20220311撮記
七點四醒，八點沖涼，八點三開車，八點五到，八半開始導賞，九點三導賞完，中環搭star ferry ，九半到尖沙咀。九點八開車，十點到深水埗。
拎左PE 手指，學左crack password, hdd regenerator, ram scanner。
上Facebook 睇到有隻貓係跑步機上跑😂好得意😼
一點出去買飯，一點一到Fast taste 買58蚊西冷扒。
今日比較靜，食完飯上YouTube睇fate，一次過補完了fate zero/ stay night/ UBW/HF。
此前，我係從來無玩過＆睇過任何同Fate 有關既事，只係睇過Facebook 偶有彈出黎既燃視頻，今次算係補完了對劇情的了解，亦慳返予我的時間，畢竟，除非我想學日文，否則應該都唔會睇了😎。之後有Feel，睇埋JOJO。
全日都無咩call，臨到五點關門之時，Lapco 打黎，又勁煩，我出於好心幫佢整埋remote access。
問晒Peter, Eric 最後都係未搞到，因為我teamviewer 連唔到🤗五點五十收工，六點一到旺角。繼續睇JoJo。
上一上天台，睇下植物，粟米睇黎都種唔起，差不多要收了～
七點九出門買晚飯，買76蚊鴨腿湯飯，第一次食，係廣華醫院果邊，拎外賣時有幾隻老鼠係天花板走過，吱吱吱咁，勁大隻，老闆娘見我地好冷靜，同我地分享滅鼠費幾千蚊。
返到去繼續追JoJo，九點半有生活行者善食既zoom ，講食物的資訊，食物的真相，黎緊四五月既活動plan 可能係封城時紀錄生活，食D咩。
問Christian 信唔信有靈魂，佢反問我信唔信有鬼。其實如果受過訓練，第一下就會反問靈魂的定義。
十點半沖涼，沖完返房，一邊溫導賞，一邊睇JoJo，十二點九訓。
跋
今日睇到一篇文章，標題係「科學觀察「好運人」的生活：不需靠迷人外表，靠一種「規律」」，入面有很多point 都很值得參考，比如:
- 運氣的好壞，有時和「自制力」很有關係。
- 養成關注的習慣，久了必定能獲得各種幸運紅利。
- 能夠規範自己的行為，你就能創立幸運機會並善加利用。
- 自制力也像信心一樣，都是只會增加運氣的人生必備工具。
- 心理學家使用縮寫OCEAN：經驗開放性（Openness to experience）、勤勉審慎性（Conscientiousness）、外向性（Extroversion）、友善性（Agreeableness）、與神經質（Neuroticism）。
另外又有另一篇文，標題係「一位退休補教名師告白：過去的我很殘忍，靠十年淨灘人生與過去和解」，講述台灣補教名師的心路歷程，他說：「補教行業為了錢，就是秤斤論兩把成績提升，但真正的教育，應該不只是教學生數學讓成績進步吧？師者還要傳道、解惑，那時我每天都不快樂。」，而佢40歲以後，體悟人生不該只有一種形狀，他種菜，淨灘，撿廢棄物再利用😂我心諗，我20年無教書後好似就係咁🤣
不過想紀錄的係「心流」，當人專心做一件事情，會忘記時間，忘記煩惱，產生正向情緒。淨灘，讓他在每一個彎腰撿拾揮汗的過程，產生療癒的作用，幫助他忘記補教業的痛苦，也成了人生轉折。看來「心流」也是我要好好練習的一件事。