20220328 撮記
早上四點二十醒，本打算起床，但最後都係攤係床上休息😂之後係Facebook 睇到吸管纏繞穿越小魔術教學。五點半返訓，十二點半醒，處理八鄉租田事宜，決定租到去出年七月，畢竟唔知今年旺角仲租唔租，如果唔租，就要諗點解決天台既植物，畢竟成個旺角，床可以唔要，廚具可以留比佢地，我D書＆衫可以拎返彩虹，然後無咩野係我買的😂本來無一物就是這意思吧～但是天台既植物係生命，無人打理會死的😣
十二點五十五落床，一點落街買雙餸飯，30蚊有蒸魚，咸蛋肉餅同椒鹽豬扒（新鮮出爐），CP值無得輸，一點一買完，一點二上樓。
今日好得閒，用左Ｄ心機，因為之前搵琴譜既網，示範音樂無得下載，於是我將成首榕樹下（北國之春）鋼琴版錄底左，先OBS 成段錄，再用shortcut video editor export成mp3 檔，咁我就可以一邊loop住一邊’入腦😎。
今日既新聞都係圍繞奧斯卡😂唔關獎項時，而係will smith 經典的一巴掌~
兩點三寫blog，突然係Facebook 睇到E篇文，《保護老婆，就是保護自己》，去到最後既兩段：
你再細心點看，Smith出掌後回身步下舞台，其實嘴角含笑——他應該慶幸自己得救了——到了坐在老婆身邊，他知道鏡頭對準自己時，才忽然戰狼上身義正辭嚴。畢竟是影帝。我的結論：Will Smith不是護妻心切，而是護膝心切。 轉念一想，歷史有多少鏡頭沒對準的真相，就像《傾城之戀》結尾的蚊煙香盤那樣，被我們一腳踢到桌子底下呢？
這勾起我既興趣🤣於是真係去搵《傾城之戀》出黎睇，仲專登Clip 左踢蚊香果一幕出黎😎小Case 啦~不過，我都係唔明文章中講既係咩意思😂我唔明踢蛟香代表咩，意境係咩🤣
張愛玲始終唔係我杯茶😂而且網絡差，一邊睇一邊lag，於是更好，我一邊睇戲一邊寫撮記🤗睇到一張圖，講32bit同64bit既分別：
之後又睇到Ｅ篇文，《創業人的時間，與平常人完全不一樣》，當中有個point 好中❗
a) 創業者的時間就是金錢。 b) 創業者每天開門迎客，每天都有支出，每天都要養活員工、養活自己，很多時候還要養活家庭。這種有形的壓力，時刻都在提醒和警示創業者：要賺錢，要有收入，要抓緊時間多做業績多賺錢！時不我待！ c) 員工所想的，普遍是“上一天班，賺一天的錢”，員工每天所想的是“收入、工資”，有回報無風險，旱澇保收！員工不會考慮“公司支出、欠債”！ d) 創業者不一樣，創業者每天所想的是“公司支出、公司怎麼活下來？公司要活下來，每天、每月要多少業績，多少利潤？”創業者活得戰戰兢兢，經常行走在懸崖邊緣！ e) 所以，創業者更珍惜時間，創業者發自內心地認同“時間就是金錢”。 f) 創業者深刻認識到：時間是有成本的，而且時間成本非常高！
隨著奧斯卡事件不斷發酵，隨左好多人遣責暴力同埋語言暴力外，有篇文《比起髒話，許多平凡的言語其實傷人更深》我都想趁機留底，因為好有意思！
六點四寫完Blog，寫到三月四號，Christian 話佢返緊黎，但又無咁快，我唔理，但拎左尋日Mani D 水樽返上天台先，然而仲落緊雨，不宜活動🤗。
於是落樓，彈琴，先warm up，彈串燒歌，天空之城(簡單)，天空之城(難)，Canon in D，高山低谷。我發覺好有用😂畢竟係最慳時間既溫故知新，機會得一次，又可以逼自己盡力彈，久而久之就會進步😎
之後彈summer ，總算彈晒成首，但仲差好遠，細心聽仲有一句粗口添🤣入唔到腦。
八點煮晚餐。八半Christian 返黎，八點八食豬扒排骨牛舌公仔麵，又係講講阿jack 同講淘寶🤣沒完沒了，九點一食完野。
九點九食雞，打機打到十二點三😼同Christian , Jimmy, Mani 打，Mani 玩左兩鋪就完。Call of Duty 入面有招技能，係放隻狗出黎，招技能既背景音樂好洗腦🤣Christian 於是用琴彈一次，佢話E個曲風係「Bossa Nova」，智商加一😎
之後我心有不甘，上網揾下傾城之戀蚊香既意思，但都找不到好解釋，看來只能意會了🤣即明既就明～但都有篇文我覺得有意思，《看《第一炉香》受的伤，被叶锦添版《倾城之恋》治好了》
今日介紹Mani 同Jimmy ，第一次online 打機😂英文台，我話Mani 果名「ManyMani」 可以用韓國game 「bunny bunny」黎記，易記好多😂但好明顯，Christian 同Mani 都唔明我講乜🤣唯有搵段片出黎緬懷下~
夜晚食完雞，睇Black mirror – bandersnatch，可以邊睇邊玩，控制劇情，玩到兩點訓。
臨訓前，都要上網爬下解說，如果唔係今晚訓唔著🤣
《《黑鏡：潘達斯奈基》互動電影攻略公開 一文睇盡五大主要結局》
《其實有 10 個結局！？黑鏡觀眾互動集《黑鏡：潘達斯奈基》流程攻略一覽表＋劇情分析與心得》
跋：
今日終於更新左2月28號既撮記，咁就紀錄左一個月了😂🤣唔知將來睇返係咩感覺呢。