月份: 2022 年 4 月

20220419 撮記

　　七點七醒，Morning call Mani ，Mani 已醒。

　　九點七醒，九點九沖完涼，上天台淋花，十點出門，十點三到公司，係樓下見到阿邦😝佢都遲到。

　　十點七深水埗office走，十點九到麗閣，做例檢，十一點二走。下次都係唔好泊入邨😂被人警告。

　　十一點五到長沙灣船舶，做例檢，到左船舶，發覺漏左USB係麗閣，十一點九船舶走，十二點返到麗閣。

　　拎返手指，十二點一返車，買58蚊燒鵝四寶飯。

　　十二點半返到公司，Eric 仲話我咁快🤣

　　一邊食飯，一邊睇文，《受不了工作才離職，是把自己廉價地賣掉！真正換工作的好時機是？》，我覺得入面有一個好中既point 就係 :

「工作輕鬆＝成長曲線鈍化」

　　我返過唔同既工，深深明白成長曲線既重要性😎

　　之後，又睇到一個Facebook Post，「【結了婚還可以去旅行嗎?去啊】」，我覺得這個Post 很值得留底❗ 這樣的媽媽真的很酷！我甚至懷疑我會唔會去過「她曾經跑到挪威北邊的城市，在冷到爆炸的日子跟挪威大叔去看極光」既地方🤣

【結了婚還可以去旅行嗎?去啊】
「我之前問丹麥人，為什麼丹麥會是最快樂的國家，他們想了很久，然後說，也許是因為丹麥人跟人相處並不會去在乎一個人的年齡、身分、工作和學歷吧?然後我聽完就想，完蛋了，不講年齡、身分、工作和學歷的話，我完全不知道該怎麼介紹自己。」
最近去學校分享時，會開放一位名額給有興趣想要來參與的朋友，可以的話也邀請他們分享一下自己的故事。前面幾次時間比較抓不好，這次總算有讓來旁聽的怡萍一同來苑裡高中分享她的故事。
怡萍真的是個超酷的媽媽耶，她年輕時答應她老公的求婚，條件是要讓她出去旅行。於是呢，她趁著未滿三十歲還可以申請打工度假，就跑出去旅行了一年。
因為覺得用沙發衝浪家人會太擔心，所以她用Servas的方式去交換住宿，跟沙發衝浪類似，不過Servas是完全會員制，所有成員都需要經過審核，通常比較多是長者，然後一律是三天兩夜。
為了要跟當地人分享，她隨身帶著醬油好做菜給當地人吃，但我覺得最厲害的是，她甚至自己畫了繪本跟外國人介紹台灣！
她曾經跑到挪威北邊的城市，在冷到爆炸的日子跟挪威大叔去看極光；
曾經在瑞典被當地的物價嚇到吃手手，只敢在超市買紅蘿蔔沾鹽巴果腹；
也曾經在荷蘭住到中年男同志伴侶的家庭，第一次跟異性自在地搭肩擁抱而不用擔心會有危險。
回到台灣，即便生了小孩，她還是努力想要過零廢棄的生活，她三個小孩全部都用布尿布，帶著八個保鮮盒去菜市場買菜。
喔對了，她的小孩都是在家生產的。(現在去醫院生小孩因為要做PCR都一定要催生。)
她也帶著小孩自學，過去就常常帶著小孩去海邊撿垃圾，撿一撿就去游泳，然後呢，再一手抱著小孩，一手提著垃圾回去。
這樣的媽媽有沒有很帥?

　　食完lunch，寫一陣四月2號撮記，又上下網。睇到佢我真係O晒嘴😼超勁~

　　之後又睇到美孚新邨，估唔到私樓都可以有老鼠～仲要咁犀利

　　今日下午都無咩壓力，收工後繼續寫撮記，Wilson 五點半返左黎，佢六點走。佢教我「生意既野唔追就無」。

　　子良打黎，話要做外賣仔，借我AC。同Mani 傾計，講下邱媽既期望。

　　我答Mani ：

　　唔係個個都有任性同選擇既本錢，有D人佢未讀完書就要養家😼ED 人可能就係邱媽睇中既「生性」，但ED人係咪活得開心，係咪做緊自己鐘意做既野😼❓no one care

　　😼👆你遲早都有壇自己野搞，一係返一份世藝工，一係做一份世藝生意。咁你諗下自己鐘意D咩😼🤗唔好去到四十歲怨自己「無得揀」😼

　　相信我啦，我閱人無數，你因為係中產圈子入面，所以就會面對中產遇到既問題，相反，我唔會有你果隻所謂壓力🤗🤣我活係草根圈子入面，但同理，我都有草根圈子既壓力，揾樣世藝搞下😼專心避世

