20220414 撮記
八點三醒左，morning call Mani。之後翻訓🤣十二點二醒。
洗衫，上天台。Christian 今朝學車，我放假，煮雞蛋早餐，好耐無煮🤗。
去到一點，Christian 本身話學完車同韓仔係city食，但韓仔應該未訓醒😂於是Christian 約我去大家食，一點四出去食54蚊大家食，一點五十五食完，返上旺角。
今日三點學友社義工，教捉國際象棋(https://lichess.org/)同整復活節蛋😂
兩點四開始zoom，先捉國際象棋🤗
之後，畫復活節蛋🤗我zoom 住睇住小朋友好聽話咁係度畫蛋😂然後有理無理都讚，讚到佢家長開咪多謝我🤣(因為我叫小朋友好好珍惜Ｅ隻蛋，係同媽媽美好既回憶)
比左四十分鐘分組製蛋😂略嫌多得濟🤣我又唔想Dead Air，於是「自肥」上Youtube 學畫畫。
五點半完Zoom，debriefing 一個詞， 我答「感覺後生左」😂。
六點一 Christian 打機，我上天台，睇下我個車尾冚，同埋睇下同行甲乙丙既信😎佢真係好有心❗值得學習🤗
今日有單新聞，就係我岩岩學友社Zoom 緊時😅樓下銀行有人打劫。《中年漢劫油麻地建行逾萬元 警員荷槍實彈截巴士圍捕》。
六點四做Gym，七點二做完，做左四set ，20 push up 、1min 30sec plank 、20 squat ，斟左水。
然後，睇到E篇新聞😱《6.12「爆眼教師」楊子俊 事隔近3年被控參與非法集結 准以10萬元保釋》。
七半落樓，Christian 打完機，我捉國際象棋。
小丸子Send左一段《粗口歌》比我睇🤣「人生裡面有好多風浪，但係唔緊要。只要拼，一定會嬴」。唔係歌星的阿燦，估唔到唱得唔錯。
八點九出門，買38蚊卡邦尼意粉，九點一返上樓。食完捉棋，十點同Christian 食雞。十點五十食完。十一點開Disney plus，睇異形😊
睇睇下戲，阿蛋打黎，有一單化妝Job 想介紹比Ｍani，做被人化妝既Patient😂然後Mani 唔想接，所以Christian 射左比Mocha 接。
十二點九睇完異形。一點二沖完涼，同Jimmy 食雞。兩點四十食完雞，真心覺得晒時間🤣我D時間可以用得更好。三點訓。