20220529 撮記
四點二醒，甫醒就睇到一單訪問，五個沒打針的香港人🤷♂️《訪五個沒打針的香港人：被限制出入場所的日子，我覺得自己像活在地下城》。
睇左一個數學片，由一個數學家為大家「數普」😎
之後翻訓，六點半再醒 back up Google drive ，六點四十返房hea 陣。
七點二起身，Christian 叫我睇醫生，因為我係咁打噴嚏😿其實我係「放假先黎病」，早幾日太chur 。
同Christian講起我個韓仔朋友，揾返Google Drive 當年同韓仔打邊爐既片，滿滿既回憶。
七點五出車，七點四十到彩虹，楓林軒無開，我揾勇媽。約佢落黎拎書拎信，七點五十勇媽到。
八點二彩虹泊好車，返屋企。
係彩虹睇皇家特工，陸媽講阿飛正傳。
皇家特工入面有一個奸角，陸媽講真有其人，一Google 就揾到E位「妖僧」，佢個陽具真係幾犀利😂
夜晚睇Music panda ，見到Marf 唱歌幾好聽。
上網睇到，都幾搞笑，結婚結到咁😂
睇到《【K歌】集體回憶——90至千禧年代同志最有共鳴hit歌》，我覺得幾有共鳴呀😝
贂到一篇文講電影《未來犯罪》，有機會要睇下😎
睇到一張貓既meme 圖，我改做肥仔個樣😼無違和感😂
睇完皇家特工，之去明珠台後睇神奇四俠。走時陸爸陸媽拎家用，佢地表現得好開心，我感到有點慚愧，畢竟錢不多😂。
但無可否認，陸爸陸媽係一對好爸媽，儘管遇到社會上既種種不愉快，但仍能表現大體，教識我如何去生存。
有時，可能因為得我E粒仔，佢地會將唔開心盡量唔好呈現比我睇，盡量當我係度時都係開心既畫面，我其實咁敏感咁高觀察力，好多野都睇得好通透，不過，我又何必畫公仔畫出腸? 畢竟，香港係一個悲情城市，陸爸陸媽係我出現時表現開心就好了🤗無論幾有錢幾有權，都係改變不到甚麼～
十一點半彩虹走，十一點四十到旺角，明天阿偉認罪。
今日backup Google drive ，見到極光既相，滿滿既回憶，我好少同人分享我既極光之旅，（因為好易比人誤會我showoff 😆)，但睇極光之時我係深深感到自己活着，雖然計計埋埋都係得六次trip 係睇極光😂
返到旺角，睇英冠升班賽，唔講唔知，原來升班人工差好遠❗《英冠升班附加賽｜「一億鎊之戰」已Out 「升超戰」含金量升七成》。
兩點一睇完波，Backup google drive，然後返房訓。