20220408 撮記

　　九點Mani Call 醒。九點四十真醒，沖涼淋花，十點出門。

　　十點三到深水埗，甫返到，好唔精神，食35蚊黃金早餐外賣。

睇到篇新聞，《劉宇隆：冇打針學生坐窗邊 不准參與課室外活動》，我心裡不禁冷笑，香港既教育制度就係衰係太多唔識教育既人既手上。

　　上午唔多野做，工作需要，我要揾點樣係Outlook Schedulle Email。睇睇下，睇到原來Whatsapp 都可以schedulle message😎智商加一了~

　　一點四十出車，兩點四到軍地北村。一邊set nas hard disk ，一邊有狗吠😂

　　今日見到Christian 分享，忽然有感，以前我教電腦時，其實乜都唔識，照書教，似牧羊人多過似老師😂而家既我，軟知識方面，教過唔同類型既人，有晒唔同既教學技巧，甚至連教學上既admin ，處理家長社工甚至學生心理上既事都掂過。硬知識方面，試問有幾多電腦老師係識git and Agile 🤣而家我連硬件砌機set Server 甚至裝修插線都識。

　　其實我比以前既自己，甚或比起好多電腦老師，都更能稱職地做一位電腦老師，可惜，命運如此，我返唔到去教，也只能概嘆這是緣份吧🤣

　　我裝好NAS，然後Remote 比Eric 搞，多左時間就上下Facebook，竟然比我學到新字，真係知唔到「Bu Bu Zhi」都可以寫出黎😝

　　三點四走，四點到旺角。今日邀請左小丸子上黎晚飯，四點二我去惠康買74 蚊紙杯同紙包飲品。一返到去，見到天台有門聲，又見到Christian 衝出黎，佢話有人偷野😨，即刻上天台😠紙包飲品散晒🤣上到天台，偷凳既阿叉心虛，走黎話借凳🤣我諗起孔乙己。。。佢地住三樓，有兩個阿叉係樓梯吸毒嘔。我上天台收衫，換水，今次我仲拎左水比佢地洗樓梯，畢竟今晚小丸子佢地上黎，拎左膠袋比佢地袋，上天台睇住佢地走。

　　真心覺得，這未免太巧合吧～昨天剛Set CCTV，今天就搞D咁既野😂不過，講穿左日日都發生緊，只係今日Day 1 有Cam，咁咪影到，以前就算知都無仇報😂不過，就算真係搞我地，其實都一樣無仇報，正如之前上天台偷野，就算真係影到，咁又點🤣只能在將來緬懷往事時，拎出黎笑下而已

　　落返樓，我成個人好唔精神~四點十一同Christian 食鋪雞，五點四打完機，執一執場，五點五走，落樓下拎車，竟然❗竟然比我撞返偷凳阿叉😥原來佢都有電單車，仲要泊左係我泊既後巷，真係巧合😂真係緣份。

　　五點七到紅磡，收到政府Message，我既失業金抗疫基金批了，連我都批，相信好多人都批😂畢竟我有報自己而家有返工有強積金，只不過一星期三天，希望酌情考慮而已🤣

　　去到紅磡，Mani 好多野，我幫手準備🤗。

　　六點半紅磡走，六點九到旺角。係紅磡拎勁多野過旺角😂我又做返外賣仔老本行了~

　　Christian 傲嬌，一早問佢又話唔食，我紅磡返旺角時又突然話食，好彩我預多左份量，叫佢幫手煮😎所以今日Mani 係大廚，Christian 係二廚，而我負責洗碗同執頭執尾😎簡稱「包底」。為了好好紀念這難得的「旺角家家酒」，我決定將食譜留係度😊

（更新於2022.04.07 22：08PM）

菜式1）白菜豬肉煲 😺邱家預早準備材料😺

需要時間：20分鐘預備、20分鐘煮
工具：打邊爐用嘅鍋
主食材：大旺菜2個切片（可娃娃菜2包代替）$25、急凍豬楠肉片4包$120
配菜：白蘿蔔1條切件、豆腐2塊切件$10、鳴門卷1條切片$12
調味料：日本料理酒3湯匙、豉油2.5湯匙、鰹魚湯底1包$40、柚子醋$35
預算：$250

