20220316撮記
九點醒，九半沖涼，九點四十上天台淋花，九點四十五出門。
九點五十三分開車，十點一到深水埗。十點四十叫左35蚊黃金外賣早餐。
有篇新聞，講俄羅斯有電視台編輯係新聞直播期間反戰，想講佢既勇氣真的比打仗既士兵更高。
這是一個需要勇氣的時代！
十點十一落樓下拎早餐，火腿奄列肉丁麵，熱檸水，無得輸，成個人精神晒😎。
上網睇到有篇文講追風箏的人，這是一個好故事，有機會我都要重溫❗
今日比較空閒，問Eric 拎左劉生之前放低既跑馬software ，原來都不過如此😂我係Agileexlab 仲做得Pro過佢🤣
冷知識，原來棒球開球可以咁開🤣《【中職話題】你印象中最深刻的中職開球嘉賓是哪一位呢？！》
寫陣撮記，五點就收工。五點五到旺角，Jimmy 上左黎。佢明天都要cheat mid term。
吹下水，咁Jimmy 黎左，我就費事搞咁多野，於是我開TeamViewer整報價單, 寫7 月24日記，而Christian 則教 Jimmy 揼code。
八點返旺角，買左47蚊米線，同Jimmy。佢諗住change major and university，所以黎緊暑假閉關。而我則建議佢揾internship 。
之後Christian 同Jimmy 係樓下打FIFA，我上天台metime。
其實Christian唔識做人，無同我講就帶人上黎，咁萬一我今晚要開工寫網頁，咁咪抄晒地方。然後為左食回憶用晒成間房玩Fifa ，而我唔玩Fifa 的😂就好似我唔會係佢係度既時候練琴一樣。Anyway同人住就係有ED磨擦，畢意我帶人上黎用天台既次數最多，我都唔好意思講咁多😼互相尊重就算~
順理成章，九點五我上天台Hea ，同行甲乙丙今日入左信比我，我上天台睇信，睇到改篇既歌詞，真係會心一笑🤣
之後睇fb ，打下機，睇到原來歐洲最有錢既國家近E一百年既變化係咁~
之後子良打黎，於是同子良吹水，傾傾下計，分享下近況，勁大隻老鼠行過。九點四十落樓下，仲打緊fifa，最後一局，九點五十 jimmy 走。
我沖涼洗衫，温導賞。然後拉爛左洗衣機果蓋😂最後整得返。
上面阿叉又吸毒嘔，夜晚同Christian睇異形，順便温script，睇到一半，發覺唔係異形黎😂原來係《深淵異形》。
一點二睇完戲。返房。
樓下唱K，勁嘈，Christian頂唔順揾我🤣我甚至聽到樓下有人屌鬼。我唔理咁多，明天要早起導賞，兩半訓。