　　之後寫左4月2、4月3撮記，亦Print 左琴譜學彈chord😎

　　八點四十收工。係泊車位買左45蚊冬䕃功金邊粉。

　　九點一到旺角。九點半生活書院zoom ，一邊Zoom，一邊同Christian 玩賽車Game 。

　　十點半完zoom ，星期六十點要到書院😫。沖涼，十點十一洗衫，十二點二洗完，Ming 剛好找我，想整一個認字體既AI😂我支持～

　　夜晚，我同Christian 玩車game ，玩到一點半返房😂

　　一點五十訓。

20220418 撮記

　　今日要入二澳，做秧田義工。

　　八點一醒，八點半開車，八點九到紅磡，九點四到東涌，中roadblocks，罰左三百二😥 。警察話保險唔包所以抄，我睇到我係第一個車主中招，應該佢地剛剛到😂心諗咁多口水既～仲提我遊車河唔好去迪欣湖，果邊都捉。

　　九半返東涌地鐵站。九點四十上11號巴士。

　　十點五到大澳，要行入去～

　　沿途風光明媚🤗

　　見到好大個蟻竇😱

　　見到海神古廟就代表差唔多到了🤗

　　十一點三到二澳。因為我地遲到😂所以直接午餐。

　　十一點半lunch ，今日得我同Mani 係義工，我地同職員Rachel，鏡叔，平姐，amy一齊食。好好味😋菜好味過D肉，少有。

　　我地一邊食飯，一邊餵狗。左邊啡色既叫「肥龍」（而家係「抑鬱龍」😂），右邊兩隻係「黑妹」同「黑熊」，好乖咁等我D雞翼😼

　　　　十二點八剪艾草同黃薑既根。

　　一半耘田，三點二耘完田。耘完個人都暈暈地🤣

　　咩叫耘田？用人話講就係除雜草😂種水稻，雜草係水底，所以需要踩入泥內，剿腰用雙手插在泥上圍住秧草轉圈，等周圍既雜草起根，雜草就生唔起。

　　這是耘完的田，秧之間無雜草。

　　這是未耘的田，秧之間很多雜草。

　　收工時，成隻手套都係種子😂

　　三點五Rachel請我地食蛋，用左Rosemary黎醃😋。

　　最後，Rachel仲比我地睇稻米種子😼佢放係泥內生起就係我地上次既拔秧，移左去水稻田內後，等幾個月就會聞到稻香了😋到時希望黎到。

　　三點九走🤗帶左手信比肥仔😼

　　今日潮大退，有好多人係海邊「搵食」😂

　　差不多到大澳之時，比我見到牛食草，只能說E隻牛有性格😂

　　四點八到大澳，去公廁，四點五十上11號巴士走。

　　五點四十到東涌。五點五十着好褲，開車，六點四到紅磡，六點八到旺角。

　　今日我返陸家晚飯，上天台收植物，發現比人偷蕃茄😱成條莖比人剪左，唔得閒Check CCTV，七點十一旺角走。

　　八點到彩虹。食晚飯，睇勇寫比我既信。

　　今日睇到Ｅ張Meme 圖😂Nasi Lemak 勾起我係馬拉既回憶。

　　
　　今日係二澳見到好多人係海邊「揾食」😂Mani 覺得係E 個「藤壺」，我第一次聽🤗

　　九點食完晚飯，插External Harddisk backup Synology。

　　睇信，教院東亞執。Ｅ間東亞係教院獨市，估唔到都執。唔知而家教院仲有咩銀行呢😂

　　學資處拖多兩年。咁我可以遲兩年還Grant loan 🤣

　　上Facebook 睇到E 個post ，《哇！這個節拍練習好像很好玩！》，很重要🤣因為我唔識跟拍子，故特此留底，希望將來既我有時間會Practice😼

　　廁所有怪聲，整埋走，原來陸爸扭死左粒螺絲🤣不過Anyway，廁所夠期，我整唔到，盡人事而已。

　　十一點五十，彩虹走。十二點到旺角入油（130蚊，5.78L，29730KM）。

　　十二點三到旺角，上天台拆sim card，盞樓梯燈比人偷左😫今日收蕃茄時懷疑比人剪蕃茄，於是睇返CCTV，最後估應該阿珊果晚上黎時拆左🤣咁就算吧～

　　一點五十五打機，Bus simulator唔好玩，玩兩鋪高達。之後駁電腦，試下玩唔玩到頭D，結果係玩唔到😂玩stream 既賽車game 就得。

　　三點二返房。Christian 仲係房彈琴，勁annoying ，我上Youtube 比我見到E 段片，用CSS 畫眼，我覺得好犀利🤣三半訓。

20220417 撮記

　　七點三醒，七點九沖涼，八點一上天台，士多啤梨被老鼠食左😭

　　好彩仲有蕃茄😎

　　八半到紅磡，九點四出門，九點五開車，十點三到八鄉田。十一點開始農務🤗。

　　太耐無黎😂雜草叢生🤣睇黎今日有排搞～

　　雜草一覽：

仲認得出既係Elsa 比我既虎尾蘭😼

　　竹姐比我既蕃茄死左😥

開工了😎

　　今日我地將塊田分做三part，前面向陽花至虎尾蘭係第一Part，之後中間死左既蕃茄同菜係第二Part，最後貓貓薄荷之後係第三Part。Mani 負責第一part ，除雜草，但留低要既植物。我負責第二Part，大刀闊斧清晒，然後第三Part，下次先搞🤣

