20220511 撮記
九點五十醒，十點一沖完涼。
沖完涼食個橙，search下華心邨離地鐵幾遠，睇到有巴士直接去粉嶺花都廣場，但仲有5分鐘，於是腦袋快速運轉，搭鐵定巴士呢😂❓十點三出門，跑去廣華醫院巴士站，隻腳返來了😂望住巴士app ，5分鐘delay 到7分鐘，時間企係我果邊😎十點四到巴士站，剛剛好見到巴士停係燈位，兩分鐘後上270A巴士，15.6車費，都幾貴～
係巴士上，忽然有感，我行動力不夠，一早知道crypto 同NFT，但就遲遲無掂，而家已是尾水🤗尋晚見到天樂研究，我先至開python 整WhatsApp bot ，如果當初一早就做好push 上github 就唔洗煩～
十一點到粉嶺，十一點一到中心，Check 左機，Fix windows update ，del 左old ac ，簽左job sheet ，十一點四十走，十一點九上273A巴士，去上水。
今日粉嶺遇到E個問題，「目錄名稱無效」，《[Win10系統更新問題]NAS開啟某些檔案出現目錄名稱無效的訊息 @ 葳穎資訊 :: 痞客邦 ::》。
係巴士上睇到一段影片，講半自動煮意粉😎幾吸引～
十二點二到上水落巴士，十二點五十做完例檢，走。
十二點十一，係上水地鐵站搭扶手電梯落去，前面個女仔突然左拍右拍，然後話唔見左手機😂😆然後望向後面，即係我😂落左扶手電梯，佢問我借電話，我正打緊機，比部鬼機佢打，打唔到，原來我set 左hidden gem 張美國sim卡😂，之後比我本身部機佢，打返佢自己手提，對面又真係聽喎，都係上水站，於是約係頭等等，拎返部機，係個阿叔係樓上入閘執左，正打算交比客服，聽到電話就比返物主。而我呢～見到個女仔同阿叔交收後，就頭也不回好瀟灑咁上左地鐵😎。
成件事真係好奇妙，咁都執到，個女仔仲要唔該前唔該後😆我都受唔起～
一點搭鐵，一點二到大埔，本身諗住趁有時間上老人院探阿嬸，但又疫症又落雨，都係算了～我係大埔墟街市見到有荔枝😍 於是買30蚊荔枝，一點半拎去海港酒家，飲茶食荔枝，個個知客見到都話今日有荔枝食😝一邊飲茶一邊食荔枝，都幾自在～
兩點三走，飲茶飲左71蚊，剛好用晒消費卷。
兩點五到寶湖花園，第一次黎揾唔到入口😂幾經辛苦終於到。電腦營幕壞了有Flickering，而且之前換左SSD後開機勁慢，於是派左我上門睇。最後搞唔掂，要收機，五點走。下次要學精😂四點搞唔掂就收機～
五點上72號巴士，睇左一個Facebook Post，《【講開有段故】點解三國武將多以單字為名？》，活係廿一世紀既我，而家第一次聽「二名為賤」😂
【講開有段故】點解三國武將多以單字為名？ 話說最近秘書打手機遊戲打到上晒癮，而個款關於三國嘅遊戲佢都課唔少金。佢個日就講咗樣幾得意嘅嘢，就話佢見三國啲文官武將好多個名都係用單字，而佢响網上睇就話以前罪犯後代先會用兩個字嘅名，所以佢問阿史係咪真係咁。 呢個講法其實係有一定根據，就係古代一種「二名為賤」嘅習慣。呢個風氣係由一個人創出嚟，就係王莽。根據《前漢書·匈奴傳》所載：「時莽奏令中國不得有二名，因使使者以風單于，宜上書慕化，為一名，漢必加厚賞。單于從之。」王莽做咗皇帝後，就下令國內百姓不得有二名（即個名有兩個字），除咗一類人，就係罪犯。但新朝國祚短，呢個政令好快就唔係法律規定，但啲人仍以有二名為恥，於是往後啲人都習以單字為名喇！ 講到呢度，史友們可能會記得三國遊戲中一大堆三個字嘅武將，好似孟獲軍嘅阿會喃、董茶那、兀突骨、朵思王咁，咁同上面個故仔有無關呢？
