九點四醒，翻訓，九點八再醒。沖涼淋花，九點十一出門。
十點開車，十點二到深水埗。
揸車時睇到一篇Facebook ，又幾有意思🤗
今日朝早好忙處理好多野，十一點叫左黃金外賣。拎外賣時見到開左一間新既雙餸飯😋
睇到一段片，原來膠布可以咁用😲智商加一了～
VIDEO
睇到E張圖，睇黎E個小朋友有潛質😂
之後睇到一篇訪問，講《「你想要成功，就必須捨棄。」：驚艷坎城紅毯的 IU ，她的「見識」比才華更動人 》`，雖然只係一個心靈雞湯文😂不過都幾有意思：
1. 生而為人，能照顧愛惜自己就好了。
2. 我真心覺得沒有夢想的人最為強大，當一個人有著「一定要做到」的事情之後，他的弱點就會變多，所以我覺得沒有夢想的人沒關係，有時候這反而是最堅強的人。
3. 好跟不好，定義很模糊，我只知道你不可能滿足所有人，只要找到自己的特色、遇到欣賞你的人就行了。我經常覺得，總是會有喜歡我想法的人呀，只要有他們，我想我就是做得好的了。
4. 成功的公式，就是有捨必有得，你必須做出適度的放棄。
5. 我認為擁有言論自由是非常重要的事情，那些想批評我的人就去吧，這是他們的自由，但是做自己也是我的自由。
6. 不要太擔心每件事，反正都會過去的，沒什麼大不了的。
7. 我不想要把年紀小當作一種特權來享受評價，因為我有一天也會變成成年人，我想當一個長跑的歌手。
8. 很長一段時間我不是很喜歡自己，不滿意的地方也特別多，但最近我變得特別喜歡自己，不是說我是最棒的，而是我好像對自己滿意了。
9. 責任心，它是拖著懶惰的我一路來到這裏的頭等功臣。
10. 在這險惡的人世間活著，我們能做的就是給予彼此更多的愛。
我自己就最鐘意第九句🤗
今日有單Job 係要read 返E隻Adobe Pagemaker 光碟😂唔知幾多年呢，而家已經Read 唔到~
一點七出Office，一點九中銀入票。
今日收到阿偉家人既訊息，有左佢終身號碼，一切安好，入面有朋友照顧🤗
兩點返上office ，訓到三點四。
甫醒，上Facebook 睇到Chimfunshi 既post ，好耐無聽過 nshima E 個名了😋
四點落樓，換前胎，換偈油，換油隔，風隔，交低條匙比師傅。
之後四點二寫5月2號撮記。
五點半寫完休息，上Youtube 睇到，最後既廣告好正🤣
VIDEO
又睇左張敬軒王苑之2014 既演唱會🤗佢地彈琴既互動好好睇～
VIDEO
今日Mani 分享左Eno送嘅洛神花，一張相係見到三葉草打開塊葉，一張相見到三葉草收起咗塊葉🤗
順便睇左三葉草同四葉草既分別 😎
三葉草，正式名稱酢漿草。
四葉草，正式名稱蘋。
有說四葉草是三葉草的變種，但數量很少，如果能夠在三葉草當中找到四葉草，就會得到幸運或幸福。這是一個廣泛流傳的誤解，源於三葉草和四葉草外觀上有點相似。在植物分類學上，這兩種是相差很遠很遠的植物：四葉草，又稱田字草、破銅錢、四叶菜、葉合草，正式名稱蘋，拉丁學名 Marsilea quadrifolia，屬低等的蕨類植物，不開花、不結果，通常生長在水田或濕泥之上。而三葉草又稱酸味草、鳩酸、唐本草、酸醋醬，正式名稱酢漿草，拉丁學名 Oxalis corniculata，屬高等的顯花植物，每年2-9月期間會開黃色小花和長柱形蒴果，通常生於山坡草地、路邊、田邊、荒地或林下陰濕處。