　　簡單講最前有網係第一Part，之後無網係第二Part，最後有網係第三Part。

　　第一part，好彩有Mani 細心地分類，實行「救得就救」🤣

　　幾經辛苦，我終於搞掂第二Part 既雜草😎

　　做做下農務，比我見到，又比我影到😎係小確幸

　　好特別既植物，唔知係咩黎呢😂❓

　　再見了薄荷😭你由舊年竹姐田跟左我都差唔多一年了～

　　為方便做野，我清完Part 2 雜草後，加左磚頭分隔。

　　小丸子阿珊都有黎，佢地十二點到。

　　做到兩點二，我去買飯，兩點四出到錦田惠康。要買gas 買下午茶，惠康無gas 入左小店買。兩點七買30蚊gas ，40蚊提子。買196蚊下午茶，三點三到八鄉，大樹下，同小丸子阿珊食，四點食完。

　　終於❗第一Part 既雜草都清左🤗留得底既有薄荷、紫蘇、向陽花、虎尾蘭。

　　今日農場新園丁泉哥，佢比左D 建議，中間Part 2 果塊田太多雜草，拔唔晒，所以用火燒好Ｄ（所以中午先出左去買Gas 😂）

　　燒完田，鋤完田，唔夠時間落種子，養下地先。六點三做完農務，收野。阿珊教可以用個洗衣袋裝水鞋😎。

　　六點七走。七點到紅磡。七點三到旺角，七點九沖完涼，上天台，見個咬穿左士多啤梨個網😭。

　　八點訓，明天要去二澳。

跋：

今日睇到黃偉雄Facebook ，我好仰慕佢，佢講左一段我覺得好中既說話🤗

【煩惱之源】在意別人怎樣評價你，是一個主要的煩惱之源，但只要刻記以下事實，便能在很大程度上堵塞這個煩惱之源：絕大多數認識你的人，包括你絕大多數的親朋戚友，都沒有把你放在心上（儘管偶爾會想到你），更不視你為重要。這個事實並不可悲，而只是常情；認清這個事實，可以是一種精神解放。

20220416 撮記

　　十一點半醒，翻訓，十二點半醒，一點四沖涼，一點七淋花。走時同Christian 傾計，講起尋晚我用Simulator，佢話有一隻叫「黑蘋果」，就係係Windows install Mac，唔講唔知😂原來好難。

　　一點十一開車，兩點一旺角油站入油(142蚊，6.33 L ，29545KM)。兩點四到紅磡，食中午。三點半走。

　　係紅磡睇電視，講起有中國太空員成功降落地球，中間會經過一個黑障區，第一次聽，即刻維基下😂

　　三點五十到觀塘，撚貓😼

　　Mani 帶電腦去做功課，我負責撚貓😼我同Mani 有玩一鋪二人麻將，不過無癮玩兩鋪就算。肥仔倒瀉水，學抱貓，了解貓的行為😎

　　七點五十五走，八點二到紅磡，八點四上樓。

　　今晚八點有Kolar 演唱會重溫。所以我一邊開車一邊播😂

　　今日阿Ming都係度，講起Algo trade，我睇到E篇新聞《科大舊生搞Algo Trade　圖打破大戶專利　「散戶唔識都用得上」》，我覺得自己都可以向E個方向發展。阿Ming 都分享左一個Facebook 專欄，叫《蔡嘉民 Calvin》，佢既Algo trade 都好犀利❗

　　十點五十睇完kolor，十一點四紅磡走。十一點七到旺角，十一點五十沖完涼。

　　睇到一篇《46% 沒有薪水！工程師界最崩潰的人類：開源程式碼維護人員》，睇黎IT人真係好抵得諗😂為左個世界。

　　今晚Christian 無返，睇左一個勁爆既Post，《試當真4.23推NTR 游學修願一星期開直播回應網民抨擊》，我同Kris & Christian 討論，今日先知原來「Opensea 版稅，創作者最高可抽取10%」，

5. Opensea 版稅，創作者最高可抽取10%
對於每位創作者來說版稅非常重要，不管是用小畫家寫了”test”或是花了一整年才畫作出來的一幅作品，在傳統買賣的世界裡很難追蹤到完整的著作權，《NFT與創作者之間關係?怎麼進入NFT的世界?》。

