20220501 撮記

　　十二點醒，十二半沖完涼。

　　一邊聽房東的貓演唱會，一邊打機寫撮記，一點五上天台，落緊雨，一點四十出門。

　　Mani 今朝去左公公婆婆度，一點九過黎旺角。 我未食午餐，買52蚊炒飯，之後兩點三去買35蚊茶星人。兩點半返上旺角。

　　去到樓下，發現信箱甩左出黎。

　　今日Mani 約左佢D朋友上天台Chill😊 雖然落雨，但尋日拎左Shelter 😎 可以一試落雨mode。

　　食完野，我同Mani 玩車game，試下用個呔盤 ，三點半上去set 場。

　　估唔到第一次用，幾Fit 🤣

　　四點三 Christy Nicole 到，買左好多雲食😝

　　我即興收左D薄荷葉飲😊

　　今日的植物😼

　　佢地Lady’s talk ，傾閒計，傾返工，傾買股，傾讀書，傾種植，傾貓。

　　六點七收蕃茄，薄荷，七點二旺角走。

　　1927搭鐵，1945到黃埔，1955到紅磡晚飯，今晚講起Mani 今朝探左公公婆婆，邱爸爸分享講做風水，買煙要睇戒煙廣告😂即買Ｄ圖畫順眼D既～比老人家，我覺得都幾細心。

　　由於曾江早幾日離開左人世，所以電視機就播曾江既戲，今日睇《縱橫四海》。

　　睇戲期間，我唔識欣賞九十年代既戲😂所以玩手機，又被我搵到D 值得留底既Link。

《為什麼越南河粉店名都要加一個數字？》，原來根據位於維吉尼亞州紐波特紐斯的一間河粉店「Pho 83」的官網資料，早期在越南，當河粉從家中餐桌轉移到對外販售後，為了讓客人方便記住，店家會以房號或地址號碼作為店名，而當越南移民在越戰後輾轉來到美國後^（註1），許多在異鄉開設河粉店的越南人，也繼續延續著這個「Pho搭配數字」的店名傳統。

^{註1：1975年西貢淪陷後，美國政府當時協助了約12萬5000名越南人赴美，主要安置在加州、德州、紐約州和華盛頓特區。}

《《苦役列車》(2012)：猥瑣男的宿命論》，有機會要睇一睇Ｅ套戲😊

《男子作死把可樂放入微波爐中加熱，測試後結局讓人意外》，原來成個實驗讓人意外既地方就係無意外😂

　　畢竟《縱橫四海》太悶仲有一D心靈機湯片😆《太老实的人赚不到大钱！不信你看看这个真实的故事？》、《阶层跨越要过三关 。》

　　十一點四十走，用mani 手機食雞，我玩得幾好😊。

　　今日汸陀大雨，無揸車，係紅磡樓下見到執紙皮婆婆，默默推著紙皮車，令我不期然想起「朱門酒肉臭，樓有凍死骨」😣雖然香港係無餓死，但「窮病」仍深深地折磨普貧苦百姓。

　　十二點二，返到旺角，十二點四沖完涼。

　　今日係Mani 度學識左😎原來Signal 既sticker 可以調次序😂其實不嬲都覺得應該有，但無心去整，今日因緣際會下就摘起心肝整了。

　　三點訓。