20220506 撮記

　　七點九我morning call Mani，佢要返學，九點Mani morning call 醒我，我要返工🤣

　　九點七醒，九點五十上天台淋花，莧菜種子開始發苗了😆

　　十點出門，十點四到麗閣，幫Vikki裝新電腦，連Server 同printer ，見到阿根，十二點一走，買28蚊燒味飯。

　　睇到新聞，《《無綫新聞》app出現異常通知 警方拘捕27歲男員工》，我心諗搵人祭旗都唔洗咁樣吧🤷‍♂️

　　十二點五到深水埗，今日終於同Stanley So 合作，拎左佢公司info ，原來係賣電話系統的～

　　下午勁忙，無停過，五點收工，五點四到旺角，上天台淋花。

　　五點四十彈琴，因為彈琴時間不多，比自己一Take 既機會，好彩瑕疵不大🤣

　　六點彈完，上天台玩滑板🤣

　　六點三落樓接Mani，我地今晚約左上Tammy 家食飯。

　　時間尚早，我地係天台Chill 陣，睇左一條DSE 數學題目《從complex number的角度看一條DSE M2題目》，比我意外發現佢同我一樣，都係用Domain Name 去Host 網頁😆仲有彈琴片添~

　　七點二移植薄荷比Winson，七點五走，八點到Tammy 家，我、Mani 同Winson 係樓下等埋Steven 一齊上去~

　　見到Beelo 諾祈大個左好多😍

　　食蛋糕，有生日禮物😍

　　Steven 好攰, 因為好chur ，winson 無咩出聲，生活照舊。Tammy 請左工人後自在好多，而家要返番工，Ball 都無咩特別，無咩出聲。我地講下教育，steven 吹佢係學校內既大小事，講下train the trainer ，Mani 分享中醫，吹下水，食完晚飯，食蛋糕，之後食水果，十一點走。

　　好開心🤣笑到無開眼~ 見故人既感覺真好❗

　　十一點走，十一點五到紅磡。十一點九返到旺角，十二點二沖完涼，

　　睇小薯茄玩LF2🤣回憶返晒黎～

　　睇種蕃茄，睇黎我犯晒大忌，又淋水不當😂又修枝不當，忽然淋水又會爆果，落肥又不足，落竹支撐又不當～算了，反正我佛系種植，無為而治😊

　　十二半同Christian 食雞，食到一點五十，返房睇戲《劫命救護 Ambulance》，睇到三點四，訓。