然而，在Opensea上架的商品可以讓NFT作品在每次轉售時，原創作者都能從中抽取一定收益作為收入，且創作者可自訂版稅比例，目前最高抽成為10%。

　　我打趣說到😂我打算仿效試當真😎將天台CCTV cap 圖放上NFT。果名暫時叫《新填地街的日與夜》🤣上架費梗係眾籌啦🤣

　　反正係咁流鼻水，都訓唔著，索性寫撮記，寫到四月一號❗寫左2月同3月兩個full month 撮記，真係好辛苦😂又無咩意義，不過我覺得咁樣先係「活著」。

　　臨訓先，睇到一篇文《有一種人，總是獨來獨往，卻不孤獨》，我覺得好中😂真係睇得太多心靈雞湯了~

　　三點訓。

跋：

是日肥仔精華😼😼😼

20220415 撮記

　　今日復活節，唔洗返工😆

　　三點醒，三點三沖涼，上天台淋花收衫🤗有士多啤梨。

　　Christian 想食好D，我無所謂🤗

　　三點四十開車，四點到圓方，四點二買147蚊shake shake burger。

　　一邊食漢堡，Christian 教用薯條點Milkshake 黎食😂我自問唔識欣賞。

　　之後傾閒計，我印象深刻係講荷蘭，我當初無去凡高博物館係遺憾，原來Christian 有去，但睇得出佢唔太識欣賞🤣之後又講下英國，烏克蘭，食物，講埋pole dance。四點半食完，走。

　　Christian 想行下考車路線，我反正得閒，可以車佢🤗。四點四十開車，行忠義街，行晒兩條路線。

　　六點二到旺角。Christian 返上去先，我剪頭髪。Mani send 左一篇文比我😂都幾interesting。

《如何最有效率獲得香港所有駕駛執照？》

　　六半剪完，70蚊。六點四十返旺角。

　　淋花，七點一上天台做GYM。七點五十做4 set ，20掌上壓，1分半plank ，20squat。

　　休息時睇到Ｄ無聊片🤣進擊的巨人是如何練成的🤣仲有貓咪的決策過程😆

　　八點沖完涼，Christian 訓左，我返房Hea。睇到《Flappy Bird | Pull Up Challenge💪#fitness #gym》、《地表最強易容術！金城武→熱巴3min變臉秀驚呆》🤣係高質既片。

　　係房寫撮記寫到3月31日😎十一點出房，十一點五出門落樓。買左73蚊腸粉燒賣魚蛋，75蚊糧尾丼日式餃子，十二點一返旺角🤗

　　食宵夜，睇star war 1，有住Hall Feel 🤣

　　經過咁多年，我都係搞唔清楚Starwar 既次序🤣今次好好爬文，終於分得清正傳(第456集)，前傳(第123集)同後傳(第789集)了🤣我地今晚睇第1集，但由於佢係遲出過第 456集，所以畫面好靚，Production 好足料😂

　　睇戲時，收到新聞講《【七人車司機涉嫌瘋狂駕駛至少撞毀7輛車】》，真係好癲😂我估車內應該有大量毒品，打爆量刑指引既份量，先會咁做。

　　兩點九睇完Star war 1，忽然興起😂我開電腦，打算用simulator 食雞

　　點知一開Game 就被block😭原來用手機既要同用返手機既玩家對戰，用模擬器既要同用返模擬器既玩家對戰，所以被block 🤣

　　最後我開左新AC，第一場就食雞，仲要15 kill😎事後Christian 同我講係電腦黎😂枉我仲開心左一陣。

　　三點九訓。

20220414 撮記

　　八點三醒左，morning call Mani。之後翻訓🤣十二點二醒。

　　洗衫，上天台。Christian 今朝學車，我放假，煮雞蛋早餐，好耐無煮🤗。

　　去到一點，Christian 本身話學完車同韓仔係city食，但韓仔應該未訓醒😂於是Christian 約我去大家食，一點四出去食54蚊大家食，一點五十五食完，返上旺角。

　　今日三點學友社義工，教捉國際象棋(https://lichess.org/)同整復活節蛋😂

　　兩點四開始zoom，先捉國際象棋🤗

　　之後，畫復活節蛋🤗我zoom 住睇住小朋友好聽話咁係度畫蛋😂然後有理無理都讚，讚到佢家長開咪多謝我🤣(因為我叫小朋友好好珍惜Ｅ隻蛋，係同媽媽美好既回憶)

