，而基本支出每個月廿五萬，簡直貧窮限制我想像～

　　我其實都算係一個外人，但我分分鐘比很多人更了解Carina 同佢一家，我知建sir 既過去，亦知Carina 係養和既事，Carina 姐姐亦有比植物我，我同Mani 又上過去佢屋企。眼見佢要離開，有點唔捨得😣。

　　三點四十落樓，打比善導會Johnson，佢問近況only。四點一傾完電話，到星海車行，比350蚊，換左偈油，油隔。
　　陸爸話六點落樓下拎野。五點九落樓，揾陸爸，拎物資，五點十一上返樓。

　　陸爸知Christian 中左武肺，佢雖有Ｄ擔心但亦不好意思說甚麼，於是只好拎Ｄ物資上黎😂但其實還好吧，So far 到而家我都好地地～

　　拎左陸爸物資後，返房訓陣。
　　望見俄烏戰爭，我不感嘅嘆「當陰謀被打壓成陰謀論」，為何仍有那麼多人吹捧🤨。

　　九點半訓醒，九點七同Christian 出門，買41蚊餃子，買45蚊酒。十點二返到旺角五樓，睇無眠森間二，只能說D劇情真的十分跳脫🤣。十二點睇完。

跋：
　　同Carina 傾計時邁起，我懷疑根本愚民政策，再整到個畫面係中央救港，第日可能三月三十號要放假，記念今次中央救港🤣不過點都好，Carian 就走我應該無緣再見佢，本來我識佢就係一通電話，感覺我們的生命本不應交搭，卻緣份使然下越走越遠。我曾覺得，Carina 同建sir 是我見過既最神奇夫婦之一，嚴格來說，只是僅次於野人同阿牛，這麼奇妙的人真想多認識呀～