20220530 撮記
十一點八醒，睇到Facebook 有篇文《韓信臨死前竟然講過呢三隻字？》，我舊年十一月係西九睇過《拜將臺》，都係同韓信有關，亦明白點解佢死前竟然講出「我不服」~
之後亦睇左E段片，《一部少了「燈光師」的電影，你還看得懂它想表達的嗎？｜科普長知識｜GQ Taiwan》，最近睇好多鬼片，如果無左「燈光師」，應該大部份都會變成笑片🤣。
十二點七沖涼。一點四十上天台收衫，洗頭盔，洗衫、搞掂安心出行、煮雞蛋、backup google drive。
天台植物😊
今日洗左頭盔同白爛貓袋。
望返Ｅ白爛貓袋，入面件件野都對我好有回憶😆
兩點九上天台晾衫，有條佬走入黎，佢問我營入面有無人訓，我無答佢，一句叫佢走，佢即縮😼
之後寫五月二號撮記。
寫到攰就學彈結他～
今日心情唔好，因為阿偉入左去，即認即判，判八個月，另外兩個冇認罪 申請咗延期～我諗佢扣埋假，應該十一月出黎。
五點五十上天台收頭盔同白爛貓袋，畢竟唔可以唔見🤣唔敢擺過夜。
六點五出門，六點半開車，六點四十到九龍城。
收到Mani 訊息，要我買Ｅ 個飲品比公公婆婆，於是係九龍城兜圈，行左惠康，佳寶，九龍城街市都買唔到。
最後買左30蚊山竹，七點三上Mani 公公婆婆家。
臨上去前見到獅子山好靚，影張相留念😊
同Mani & Mani 細妹食雞，七點九食晚飯，八半食完。
睇到一段Youtube，係生活書院既訪問😆
又睇到一單新聞，《珍寶海鮮舫下月移離香港》。
九點十一九龍城走，十點二到九龍灣，比本寫真阿偉姐姐。
十點四走，十點半到旺角。Christian 買左ipad pro，七千幾蚊，拎黎食雞，我陪佢玩😆
本身Christian 想做HIIT，之後變左打機～講起Mocha 想辭職搞動漫展，但佢公司留佢，Mocha 搵Christian 傾訴。
我比意見，我用上流寄生族黎比喻，有錢人用「善良」Filiter 睇事，窮人用「邪惡」Filiter 睇事，所以點解我地覺得Mocha 老闆仆街，而Mocha 覺得佢老闆有人情味。
Christian 反問我，我夠窮，點解唔用「邪惡」Filiter 睇事，我藉機帶返當年Adlinkage，佢拎我輔警一事黎講，而我當時用佢細妹一事黎反擊，佢話場面好Odd ，我話過左去，提起只不過係講返，我都係用Filiter 去睇事，不過我相信「人性本善」，之所以咁做係有原因的。好似借左我三千唔還既阿軒，我相信佢真係「山窮水盡」先會搵我🤣問心，就算明知佢呃，我都選擇相信。
之後十一點三玩一鋪pubg，玩完已經十一點九，應該都唔會HIIT 了。十二點Down 新game，Apex，一邊打機一邊Download Google Drive。
打到一點半，沖涼。
沖完涼我處理我既Back up。
去到夜晚兩半，發現左原來Google drive 入面，sony nex7 同sony nex7 new 係duplicate ，所以我download sony nex 7 new 就得🤣
兩點七訓。
跋：
今日洗左既白爛貓袋，入面真係有好多好重要既野，我怕我忘記，還是記在這裡吧😼～
指鹿為馬珠，Ｅ個係當時阿Jack 個大狀送比我「保平安」的🤗
右邊粒螺絲，係子良炒左我架電單車時，我個車尾箱斷左半粒，果時我同電單車師傅費左好大力氣，先拎到出黎🤣
符，邱媽媽幫我拜返黎，佢叫我一早要燒左佢，但我唔捨得燒😆放係度保平安啦～
HAEA 匙扣，純粹紀念品🤗
法庭黃紙🤗唔洗解釋吧～
Ｅ個係大學老師ELSA 送比我，佛教守護物，上面刻有梵文寫既六字真言
E 一把傘，係我同大學老師ELSA去大尾篤食泰國野時，插係食物上的，我留為紀念，因為果餐飯很值得紀念～仲要係我揸ELSA 架車去大尾篤😆
一個匙扣，已忘記了出處，好似係黃店買，又好似係旁聽師送比我～
米(三粒)，當時阿風之道我既事，送比我保平安。佢話有個朋友長年往返西藏香港工幹，19 年佢朋友係西藏寺廟工作時，正準備離開，一位僧人叫停佢，然後不出聲，係佢面前打一場齋，將一袋紅米撒在地上，叫佢朋友執得幾多得幾多😂最後僧人再送左Ｄ黑米比佢朋友，著佢返到香港就派，得者可「保平安」，黑米食得，紅米唔食得。
果不其然，佢朋友返到香港後，就爆社運😂我聽到時心諗，有無咁犀利！？ 然後佢朋友就派米😆輾轉下我都有一粒紅米，雖說黑米佢話食得，但我唔捨得食🤣留黎保平安啦～
鄺俊宇既利是封，我都忘記了點解係度😂Anyway~ Let it be~
E 個係黑耀石，係阿亨送比我的，收到時我覺得好有人情味～
E個係舊年，幫大地行者天鳥做樹藝師時，係愉景灣斬既南洋杉既榭頂，即Apical bud🤗