　　比左四十分鐘分組製蛋😂略嫌多得濟🤣我又唔想Dead Air，於是「自肥」上Youtube 學畫畫。

　　五點半完Zoom，debriefing 一個詞，我答「感覺後生左」😂。

　　六點一 Christian 打機，我上天台，睇下我個車尾冚，同埋睇下同行甲乙丙既信😎佢真係好有心❗值得學習🤗

　　今日有單新聞，就係我岩岩學友社Zoom 緊時😅樓下銀行有人打劫。《中年漢劫油麻地建行逾萬元‎ 警員荷槍實彈截巴士圍捕》。

　　六點四做Gym，七點二做完，做左四set ，20 push up 、1min 30sec plank 、20 squat ，斟左水。

　　然後，睇到E篇新聞😱《6.12「爆眼教師」楊子俊事隔近3年被控參與非法集結准以10萬元保釋》。

　　七半落樓，Christian 打完機，我捉國際象棋。

　　小丸子Send左一段《粗口歌》比我睇🤣「人生裡面有好多風浪，但係唔緊要。只要拼，一定會嬴」。唔係歌星的阿燦，估唔到唱得唔錯。

　　八點九出門，買38蚊卡邦尼意粉，九點一返上樓。食完捉棋，十點同Christian 食雞。十點五十食完。十一點開Disney plus，睇異形😊

　　睇睇下戲，阿蛋打黎，有一單化妝Job 想介紹比Ｍani，做被人化妝既Patient😂然後Mani 唔想接，所以Christian 射左比Mocha 接。

　　十二點九睇完異形。一點二沖完涼，同Jimmy 食雞。兩點四十食完雞，真心覺得晒時間🤣我D時間可以用得更好。三點訓。

20220413 撮記

　　七點四醒，急尿痾尿，忘記叫醒Mani ，佢今日遲到。
　　九點四醒，九點四十沖完涼，上天台。

　　天台薯仔又被老鼠食😫

　　今次CCTV 捉到了😎

　　九點五十開車。十點返到公司。十點三出去買早餐。行左成個圈，無早餐賣，黃金冰室裝修，最後買左32蚊麥當勞早餐。

　　今日call Kippo 受氣，我Call Kippo 問佢Maintenance到期，收唔收到三月既email ，佢check返，之後佢問返我之前既差價係幾多，我話我新同事黎無資料，佢Email 應該有record 。佢即刻屌我態度「你比D咁既service我？」，然後著wilson call 佢😂。我心諗E個客都幾惡下，比時D人一定好好招呼~ 不過搞到咁薑真係唔知為乜🤣

　　比佢搞一搞，我成日既心情勁差，出返D Quotation ，十一點半午睡，訓到兩點。Carman 打黎問我有無discount，我話無得平😥免得開先例。

　　早幾日升完，今日又跌返~我E度係細數我就唔Care，但一想到擺成副身家去投資既人，佢地既睡眠質素應該好差😂

　　今日睇到一張Meme 圖，關於上海災情😂果然一日唔死一日都有新聞～

　　四點五十五收工，五點開車，五點三到觀塘，今日搵Mani 撚貓。Mani 做assignment。

　　七點七觀塘肥仔走，七點五十到紅磡，行百佳，八點一上紅磡。睇《The Last Witch Hunter》。十點七走，十點五十到旺角。

　　Jimmy 係度，我搬左尾箱D野上去（因為尾箱好臭😫），又落樓下信箱，拎同行甲乙丙既信。

　　同Christian Jimmy傾下計，十一點一食雞，一點食完雞，之後我洗衫。

　　終於叫做有得抖下😂上Facebook 睇到一段好勁既片🤣 此時此刻好眼訓，又想訓覺，又要洗衫。一半上天台set cam。開晒燈好似可以開演唱會咁😂

　　雖然好攰，但訓唔著，寫撮記。睇到《【去片】中大「史萊姆」鬼口水機械人　可進入人體取物　冀兩年內活體實驗》，睇黎將來既醫學發展係Ｅ個方向🤗

　　凌晨三點四寫完3月29撮記，訓。

20220412 撮記

　　九點醒，九點五沖涼，九點七上天台，薯仔被老鼠食左😫

　　其他的植物還好🤗要感恩～

　　九點九出門。十點到深水埗。

　　今朝好快上手，執晒Quotation 然後自己時間。睇到一篇文

《【理財方法】有專長可以點發展副業？畫Sticker、寫Blog有錢賺！10個創造被動收入方法》，看來自己都要創造一Ｄ被動收入😎。

　　Ｅ幾日旺角天台CCTV 太多奇怪畫面😆又偷野，又癡線佬，我決定盡我所能將D奇葩片段放上Drive 🤣 這也許是世界的另一面呀~

　　花了點時間，用Short cut 整左CCTV片，一黠二落樓買飯，買左120 蚊sim 卡，70蚊台灣雞扒麵，1070蚊外置hard disk 。

　　今日Bitcoin 升左，雖銀碼唔多，但百分比好恐怖，升左20 % 🤣對自己好Ｄ先😎

　　今日係Facebook 睇到Kolar 演唱會，4月16號會重播，Marked 低先😎

　　返到公司，幫我自己部機換左i7, 加左8 GB ram ，要搽隔熱膏，備份還原點，install chipset driver。

　　五點收工，我留係Office，見到東華三院有一個青年共居計劃，應該同之前大埔既一樣供不應求😂但都照申請吧，反正公司Printer Scanner齊晒，我要既資料又係晒NAS😎好快就搞掂申請。

　　突然，銀行打黎，問我想唔想借一萬，一個月12蚊息，個電話小姐感覺好Freshgrad，我同佢玩下，幫佢借，借一萬，分十個月還，每個月還1012蚊。佢之後再覆我。

　　之後我寫撮記，Hidden Gem Victor 搵我，要簽一份PDF，我好花心機咁又Print 出黎又簽名又scan 返過去，之後Victor 教我😂原來Adobe Acrobat 有簽名功能🤣我一直以為係要比錢先用得~