菜式2）雜錦煎蛋 😺邱家預早切材料😺

需要時間：20分鐘預備、15分鐘煮
工具：細平底鑊
食材：薯仔1個切條、雞蛋5隻、急凍豬楠肉片2塊切粒、自家豆苗、蘆筍2條切粒、蕃茄仔4粒切薄片
❗蘆筍太老可以將下半部分批去外皮、先用水煮淋，切粒後加入蛋漿內❗
調味料：鹽、黑胡椒、豉油
預算：$40

菜式3）三文魚燴飯

需要時間：30分鐘煮
工具：電飯煲
主食材：急凍三文魚扒1塊、米1.5嘜
配菜：自家蔥花裝飾
調味料：日本料理酒1湯匙、 豉油1湯匙、鰹魚粉0.5包、鹽少許、按米比例加水
預算：$50

菜式4）檸檬焗三文魚扒 😺邱家預早煮😺
 

需要時間：10分鐘預備、15分鐘焗
工具：焗爐、烘焙紙
主食材：急凍三文魚扒2大塊
配菜：黃檸檬0.5粒切片、黃檸檬0.5粒榨汁、蘆筍6條切半、蕃茄仔12粒切半
❗三文魚太大塊，每塊一紙包❗
❗蘆筍太老可以將下半部分批去外皮❗
調味料：橄欖油、蒜蓉2瓣、 乾辣椒粉少許、黑胡椒少許
預算：$90

----------
水果：隨意（最緊要抵食）
飲品：紙包飲品、茶包
紙杯：$12店膠杯（如有）

　　返到旺角，開焗爐焗三文魚，開電飯煲煮飯，整蛋，上天台收菜。七點三，小丸子到。帶佢地上天台等。

　　阿珊帶左Ｄ植物上黎比我地😍

　　仲幫手收蔥收豆苗，今晚食😋

　　八點終於搞掂，開飯😝

　　突然，凳都未坐暖😂 Christian 話佢無帶鎖匙，而我自己都剛好無帶🤣因為岩岩上上落落都開住門，無為意～打比Mani 細妹，佢揾唔到匙，於是打比kris ，好彩佢黎到🤣如果唔係，就要打比陸爸～

　　食住等唯有😊食之前梗係自拍😎睇得出大家都有「隨遇而安」既心境🤣

　　未幾，八點九kris 到，黎左，當時正講緊我法國黑人手帶🤣之後kris 上黎，講下移民經，講下香港去留，東拉西扯，Mani 沖酥油茶，Kris 講只要相信就有希望，十一點送走小丸子。

　　十一點後我洗碗，同Mani & kris 繼續風火雪月，講痛苦，講人生意義，我都順便分享我既人生意義，就係尋求可以脫離痛苦既方法。

　　Christian 帶左朋友Matthew上黎，佢地上天台呼吸，我十一點五十送mani 走。發覺唔見左車冚，隱約覺得同今日拎車時撞到阿叉有關，邊有咁巧合？！不過算，無證無據，下次唔好懶，放晒入車尾箱。

　　十二點二到紅磡。十二點四十上返旺角五樓，撞到樓下個跛腳佬，我發覺無拎頭盔，返車拎，最後十二點九上樓。

　　一點，我、Christian、Matthew 三個人social，一邊呼吸，一邊飲酒，一邊睇戲。

　　我其實無咩感覺，不過令我回憶起，以前係荷蘭同烏克蘭既時光，每次都會🤣反正都不是一些好回憶黎~相反，我回憶起，當年我係瑞典，有一晚我地煮既宿舍有party，有一個瑞典Local 比我試Snus(瑞典口含煙)，我係印象十分深刻的🤣因為真係好苦❗

　　Matthew 係個98年既有錢肥仔，佢除左錢之外無太大既討論空間😂佢買左薯片，酒水同雪糕上黎，我真係好耐未食過雪糕了🤣之後又比錢買左一個月Disney Plus，就係為左今晚睇月老，凌晨一點半，佢肚餓😂於是就叫外賣上黎，想講我住左咁耐都未試過叫外賣，一來貴，二來費事要外賣仔行，畢竟自己都做過🤣而今晚係我第一次用FoodPanda app 叫外賣，好快，四個字到，叫左荼記西檸雞，咕嚕肉，椒鹽魷魚，椒鹽豆腐🤤。

　　睇月老睇到三分一食宵夜，Mathew 食完宵夜就訓，三點五睇完月老，清場沖涼，三點四十訓。

　　今日太多事情，可能亢奮得濟😝睇海賊王漫畫，四點訓。