20220507 撮記

　　十一點五十醒，Hea 陣玩下手機~

　　睇左一個Facebook Post ，內容節錄如下～

這社會 
女的拍照拍胸 
男的拍照拍車 
誰知道胸是不是擠的 
車是不是你的 
如今
沒結婚的像結婚的一樣同居 
結婚的像沒有結婚的一樣分居 
大流氓會裝的很低調 
阿嘶巴樂會裝的很大尾 
動物像人一樣穿著衣服 
人像動物一樣露著肉 
小孩子像大人一樣成熟 
大人像小孩子一樣幼稚 
女人像男人一樣爺們 
男人像女人一樣娘們 
沒錢像有錢的一樣裝富 
有錢像沒錢的一樣裝窮 
慢慢明白了...
戴三百塊的錶和三百萬的錶，時間是一樣的 
喝三十塊的酒和三千塊的酒，嘔吐是一樣的 
住三十坪的房和三百坪的房，孤獨是一樣的 
總有一天你會明白，你內心真正的快樂 
是物質世界永遠給予不了的 
抽十元的煙和抽ㄧ百元的煙都會得肺癌 
坐頭等艙和坐經濟艙失聯了一樣都回不來 
所以想明白了... 
知足常樂，和誰在一起活著才是最重要的 
誰能陪著你才是最難得的 
當你向上爬時，記得對遇到的人好一點 
因為你掉下來的時候還會遇到他們 
人只有落魄一次 
才會知道身邊剩下誰 
生活已不易 且行且珍惜
(来源：我哭着说没事，你怎么就相信了）

　　睇到有新聞，中國要引入中小學生做飯同農業課程😂唔知點比分呢～

　　之後又睇到一個Post 講學Programming　既Resources。

　　之後睇到有個Post 講埃及既旅行，我好Suprise 原來金字塔內部係無野睇，而且埃及警察收左錢後就走左🤣因為寫得好精彩，我決定全文節錄：

【《#月光騎士》嘅金字塔同現實嘅金字塔分別係咩？】

睇完《月光騎士》除咗明明好地地，結果都一如其他Marvel劇推得太盡，搞到反高潮外，更諗返起當年去埃及嘅經歷。

《月光騎士》算係係有用到埃及做故事背景嘅作品——對比同期《尼羅河謀殺案》其實去恆河定黃河再唔係城門河拍都得，最後仲喺首都開羅有場動作場面，見有網民話估唔到開羅景色都幾現代化、夜景仲幾靚。

喺好多影視作品入面，外國人對開羅嘅印象，就同香港仲大紅燈籠高高掛一樣，一係仲係好古老好殘舊再拖住幾隻駱駝，好多牽涉到金字塔作品都係喺個沙漠入面。事實上，最大嘅Giza Pyramid（戲內「眾神」開會地方）係喺開羅市中心，佢的確係個沙漠，但好近市中心，過條馬路就係城市、對面仲有大量度假酒店，你當佢係一個主題樂園咁款都唔誇張。因為過度遊客化，你都唔覺得佢有咩咁神秘，無論你技術幾高超，除非你晨早去，唔係影到張相都同我一樣咁人山人海。當然，埃及各地有好多大大小小金字塔，其他金字塔可能真係有喺沙漠中間，但最出名、最大呢座好易去。

最有趣嘅係金字塔內部。難得嚟到當然點都要入去，聽得多傳說講金字塔點詭異又話入咗去會死、唔死都行衰運乜乜物物，實際係個超多人旅遊點，就算入去要再俾錢，都勁多遊客入，要死大把人同你一齊死。當時個導遊已經一副「你班傻仔」樣話：拿我就唔建議你入去嘅，但都唔會話你知入面有咩，總之你想入就入啦。

因為係一個旅遊點，放心唔會好似你睇《月光騎士》定《盜墓迷城》咁要你搵路又要過聖甲蟲陣，係有條好明顯通道指住你一路落去，我最深刻嘅係：到底我去緊邊？深感自己不斷落緊去，但落極都好似未到底咁，到底個金字塔有幾深？

最後，俾你落到去最底，終於見到盡頭喇，你以為有啲咩睇？原來只係一副空棺。因為過多遊客會影響木乃伊保存，真正法老王木乃伊已去咗開羅博物館。我唔知依家係咪都咁樣，當年真係咩都冇。條路又窄又長，行到傻結果咩都冇，出到嚟導遊一副「你班戇鳩仔」嘅樣，都話架啦，你哋又要落去。咁又唔係嘅，既然一場嚟到，點都要落去，都係幾有趣體驗。

所以，《月光騎士》又好，其他講埃及作品也好，如果指Giza Pyramid棺材寢室係個好大空間，Sorry實則細到一眼望曬，又或者講，其他更大地方可能要用魔法先睇到，我哋凡人入唔到姐🤣

後記：有趣嘅係，埃及旅行同印度旅行一樣，四圍都係呃遊客嘅人，你幾乎預咗每一分每一秒，講一句說話都要俾人呃，當然埃及冇印度咁誇張，好少少啦。

話說當時我係跟大學field trip去，有個同學就喺Giza Pyramid前叫個埃及人幫佢影相。埃及人幫佢影完相後，叫佢俾返大約50蚊港紙嘅幣值佢，先可以拎得返個相機。我同學唔肯，走去報警，個警察話你俾50蚊我，我就幫你處理。佢覺得與其係俾50蚊騙徒不如俾警察，點知警察收完50蚊就借故唔識英文閃咗。我同學無奈諗住俾50蚊個埃及人，佢竟然話你報警咁串嘴，依家要收100蚊，最後我同學總共俾咗150蚊港紙，先至拎得返部相機。

當時我哋係去個好大型field trip，全團有200人，導遊話，你咁都俾？我哋200人一齊圍佢，你方佢唔驚？然後，個同學柒足全程。

佢依家應該好想要Harrow支杖懲罰條友。

埃及遊記及《月光騎士》觀後感可看留言連結。

假如你鍾意我嘅分享，想定期支持一下或者尊享優惠、更多深度獨家電影文章，請即訂Patreon加強版：https://www.patreon.com/travelerwithmovie

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

　　可能係太耐未試過咁Hea 了😂睇埋最後一張圖我就翻訓~