20220222撮記

　　今日係一個特别日子，好多個2，忽然諗起以前我中學比賽時成日比人話我「2奶命」，睇黎我同2經常有不解之緣😂

　　九點五，Mani morning call 叫醒我，翻訓，九點九醒，九點十一出門，十點一搭鐵，十點二到深水埗，十點三到公司。

　　我拎左陸媽電腦返公司，揾eric 睇睇，最後都係決定要reboot 。

　　Kris 突然介紹一份「筍工」比我，叫我寄CV apply freelance😂我梗係即做。

　　識到Kris E D 朋友唔會窮😂佢總會分享好路數的比你。係貴人呀~

　　今日仍然好大雨，已經落左四五日雨了。一點三落樓，連遮都費事開，買85蚊漢堡，一點五上返樓，聽Eric 講返，樓下漢堡店買起左間鋪，應該咁講，鋪主租唔到出去，所以決定賣漢堡😂所以佢地D價錢真係唔憂做。

　　三點七 Remote 整機。
　　打比Freelance Eunice ，佢話唔係整App，而係整教材，岩晒呀！食正我果飯😎。
　　五點收工，開一個quotation 比佢。六點離開深水埗。
　　Christian 中左武肺，我幫佢去楓樹街遊樂場拎籌。行去時順便買左50蚊快測。
　　六點八返到旺角，比張飛Christian ，佢好病，摺係房訓覺。之後佢拎左張籌出去，我就彈琴，八點四Christian 買M記返黎。