22020517 撮記
今朝唔知醒🤣鬼叫尋晚Bowie 搵我~
十一半醒，沖完涼，Mani上左黎，原來佢一直打唔到電話比我🤣我主機Hang 左熄左機，Second Phone放左係廳～ 所以無人搵到我😝十一半醒我都覺自己犀利（平時訓到一點）。
最令我感到溫暖既係，Mani 經然踩上門，真係好感動😝佢以為我暴斃～又搵左Christian，又決定上黎，正巧佢上黎時我沖完涼，開門比佢，如果唔係佢應該用後備匙入我房叩醒我😝
十一點九走，反正都遲，公司多我一個唔多，十一點五十五送Mani 返到紅磡，十二點四返到深水埗。
返到去，整一整Email ，因為我晏返🤣Eric 幫我去大埔還機，計落Win win。
一點半落樓，冚車，買51蚊湯飯。
睇到一張Meme圖🤣好搞笑~ 我都好似試過😎
今日有有關domain name 既Service，個客問唔知自己係HKDNR 定係Internic 於是我上Whois365 搵😎
我發覺原來要搵都真係好易搵到😝我用自己個Blog 黎做例子，上面既資料比我既感覺好似無著衫咁～
令我諗起之前Carina 個網頁中毒，我都係用ED 網址搵個ip 地址🤣
之後，上網睇到一篇文章，講Crypto，《理想與現實如何平衡？以太坊創辦人Vitalik的加密願景與現實所面臨的十大矛盾》，Sad but True😫
五點收工，寫4月22-24撮記。
今日約左小瑜食飯，就係上星期執到手機想報恩請食飯果位🤣本身約六點半食Lonely Paisley，佢遲到，所以我六點七先收工，六點九到餐廳。
佢係仁安讀緊護士，Part-time 轉full time果隻，我個感覺好似讀Ｕ時果D Socialing 咁，咩都講，印象中講左墮胎，講做gym ，講金牛座(我同佢都一樣，佢430 我515 )，講石/塔羅，講中學，講紀律部隊，講IT，講食物，Etc……..
八點半食完，車佢返去，九點四到上水。
之後兜去石門，Mani 今日試工，遲遲未收工，手機無覆，橫掂出左新界，所以兜去石門撞下運氣🤗九點八到石門。
等既時候，上Facebook，最近大家都好Hit 去share 「關於我可能讓你很意外的points」，通常寫十個😂我應該有好多🤣得閒寫下先～
九點九都等唔到Mani 收工，無消息，走，經過傑志球場，影比Christian 睇😂我地前幾日先講過，又真係幾大～
九點十一，Mani msg 我話收工，於時即刻兜去接佢🤗
十點開車，十半到紅磡，Mani 係咁呻「伏」😫我建議佢伏就唔好做。十點五十到旺角～
返到去，Christian 係咁讚Mani 今朝唔話得😂 語氣中帶點Jealous~
十一點四收雞蛋仔機，十一點八天台踢波，十二點沖涼，十二點三同Christian tracy食雞。
一點食完雞，睇戲，睇《凶宅》，同Christian 傾《no exit 》結局😂我覺得係Dreaming Ending，佢覺得係Realistic Ending，結果佢岩，我係比《致命ID 》影響左~
Christian 屌我唔respect 玩手機😂我心諗套戲都唔係我揀🤣仲想點？Anyway 唔同佢糾纏～
兩點五十睇完，夜晚高妹揾我，黎緊野人有聚會🤗佢邀請我黎～
三點返房訓～