　　今日寫左3月24-3月27既撮記，2054深水埗收工，九點開車。九點二到旺角，九點四上天台淋花，煮野食，九點八食得。

　　煮返尋日既淨飯😋都幾好味～

　　一邊食一邊睇Youtube，長知識了😎

　　之後比我睇到花仔既訪問片段，片中兩人都幫我寫過求情信😂What a coincidence ❗

　　段片一直都知佢存在，但因為太長😝我今日有時間先睇～唔講唔知，原來花仔做過港燈😮心血來潮，我用Pytranscripter 去gen 字幕出黎。

　　之後我整Office，因公司之便😝我裝左MS Office 2019，需要打少量既Code。

cd C:\Office 2019 Deploy

cd Office 2019 Deploy

setup /configure configuration.xml

　　十點二，scrap 完字幕，洗碗裝windows 沖涼。Christian 今日閉關彈琴。

　　今日比我搵到白爛腦既Whatsapp Sticker 全集😍連同吳青峰合作既sticker 都有🤣留底先😎

白爛貓☆在蠕動☆
https://whatsticker.online/p/536592is3nD2F/HK

白爛貓☆大聲啥☆
https://whatsticker.online/p/532984QiXz550/HK/zh

白爛貓6☆動滋動☆
https://whatsticker.online/p/53664812l8dwL/HK/zh

白爛貓☆滿出來☆
https://whatsticker.online/p/5356751EHvhus/HK/zh

白爛貓☆一直動☆
https://whatsticker.online/p/536875iiDwZD5/HK

白爛貓☆變裝秀☆
https://whatsticker.online/p/532927KAXlOKT/HK

白爛貓☆懶得動☆
https://whatsticker.online/p/536876PTdJIhT/HK

白爛貓☆超激動☆
https://whatsticker.online/p/536894eGQY7TG

白爛貓☆超聲動☆
https://whatsticker.online/p/536389EZodYBS/HK/zh

白爛貓☆動一動☆
https://whatsticker.online/p/536236ROgWw7X/HK/zh

白爛貓☆超過動☆
https://whatsticker.online/p/536230KER0ZQs/HK/zh

吳青峰X白爛貓☆相揪尬貼圖
https://whatsticker.online/p/539891Soaf7EK/HK/zh

白爛貓☆胖胖貼圖☆
https://whatsticker.online/p/537777lqceraF/HK/zh

白爛貓☆開趴囉☆聖誕貼圖
https://whatsticker.online/p/535554WTySUGX/HK/zh

白爛貓☆動起來☆心意貼圖
https://whatsticker.online/p/537227bzYYsxm/HK/zh

白爛貓☆特效貼圖☆初登場
https://whatsticker.online/p/535680mTRxECI/HK/zh

白爛貓X☆隱藏版☆
https://whatsticker.online/p/5397699VcYLql/HK/zh

白爛貓☆麥衝動☆
https://whatsticker.online/p/5379742VPU9Yb/HK/zh

白爛貓☆金促咪☆係金A貼圖
https://whatsticker.online/p/537950jTyY2kO/HK/zh

白爛貓xBROWN & FRIENDS
https://whatsticker.online/p/536070980vn2n/HK/zh

白爛貓19☆動激動☆ (香港版)
https://whatsticker.online/p/536676xVV0HNN/HK/zh

白爛貓23☆一起動☆ (香港版)
https://whatsticker.online/p/536802WPyyAkZ/HK

白爛貓28☆動不停☆
https://whatsticker.online/p/5380809Qfko7x/HK/zh

白爛貓31☆金勾杯☆
https://whatsticker.online/p/5373072Ys6ulT/HK/zh

白爛貓☆動態表情貼☆第5彈
Part 1:
https://whatsticker.online/p/565943kzDzSfe/HK/zh
Part 2:
https://whatsticker.online/p/565944Lx3bGgm/HK/zh

白爛貓☆動態表情貼☆第6彈
Part 1:
https://whatsticker.online/p/5664586HNzcXP/HK/zh
Part 2:
https://whatsticker.online/p/566459dSk4RVJ/HK/zh

　　之後，Mani send 左個網址黎，叫我抽PS5，我心諗😂好吧～

　　夜晚一點半，睇《一球成名》，典型既足球成長勵志片，Christian 睇過好多次。

　　一邊睇戲，Christian 一邊講英國大小事，比如英國足過既文化，Stadium 既象徵，最估唔到既係，Christian 分享佢中學時期斷過右膝，做左十幾萬手術，將膝後組織移去前面😥我都分享返阿勇踢波爆眼既事。

　　三點四睇完，返房訓。

　　跋：

　　今日睇到Ｅ篇文，《職場上真正值得你「深交」的同事，須具備這 6 種特質》，心想，根據我既工作經驗sssss，每個Point 都好中呀😆

20220411 撮記

　　十點四醒，被熱醒😅。

　　十二點上天台，淋花。薯仔比老鼠食左😫

　　操體能，做三set ，20 push up ，一分半plank ，20 squat。之後收衫，十二半返樓下。

　　今日係Facebook 睇到Ｅ篇文章，《海賊王第0話全彩，信息量爆炸的一話，能露個臉的都是強人》，於是勾起我鋪癮去搜尋海賊王金獅子既劇場版。

　　今日既第一餐😋

　　之後一邊睇戲，一邊寫撮記🤗寫到攰，又抖下~

　　睇到E張Meme 圖，我發覺自己２係點都做唔到的🤣至於其他，基本上我都可以做足😎

　　太宰治所寫的遺作《人間失格》，入面有一句「懦夫連幸福都害怕，碰到棉花也會受傷。」，今日睇左篇文，《懦夫連幸福都害怕：為何研究顯示東亞人較「厭惡幸福」？》，值得分享。