當三葉草沒有開花時，驟眼看來，真有點像四葉草，但這只是我們的主觀感覺判斷；當我們仔細和有系統地分析比較，就會發覺牠們的葉、莖、根等所有結構都不同，內都結構也不同，生境不同，生命週期不同，繁殖方式不同。這就是主觀判斷事物和客觀科學分析的分別。
之後又睇到E 張Meme 圖😂 笑死~
六點五Office 走，去車房，整緊車，六點半到lonely Paisley，今日約左景晉晚飯🤗
等緊景晉期間，收到陸爸訊息，原來今日屋企封左區，《封區檢測︱彩虹邨白雪樓圍封 居民今晚11時半前須接受檢測 》😲
等緊景晉時，又睇到一個Programmer meme🤣
六點十一景晉到，真係好耐無見😂
同佢傾左好多野，交代左近況。本身以為會尷尬，但最後又幾好傾🤗
我同景晉係中科院識，因此話當年自不然講當年既人同事😂古天樂去星加坡做IT，寶儀去左美國進修，Henry (副團長)同景晉一齊玩政府program。
講完EＤ就閒話下，比如我講下整雞蛋仔🤗佢講下股票，Bitcoin等等～
全晚最深刻既係，佢分享有一次OT 既經驗，就係要排沼氣，原來唔可以一次過排出，要逐D逐D咁排，點樣做❓答案就係「加氮」，有D類似係水上加油可以分隔出上下兩層，加左氮後，就可以將沼氣同氧分隔開，由於要慢慢地控制分量，所以佢就要OT 了😂
我順住果勢講諾貝爾，當年我去烏克蘭時，參觀諾貝爾核電廠時，佢次所以會爆，就係因為當時附近有停電，於是諾貝爾核電廠主觀決定比平時加速「核粒子碰撞」，最後因為過熱令金屬變形，裝住核粒子既容器不能冷卻，最終過熱爆炸😺
之後我地傾政府如何封鎖消息，導致一場經典既人禍～其實同而家既疫情真係不相伯仲😝無啦啦爆出黎～
八點四走，食左200蚊。走時我送佢搭巴士，佢帶我去雪山冰室，佢以前成日黎E度食早餐。
在路上，佢講起回憶當年我地係北京鳥巢食burger king，果日我去左水立方游水🤣八點半送景晉搭巴士
八點半拎車，千五蚊，換左偈油、油隔同前呔（S22）。
八點五十到彩虹，揾勇媽拎一千蚊，之後影下白雪樓圍封，九點走。
九點一到九龍灣油站，155蚊，6.69L，31016 KM。順便打埋呔氣。
九點半到旺角，九點十一淋完花，Fill 完水，收返頭盔，少攰😂今日做左好多野。回一回氣，十點三沖涼，十點七沖完涼，寫信比阿偉，順便backup google drive。
明晚約左子良文傑上子良家晚飯，所以Mani 今晚準備左檸檬撻😋
夜晚十一點九寫完阿偉封信，正巧在Facebook 看到這張圖👀也許，我正在經歷著這種「孤獨」～
Christian 夜晚仲未返，我約實中科院黎緊既Party，再back up google drive。今日彩虹強檢，陸爸陸媽收到好多物資😂
十二點五十寫左5月2 號撮記，夜晚一點三Christian 返，食一鋪Apex。佢Settle 完，就同我爭論Mac 好定Windows 好😂我心諗有咩好爭論，Anyway ，講左一大輪，我仍然學得Windows 好，佢Keep 住覺得Mac 好，其實歸根究底係因為佢係Mac 既生態圈內，根本走唔到出去，谷住捱貴價，但又要講到自己物超所值😂
畢竟，E Ｄ 論調已經隨便Google 都有🤣
三點半訓，臨訓前返房，睇到E段Facebook 😂好勁，亦都學識左一個Term 叫「才能浪費」😎。《日本推主發明氣勢磅礡颯爽登場機，我們通稱這種行為叫「才能浪費」(稱讚意味)
VIDEO
臨訓時睇到Ｅ張圖，實在今天的寫照😂～
