20220505 撮記
七點四十醒左，Raymond 揾我，關於搵工，佢間學校唔做，想我入去🤣我心諗我點入呢？佢未知我既消息。
九點半醒，彈琴，我今日終於彈到生日歌😆❗ 我有運用到排音技巧的😎
之後再彈多次連奏，是日第一次彈，去到最後有點失準😆本身想再錄，不過彈既都彈唔返，都無謂勉強🤗反正本身就係一個Practice，要當唯一一次咁彈先可以集中到，有Take two 既話永遠都會「唔夠好」。
十點上天台淋花，做gym ，三set。十點半做完Gym 落樓。
小丸子要做眼科手術，去養和切除白內障、換晶片改善近視老花，並且切除黃斑增生部分。兩隻眼加埋要18 萬😱不過最緊要人無事。
心血來潮，成日聽到話老花可以抵消近視😂於是Google 下《近視、老花度數可以互相抵消？眼科醫師解惑》
十點九煮雞蛋，食完早餐打比st john，可以去麥當勞道拎了🤗搵日去拎～
之後我洗衫寫撮記，揾gas 爐頭，準備遲幾日用。
邱爸今日農曆生日，順利成章，我Send 左段生日快樂彈琴片比Mani🤗 賀一賀佢。
睇左段片😂《教你如何测胸大小！》
今日我要返彩虹整廁所，所以中午寫撮記寫到4月18號，一點四十旺角走。一點五十五到彩虹，買102蚊愛群，干炒牛河同粟米魚柳飯，兩點到彩虹，兩點四師傅上黎。
今日全日新聞都係美聯儲加息，連陸媽都講美國加息😂上MBA 智庫百科一睇，重點就係提高銀行借錢既成本。
師傅整緊廁所，公司叫我開機出quotation🤣我心諗我放假喎，但既然得閒，又勝在有Teamviewer，於是兩點五連返去公司電腦整Quotation。
三點三師傅搞掂，成個廁所新既一樣😍我三點四處理埋手頭上既Quotation，走得。
三點半同陸媽出門，三點四十上左3D 巴士。
上網睇到有個Facebook Post，好搞笑😂《如果有一天人類突然消失？》
亦睇到E張Meme 圖🤣 好有趣，Schrodinger’s cat原來係真的❗
今日睇到有單新聞，《【突發】世界首富馬斯克於推持換上無聊猿頭像》，我覺得好癡線😂咁都買？！ 不過望到Ape Coin 升左，都開心既～
我同陸媽三點五十五上慈雲山，之逛下街，慢慢行返落彩虹。其實彩虹邨真係幾靚～
行到返彩虹，同陸媽係公園坐一陣，實在要感恩佢仲健康既日子～望到佢坐係搖搖凳上有D想笑。
四點半行到返彩虹，打陣機，打到六點四，清潔廁所。六點九搞掂，廁所抹過一次，乾淨晒。正好陸爸返黎，可以晚飯。
陸媽講法國五月，講楚歌同饒宗頤，亦有講起俄國原來有一份報紙叫《真理報》，《史上最名不符實的報紙：《真理報》》。食完飯休息下，食左陸爸帶返黎既日本西瓜。
見到有個新聞講捉老鼠，咁既話我旺角都應該執左五萬幾蚊🤣
睇左一段Youtube 講做Gym 減肥，明明係廣告文，但真係拍得幾好，值得Share❗
五月決定比D目標自己，就係結他同滑板😺係陸家拎左滑板，十點九走。
十點五十開車，十一點到旺角，十一點三上樓。
同Christian 一齊清枱，Best practice 😊之後一邊食雞，一邊玩滑板，兩半食完雞，返房訓。
凌晨兩半，上Facebook 睇到Nas Daily 訪問趙長鵬，《Most Humble Crypto Billionaire》，我由讀大學時睇Nas Daily 到而家，不禁驚嘆佢地可以走這麼遠～果然只有持續才是真理。
我都跟返今日個減肥Youtube 個網址check 下自己既卡路里，原來我唔可以食多過二千卡路里🤣點算~
平時既我會食香蕉做早餐🤣原來香蕉熱量每100克有89大卡，約是1/3的白飯。而一根中等大小的香蕉熱量約112卡。所以真係長知識了～
三點訓。