　　三點半，肚餓了😋煮野食～豬頸肉炒蛋一丁

　　同行甲乙丙今日有信，最近「香港地理達人挑戰」好hit，於是佢自己整理左一D問題，寫成信寄入牆內，比人解悶，我真心佩服佢的❗ 佢仲叫我Share 比工廠🤗我梗係forward 啦😆然後係度都留一個底❗

香港地理達人挑戰下載

　　五點二睇完《海賊王劇場版10：強者天下》，講完金獅子～一般，無咩劇情。

　　之後比我搵到Ｅ篇文《【日劇】高橋一生奈緒共演《雪國》文豪川端康成名作33年後再日劇化》，於是上網睇《雪國》。　　　

　　五點五十分，睇戲睇到攰，彈琴😎

　　我一掂個琴，Christian 就返，我唔理佢，繼續，七點一彈完琴，清場。Christian 帶Mocha 上黎。

　　Mocha 七點三到。我上天台，Fill 水，七點五晚飯，Mocha 前排係停車場撞爆左鏡，七點五十食完晚飯，我繼續睇《雪國》，Christian 同Mocha 入房jam 歌。

　　《雪國》好文青，睇唔明，結果要上網搵解讀😆「川端康成名作映画鑑賞【1957年雪国】越後湯沢永恒經典」

　　八點一，睇完《雪國》，睇《麥路人》。

　　約十點，Mani 突然黎同我講，佢想買NAS，我當然支持，有消費劵😎。

　　Christian 同Mocha 係房，已經唔係Jam 歌，而係係度話當年了～我坐係電腦面前，睇戲睇到攰😅於是我backup 一D 重要既whatsapp msg 去Notion，比如以前既日記，我既Item lists，甚至連以前去韓國既Schedulle 都有😎咁會保險Ｄ。

　　望到Ｅ個Schedulle，不禁勾起了我很多回憶，儘管Christian 同Mocha 係房細聲講大聲笑係有騷擾到我，但我仍然很享受回憶當年的感覺，絲毫不受影響。

1️⃣ 這是我去韓國旅行時的schedulle 😍

Dec 21 (Sat ) 
Depart HK to seoul 
Sleep : seoul 

Dec 22 (Sun) 
Depart Seoul to Jochiwon, Sejong city 
Sleep: Jochiwon 

Dec 23 (Mon)
Visiting
Sleep : Jochiwon 

Dec 24 (Tue) 
Depart Jochiwon to Seoul
Sleep : Seoul 

Dec 25 (Wed ) 
Visiting Seoul
Sleep: Seoul

Dec 26 (THR ) 
Back to HK from Seoul

2️⃣ 這是我去澳門一連五天實習時，需要做的反思報告🤗

感想文章：教學就是生命影響生命
香港教育大學陸冰溢

經過一連五天的澳門之行，我充分體驗到澳門教育的實況，而且結識到一眾亦師亦友的同伴，我衷心感謝這計劃中的各位有心人，包括當中的校長老師們，教育界官員和活動籌委。

在培訓期內，印象最深刻的就是訓導主任的講座，透過自身經驗教導我們變得如何對學生「嚴而有愛」。另外，聽着兩位直資中學和小學的校長的分享，我明白到直資學校的專業性，亦看到其價值觀是如何塑造一位全能發展的學生。

在實習期內，每一天都有着緊密的行程，讓我們以最快的時間體驗最深度的澳門。從澳門大學教授的講座，我們得知澳門的教育政策和方針；從澳門勞工子弟學校校長的分享，我們得知其學校對學生發展的多元培養和對老師的適度訓練是如何提升學校的競爭力的；從實習導師的指導，我明白自身可以改進的空間。除了教學上的長進，還有富深度的文化文流，從第一天來到澳門，已有第一屆的《良師》畢業生來分享，使我深入理解澳門人的生活。

十分感恩自第一天到澳門便認識的實習導師們，不論是在教學上細心的指導，還是以朋友的身份討論世事，都令我獲益良多，尤其是在對比港澳教育之間的異同時，我不禁反思一個大命題，究竟「應屆畢業生的大學入學率應該有多高？」。有時候，看見香港學生在為考入大學而心力交瘁，甚至因此了結自己的生命，我感到在澳門的中學生有較輕的壓力，更可更早為自己的未來作打算，入讀心儀的科目，這是澳門教育的優勢，是香港可借鏡的地方。

