20220225 撮記

　　九點四醒，沖涼，上天台淋花拎褲，九點九開車，九點十一到深水埗。

　　今日Eric 中左武肺，所以返唔到。而尋日我同Eric 一齊買雙餸飯🙀

　　成間Office 得我一個，我打比芳姐唔洗上黎做清潔。約下個月例檢全部變Remote 。

　　上Easybilling報埋價。之後買左34蚊黃金冰室餐蛋麵。

　　大軒借左我三千蚊，失蹤無還錢，今日我打左比當初轉數快既電話號碼，接聽果位一黎就話自己賣account ，咩都唔知。我都費事同佢糾纏，收線。這令我諗起以前係荔枝角舊翼，我聽到有人分享，黑社會專向道友買account ，HSBC，BOCHK ，同DBS，各有各計法。估唔到今日比我遇到。

　　一點，整好左陸媽電腦，買68蚊血氧機，19蚊快測檢測，32蚊海南雞飯。拎上公司食，檢測陰性，先去九龍灣Lapco 整電腦。

　　我同陸爸講起，畢竟我又去過非洲東南亞，又入過壁屋荔枝角，以前又成日落水😼體質係唔同D。

　　一點四十，驗左陰性，send 比Wilson 交代，食埋飯，然後兩點二出門，兩半到九龍灣。揾錯左AB座，兩點八終於上到六樓。

　　佢係一間清潔公司承辦商，睇到佢清潔黃埔花園一次就收6500蚊。我幫Peter 手，裝第四部機，clone 舊機Data ，然後remote 比Eric 搞。

　　見到佢地有同事有Ｅ張揮春，好懷念，又令人引唔住會心一笑。

　　去到五點，Wilson已經係咁吹我地收工，但我地比職員叫住左，Ｄ溝通出晒事，去到五點九先收工。

　　買左58蚊鰻魚飯，六點二到旺角，出左糧，拎左陸媽電腦。
　　六點四返上旺角，Christian 同lokman remote 打緊機。我食鰻魚飯，七點準備上堂，教Arduino 。

　　Henry 今次幫手解釋麵包版，今堂有D overrun，十點四落堂，放人走。幫唔得既同學仔補堂，十一點先真正落堂。

　　好攰，啦啦聲上天台收衫，發覺少左條褲，但好凍無理。十二點沖涼訓。