20220607 撮記

　　八點九醒，九點二 Mani morning call😼

　　九點七醒，九點四十上天台淋花。

　　今日落雨，十點一出門，十點三上270A巴士，十點五十到粉嶺。

　　幫jenny set 左機，處理左好多電腦問題，一點半粉嶺走，一點九上273A巴士。

　　兩點半到上水，四點七set 完機，走得。係上水廣場見到消毒機械人😂我認我真係少見多怪，但值得留念。

　　行上水，今日約左阿魚係上水食晚飯，時間尚早，行左去鳯溪廖萬石堂中學。

　　係上水兜一個圈～

　　五點九到丸和食堂，阿魚未到，Rizzy 揾我。

　　

　　七點四十埋單，257蚊，日本餐😋好味，佢有特長鰻魚、三文魚壽司，仲有特長蛋壽司❓❗

　　傾下佢黎緊星期日船P，做護士既辛酸，小圈子，我介紹左塔羅琴，講多左我既少少野～

　　食完飯，今日我比左七仔印花佢，佢比左自製既糭比我😎落好大雨，我陪佢去七仔換禮物，佢送我搭鐵。

　　八點搭鐵。睇到新聞《政府修例禁違國安者做社工 立法會小組「歡笑聲」中完成逐條審議》《吳秋北倡廣泛宣傳被取消註冊教師案例：必須要矯枉過正》，我心諗社會變得好陌生～

　　睇到稅局推「儲稅券計劃」，不過我應該用唔著😂

　　睇到Ｅ張Meme 圖，好搞笑😂

　　又睇到心靈雞湯圖～我十分同意，「收起改造他人的執著」，我一直相信，只有社會先可以教到做人既道理，即使我講左幾多真知灼見，別人都係當耳邊風，畢竟大家經歷不同。

　　八點九地鐵到黃埔，八點十一到紅磡，九點三到荃灣，搭左110 蚊的士。

　　剛上到工廠，Rizzy 打黎，傾星期四返工，佢23號飛意大利。

　　係工廠講起睡眠質素，講起原來BCC 影大頭封面係用菲林相，令我諗起電影《The Secret Life of Walter Mitty (白日夢冒險王)》

　　十一點三寫完信，十一點半走，Miss 左30X巴士，十一點五十搭鐵。

　　十二點四到黃埔，十二點半到油麻地。

　　今日勁多心靈雞湯，尤其是搭地鐵時😂

　　仲有E 個😼《Toxic people acting as a victim is the funniest shit ever》，一見到E一句，我第一時間諗起笑笑～Anyway🤗

　　十二點四十，返到旺角，上天台。見到老鼠咬過oreo 餅，仲要放係我地既花盆上😥

　　同Christian 傾計，講買樓，佢馬鞍山當年80萬，一點一落返五樓。

　　沖完涼，兩點訓。

跋：

原來（相傳）而家牆內既人，有公告表明，唔打針會影響探訪次數，我估應該係無得加探。 而且舊年10 月開始，相似嘅信寄去同一院所（赤柱）但唔同人會直接送入黑洞😥