作為一個未來電腦老師，來到澳門當然會澳門電腦科教育的發展，我深入了解到香港是和澳門並肩而行，互相合作，為學生打好STEM 教育的基礎。以在濠江中學的參觀中，我們了解到最新的STEM 教室如何有效地促進學生的學習，為教師節省教學時間之餘亦強化學生對抽象知識的理解，是未來教室的方向。

不得不提的是，指導老師的熱誠深深打動我，令我更有動力成為一名中學電腦老師。在教學上，透過觀課我們能了解將會試教的內容，儘管這是中一級的教學，看似基本容易，但要有相應的同理心和教育技巧，才能達到課堂上的學習目標。當親身經歷實際的教學時，儘管有實習的經歷，我仍感到十分緊張，慶幸學生們十分有活力，大家有問有答，過程中使我回復信心，最後達到課堂學習目標，準時完成課堂。指導老師不單會提點我在課堂的表現，亦會以過來人分享養聲之道，電腦科發展的趨勢，老師與學生的相處之道等等，令我感到獲益良多。

最後，我感受到是次實習團的汗水和熱誠，很高興可與來自不同大學的學生共同備課，亦很感恩得到如此特別的教學機會，隨此以外還可深入了解澳門文化，更觀察到澳門教育的進展。培訓期和實習期中所學到的，都令我更有信心成為一名好老師，我亦相信能將所吸收的知識和經驗分享給我將來的學生，期待以後會有更多「良師」在教育界發光發亮。

3️⃣ 這是我去台灣花蓮打工換宿時既Post Card分類同埋感謝當地既同事老闆😆

1. 磯崎海灣 (羊猩貓)
2. 清水斷崖 (Mani)
3. 錐麓古道 (良)
4. 太魯閣峽谷 (傑)
5.跳浪隧道(子君)
6. 九曲洞 (景晉)
7. 七星潭 (Steven )

1. 黃大哥
月眉山，魚皮湯宵夜，好老闆，擔心錐麓，擔心單車，明年探你

2. Jimmy
As your first Roommate in Hualien, I won't forget your birthday haha. We did lot of things together, including the hiking, driving, beering etc... It's hard to say goodbye to you (I wish to stay a little bit longer, no bullshit haha). Anyway enjoy the time in Hualien and hopefully see you next year in the Jhui lu old trail next year ( if you still here).

. ，緊係記得你行山，揸車，洗車，錐麓第二次

3. 靜蒲北回 (Cherry )
多謝你教我民宿如何執房。這post card 由你女兒親口咬過，所以有紀念價值架! 有時候，看見你兼工作兼帶着女兒有點辛苦，加油& 希望你女兒快高長大!

4. Lina
由Three koalas pizza 到鐵板燒我都係坐你右邊，好唔地道既廣東話好正，一齊執房，楊枝甘露好好味。估唔到會知道埋楊知甘露同茄汁既由來，長知識了。
意大利Couch surfing
5. Kankan
你帶返黎既紐西蘭手信好好味，尤其是那有氣朱古力。雖然相處既時間不多，我相信你係公司入面最搞笑最玩得既staff (除了Pauline 之外，如果她是)。多謝你盒炒飯。

6. 小熊
跟你咁多次獨木舟，從去掃蝦到跳石，從跳石到桌遊，每一次都輕鬆開心的。雖則有時候會笑你同客人關係太好，但keep 住ar ，唔係個個教練都好似你咁有心去經營的。加油

7. 小羊
仲記得同你海邊飲酒。
海巡。

十分搞笑的人，保持住，同你游水玩烤箱十分開心。下次一定報龍貓森林來找你

8. Pauline
Glad to see that my paragliding video made your life. It's fun to work together these days. You are so independent and funny person, always optimistic and always crazy. Spending time with you will never be boring. It's was so nice to go hiking and go swimming last week.

Knowing that there are another journeys waiting for you so don't miss Hualien so much, otherwise you will get "homesick".

Hope you have a nice belated birthday gift and find the Mr Right.

9. Anice
Clean the hostel, kayaking, Hair cut, had a nice walk along the coast.
Its great to see you take the Drone video in my last working day.
Hope you have a nice trip.

Be gratitude , it turns what we have into enough.

　　十一點，睇完《麥路人》，睇《淪落人》🤣

　　十一點五十五 Mocha 走，我沖涼，沖完涼之後，Christian 同Mocha 黎左，原來Mocha 漏左電腦，所以順便買宵夜上黎。

　　十二半Mocha 走。

　　我睇埋《淪落人》，去到最後，我Miss 左惡作劇翻譯「黐乸線」既意思😆於是上網搵，原來「thank you very much」係（多捻謝）和「love」係（黐乸線）。《多撚謝，黐乸線：《淪落人》》。

　　一日睇四套戲，海賊王金獅子，雪國，麥路人，淪落人，再加上3月19-3月23既撮記，今日真心腦容量爆炸😆

　　睇完《淪落人》後返房，寫埋3月24既撮記，兩點訓。

跋：

今日睇到幾張有趣Meme 圖，特此分享😆