20220602 撮記

　　兩點四醒，兩點四十沖完涼，上天台，有個外藉女人係度燒野🤷‍♂️。

　　三點五出門，今晚有中科院BBQ，我淋花，收衫外，仲洗左BBQ爐😎。

　　三點七搭鐵，三點四十到荔枝角，三點九到善導會。

　　見左社工GiGi，同一個實習同學子俊，五點半走，傾左近況，參加左一個創業計劃，今次主要介絕比我一個創業基金，有兩份freelance ，一個係share office the desk 既IT freelance，另一個係眾囚書彭艾烈既工。

　　五點七荔枝角搭鐵，五點四十到旺角。

　　今日睇到香港仔珍寶海鮮舫，好搞笑E張圖。

　　六點到旺角街市，買40蚊大樹菠蘿，35粟米菇茄子，買129蚊雞翼豬扒。今日要執既list 🤗

2/6 中科院BBQ
份量：五個人頭

豬扒
雞翼
雜丸
芝士腸
牛扒
金菇
草菇
粟米
茄子

飲品
酒（天樂） 
紙包飲品

其他
蜜糖
炭

　　六點四返上旺角，六點半落樓接David 天樂。買左153蚊惠康。六點九同David 天樂上旺角五樓，上天台set 壇。子君未幾黎左，最後佩琴黎，食住西瓜，八點BBQ，子君今日要早走，佢有籃球比賽🤗 今次開左個shelter 黎BBQ ，都幾開心～

　　好耐無見😝咩話題都有，講下佢地係華為返工既經歴，講佩琴創業。

　　傾做生意，要有執行力。

　　佩琴生意：
　　當初佢返返下華為，心血來潮搞ig store ，賣塔羅。即諗，即刻通頂做，然後出ig，之後先慢慢搞BR果D野。

　　先賣塔羅，睇準市場既needs ，sell 人情味，幫人塔時計鐘唔計咁足，慢慢儲口碑。之後就計成本，賣埋水晶，自己做中產生意，每粒水晶都有出cert ，就係認證係真野。通常係紅磡特賣場買粒水晶，再拎去大陸加工，之後落黎香港賣。之後賣埋塔羅班，教人解塔羅。之後係葵涌租一個兩層工廈，賣privacy比客，要appointment先可以上樓睇水晶，一對一，通常就好闊落。

　　D客既圈子都好重要，招呼明星，有蔡思貝、王晶個女，etc …. 個個一出手就五六位數😲。

　　最後，重點係：高峰期一個月利潤等於佢老公兩年年薪。

　　食到十點九落樓下，玩 poker，今次學識左玩tournament，同埋show hand 後三盤兩勝制😂。