20220323 撮記

　　八點鬧鐘call 醒，九點Mani Call 醒，九點四十出門，今天落雨，唔揸車，九點五十搭鐵。

　　九點五十五到深水埗，甫到公司，子良打黎，話佢要入方艙。。。。。。

　　我即刻幫佢搵D 懶人包連結。

【隔離攻略】必帶物品清單曝光竹篙灣、方艙醫院都啱用

一文看懂！關於方艙醫院你必須知道的事

　　1115買35蚊黃金早餐。

　　今日有個客整電腦，唐小姐，佢同Wilson 識左廿年，以前Wilson 係尖沙咀返工。

　　同子良傾電話，電話聽到子良聲沙，睇黎病得好重下~十二點整失業金，十二點半申請完，我照申報左自己有返而家E份工，不過返唔足工，睇下佢批唔批啦～

　　一點Eric 返到，交代左基本野，兩黠二走，兩點三搭鐵，去銅鑼灣on aite support ，約左三點。

　　Ｅ星期海賊王漫畫有核彈劇情更新，我見到都忍俊不禁🤣不論真假，只能說原來路飛係5月5日生日喔🤣同我一樣係金牛座呢~

　　兩點四十到，早到左，等一陣先上去，三點上樓，交低D貨，裝ram。

　　本以為輕鬆job😂點知道開唔到機，hang左🤣一見到E個畫面，就知道出事了😫

　　最後我要成部機拎返深水埗，四點九走，四點十一銅鑼灣搭鐵，五點三到深水埗，五點四到公司，做個Harddisk regenerator，留番聽日處理了~

　　子良分享左，佢係港珠澳方艙既相，無錯😂佢已經入左去，唯有當體驗下囉～

　　我今晚要去Mani 爺爺白事，所以食定晚餐，六點三落樓買晚飯，六點四買65蚊燒肉鵝飯。六點半返公司食，六點八食完，夠鐘離開了。

　　六點五十深水埗搭鐵，七點九龍塘轉車，轉車時，諗起以前陳震夏實習，係一段對我影響頗大既經歴，有少少觸景傷情添🤣。

　　七點三到紅磡地鐵站，七點五到殯儀館，七點半入去靈堂。

　　甫入去，見到邱爸爸邱媽媽，正巧家屬要出去做儀式，我坐埋一邊，Mani 排後面都見到我了。五分鐘之後，佢地返番黎，Mani 叫我行多次正門，要鞠躬家屬謝禮。

　　之後我坐好，幫手摺下金銀元寶，未幾，八點，準備過橋，道士叫大家去定洗手間。

　　儀式開始後，我比姑姐叫左去幫手，同Mani 表姐男友一齊燒紙錢，佢地係大廳中間走儀式，我係Mani 爺爺隔離燒紙錢。真的想不到，第一次見Mani 爺爺就係係殯儀館（第一次見Mani 爸爸係係差館😂），只能說，是緣份吧。

　　我Ｅ個位置很特別，正常情況下，白事你唔係做家屬就係做嘉賓，你一係係台上，一係係台下，而台上專注表現，台下則專注睇表現。而我呢，一邊燒紙錢，一邊可以睇表演，又可細心觀察喃嘸佬點做野，又可以細心觀察成個場地佈置。甚至連Mani 爺爺既裝扮同設計我都有一個鐘去了解。

　　由於防疫政策，殯儀館九點半要關門，所以大約八點九時，我睇到喃嘸佬收人工，幾舊水一晚。當見到Mani爺爺遺容，很安詳，不禁心諗今晚主角是誰，一場大龍凰，做比邊個睇？

　　去到最後，師傅要求眾家屬一齊唱歌，儘管是潮州話，等我總覺得自己聽過，很熟悉，識得哼出黎的，有點像《酒矸倘賣無》的。

　　打齋打左成個鐘，九點三完事，散場後食左粒糖，捐左個吉儀佢。Mani 不約而同都同我講起最後唱果首歌😼我決定返去搵下先。

　　九點半大家走，我遮Mani 返紅磡，然後我去黃埔搭鐵，十點二上鐵。

　　十點二十返到旺角。終於唔洗揼雨了😆

　　返到旺角，我Google 下潮式殯儀，嘗試搵返個首歌出黎，畢竟咁入腦，可能經常會係殯儀唱的，應該係一首經典歌黎。

　　歌就揾唔到，但都搵到好多周邊知識😎我search 晒咁多首歌，無一首係😂

在葬礼上推荐的歌曲有：《哀乐》（葬礼进行曲），《大出殡》，《哭皇天》 ，《苏武牧羊》，《西行的平安路》，《汉吹曲》，《十跪父/母重恩》，《哭别曲》，《千张纸》，《心中的阿尔金》，《哭七关》，《苏武牧羊》，《烟花叹》，《青天歌》等，此外，现代流行歌曲例如《走吧》，《父亲》，《母亲》，《让我再看你一眼》等，也适合在葬礼播放。

潮州白事习俗与不可思议事件

潮汕白事習俗,潮汕白事習俗 50

今日揾到首最似既歌，但都唔係，不過係E隻Feel。