20220407 撮記

　　今朝一半比Christian叫醒，打左篇千字文同Bowie 追數，去富華，食58蚊all day breakfast，Christian又提起Jack 欠佢PS5，我講起Bonnie 欠我錢既事。再惠康買一百蚊酒，22蚊飲品，兩半返到旺角。

　　三點學友社義工，教韓文，然後玩猜猜畫畫。

　　今日第一個Session 係學韓文，比上星期學日文Smooth 好多😊可能係有汲取教訓~我都趁此機會溫故知新😆

《【韓文初學】一天背完韓文40音，4大記憶方式讓韓文40音變簡單》

　　之後第二個session 玩猜猜畫畫，上gartic.io玩，我記得以前同Tammy 佢地都有一齊玩😆小朋友都好enjoy❗

　　五半完學友社zoom ，五點九我上天台淋花做Gym 。天台樓梯有血，好核突😫。

　　係天台下載左slap with smith ，係一個超簡單既game ，諷刺奧斯卡事件😂

　　六點五十五，做完Gym ，四set 20 push up, 一分半plank 同20下squat 。

　　落返樓下，同Christian 傾考車，佢考忠義街，6月27號朝早。

　　講起果欄，原來果欄內部係咁，仲要有𨋢可以上兩層，我都係今日先知，智商加一😼

　　七點五食雞。八點二落樓，買48蚊大家食米線，八點五返上旺角。

　　八點九食完，玩LF2，我揾到方法去call 隱藏人物，Christian 黎，玩左兩鋪無癮就唔玩。

　　之後安裝CCTV，終於成功安裝到了😝

　　十一點三上天台Set Cam ，十一點五 add Christian 做 admin。

　　之後，今日Norman 都有玩，我同Christian Jimmy Norman 食雞。

　　夜晚我寫撮記，寫到3月15，兩點四寫完🤗。

　　三點四十食完雞，上到大師，又係夜晚，輸左好多鋪，終於贏返

　　四點五訓。

跋：
今日收到燕子生命既電郵，入面有一篇牆內文章，好有同感，特此留底。

早前同朋友傾開偈，席間提起吳生最近「忙」緊溫書。朋友好奇問：
「其實喺荔枝角，都冇乜嘢做，理應時間比喺出面多，有幾「忙」呢?🤔」

呢個係一個好問題。

喺幾個月之前，吳生決定唔申請法援同埋開始考慮自習法律嘅時候，小編曾經請吳生多啲寫信出嚟，講下自己嘅近況。吳生當時講咗句好耐人尋味嘅說話😅：

­
­
「我知講出嚟都好令人難以置信，但坐監真係好鬼忙😅」
­
小編第一下睇到嘅時候真係頭殼都就嚟搲穿😩。「喺荔枝角可以有咩做呀😩？已經冇乜特別嘢要做㗎啦喎…😅」但吳生向來都唔係會搵藉口嘅人，佢話忙，應該真係忙，只係我理解唔到😅

其後小編喺一次寫文嘅經歷入面，終於明白到底佢口中嘅「忙」到底係咩意思—「無法掌控自己嘅時間」。

喺荔枝角嘅生活，一言蔽之就係「規律」，係完全按照署方安排嘅規律作息。規律按理係一件好事，但壞處就係冇得自己決定自己嘅時間點用。咁同「忙」有咩關係呢？
喜歡寫作同思考嘅朋友，應該對「廢寢忘食」嘅經驗好熟悉。呢種係一種進入心流嘅狀態，而只有進入到呢種心流狀態，先可以達到Productivity 嘅高峰。

而吳生嘅荔枝角規律生活，其實係每隔幾個鐘頭就有嘢要做—食完早餐，隔一陣就探訪食午餐，隔一陣就放風，隔一陣就食晚飯，基本上所有時間都打散晒。喺空閒時間啱啱開始集中精神，就要被安排做其他事。結果就係時間好似好多，但碎片化嘅時間就令思考同寫作變得無效率，而呢種無效率就係「忙」嘅感覺。

喺呢趟思考經歷入面，都畀到小編一啲反思：吳生而家嘅生活，同牆外嘅生活真係好唔同，亦都需要更多嘅換位思考先可以理解到究竟係一種點樣嘅生活。

­
­
雖然吳生而家要努力讀法律，應該比當時更忙，但係小編份人冇咩同理心😂，都係會煩住吳生叫佢多多同大家分享下佢嘅近況😂。大家可以繼續留意關注組嘅Update💛