20220319撮記

　　七點醒，上天台淋花無沖涼，七點七出門，七點五十到尖沙咀。

　　今日第一次對真客😎八點導賞，天氣有Ｄ Foggy，八半搭船，搭錯船，去左灣仔，八點七到灣仔，sum up ，八點四十完。

　　之所以會去左灣仔，應該係早左一個路口上樓梯😅而我當時順住講緊Indian parsee, 40min past, 然後又好順咁兩分鐘上船。不過船程長左，講多左少少covid ，都收得清，我少少緊張，算比面😆Keep 住我問佢答。而且個客會問問題，比如點解D樓咁高，船費幾錢美金，最後我問佢any questions ，佢會問仲有無其他experience in aws (我正打算留到最後introduce)。
　　佢有問日頭無咩人，夜晚會唔會多人D，我話covid ，少左tourist ，夜晚會多人少少，但差不多～

　　小丸子send 左佢地理達人既成績，有517分！果然係小丸子。

　　九點灣仔上船，九點二落船，見到太空館，令我諗起哈姆太郎，往事呀～只能回味吧

　　九點半到旺角，朗華對面茶仔，買34蚊豬扒蛋麵，九點五十返到，上天台，食左早餐。

　　蕃茄好紅了😍

　　十點四操體能，做左40下掌上壓，痛，做唔到，之後做1分鐘plank。

　　十點七落天台。發現大門鎖匙斷左。。。。。。🤣

　　拍門，打比Christian ，終於開到門了，好彩，拎螺絲批 ，拆匙膽，落樓下五金買新匙膽，十一點三搞掂😎我都有少少suprise點解自己第一次就識整，可能係因為以前彩虹維修得多。

　　沖涼洗衫，十一點七返房hea ，十二點四洗完衫，十二點八出門，十二點九開車，一點到紅磡，配20蚊匙，前後68蚊搞掂鎖頭。
　　亦趁此機會，研究下鎖頭原理😎。

　　一點四 Mani 到，一點半去時新，買210蚊漢堡包。

　　兩點二到旺角，Christian 彈琴，講爺爺，爭家產。兩點五十上天台，同Mani 整理下農務。

　　三點一生活書院zoom，無太認真聽。

　　今日jasmy coin爆升80幾%😎只能說crypto 真的是一場數字遊戲~

　　上Facebook 睇到有篇文講《挪威的森林》，入面有一句我覺得好中❗羅曼羅蘭說過：世上只有一種英雄主義，就是看透生活真相後依然熱愛生活。

　　五點半上完生活書院。睇YouTube ，有個新YouTuber茶里，介紹廣東話粗口，睇boomba，六點三同Christian Mani 打機，睇點cook guide。

　　之後同Mani Christian食雞，七點八上天台收蕃茄，七點五十走，八點二到紅磡，睇華燈初上。十一點一走，十一點三開車，十一點七到旺角。

　　沖完涼，打高達，彈高山低谷，打pubg。

　　兩點半打完機，食雞率100%，Mani add 左好友，但join 唔到🤣。

　　三點訓。