五點九營盤街落，五點五十到深水埗office。
係公司裝，mon 無事好正常，但 set 左ssd 做first priority 都整唔到～算了🤗
最後上網搵返個篇文《觀察顯示器是否有磁化現象，所有的電器都會產生磁場》，同個客有一個交代就算了。
今日做做下野😂有一個故人，大地行者既流水竟然搵我❗原來佢報名台灣既課程需要印章，所以想問我有無電腦版，可以整，我幫佢Google 下，估唔到真係有😍《線上製作產生個性印章》《Free Online Chinese Seal Generator》
七點三走，今日做做下野，呈姑娘揾我，原來Dick 無做～佢約我搵個日子見面～
七點半到旺角，今日報左《禪繞畫工作坊》，老師叫KC，一齊既同學仔有阿Jeff ，阿營、阿峰同Michael，實在估唔到會見到阿峰😂好耐無見～
一開始Assume我地係白紙，學一學D基本功同埋認識禪繞畫🤗
之後就比時間我地畫屬於自己既禪繞畫，播住禪修既平靜音樂，略嫌房間細左D😂不過都可以畫到。一開始我無咩Feel，但畫下畫下，好多思緒同回憶出返黎（好似寫撮記咁～)，最後既完成品😎Miss KC 去到落筆果下，先至叫我地搵一個最鐘意既角度去看自己福禪繞畫，而且搵一個空位簽名，好彩我有一個位留左白😂正好用黎簽名～
九點四落堂走，阿峰分享，團長走左，我不敢問太多😝，而家工廠係荃灣，玩埋網店，唔夠人好忙。九點四十上小巴，九點五十到紅磡觀音廟，買56蚊jolibee。十點一送Mani ，十點二搭鐵，十點半到旺角。
今日幣圈崩潰😂，《精解索羅斯式操作 如何用8400萬擊潰Luna 摧毀穩定幣UST｜Firedog.crypto》，《8400 萬美元撬動 400 億金融帝國，UST 崩盤始末》
我都未能倖免😝算了唔理～（眼淚在心裡流😫）
十一點三沖完涼🤗整理返今日禪繞畫學過既東西：
1 稱讚自己 2 準備一支筆，一張卡 （有專屬的，畫紙） 3 要慢 教左我地畫春天（printemps 春天）、商陸根、編織、騎士橋（knightsbridge 騎士格） 畫左廿分鐘 先係畫紙上用鉛筆點四點，然後就用線連起四點，這就是禪繞畫既範圍 之後用zentangle 用入，係禪繞畫既範圍內畫Ｚ字，分成四Part 。 之後創作時間 完成作品後，先用唔同方向觀賞，用最鐘意既分向上搵空白地方簽名 Debriefing 時間，我分享一開始唔知畫咩，所以係中間畫春天，然後畫畫下，聽聽下背景音樂，有感覺了，我形容為「同回憶對話」，用騎士橋黎畫曲線。之後係下面畫浪花，係海，又好似人在歡度，最後唔夠時間，係上面畫編織算數。 教師係教開小學，所以用晒Debriefing 技巧，教得好。
之後都上網爬下文，《{禪繞畫}什麼是禪繞畫?不需要繪畫技巧，馬上就能畫!》《禪繞畫 Zentangle 初學者基本圖樣 含教學步驟與練習成果》《NFT zentangle》
十一點五十食雞。去到夜晚十二點二，今日地鐵站個女仔Whatsapp 揾我😂❓❗ 佢用我電話打比佢手機所以佢有我電話~ 佢話想多謝我想請我食飯😂我自問受唔起，但成件事好有緣份，食餐飯都無壞～
夜晚一點九，同Christian 睇《Hush 無聲夜》，三點一睇完，返房訓。
跋：
是日合照同其他人既畫作
