20210310 撮記

　　九點二醒，九點七沖涼，手帶無電，唔戴叉電，九點五十出門，九點十一到旺角雅蘭，今日幫大eric 裝線。

　　Eric 未到，我上下facebook，睇到Ｄ好搞笑既Meme 圖😂

　　十點二上10樓，成層都係眼科診所。之後就跟大Eric 學裝線，有Ｄ術語，對我好新鮮，比如骰仔（lan線駁lan 線adapter)、水晶頭（lan 線頭）、穿線帶，等等。

　　全日工作就係睇地圖，同裝修師傅夾，然後將lan 線穿入水喉管，從server 房延伸至四方八面，好方便之後既電子儀器安裝，比如電腦、CCTV、電話等等。當用穿線帶時令我諗起以前玩420 帆船時，支Mask 要穿D 繩入去，根本異曲同工～

　　由於我無打針，費事堂食，於是十二點三落去買外賣，十二點五到大家樂，此時忠叔打黎，揾我幫佢整八達通，佢想申請消費券，想你整左50蚊成人八達通，抄低號碼，然後拜山/寄信比佢。

　　十二點九返到旺角雅蘭，快食。睇左一篇Facebook，勁大隻老鼠😲成隻狗咁大隻！留言話係南美州既海狸鼠。

　　之後繼續開工，前前後後set 左起碼廿條線。五點半停手，大Eric 同裝修師傅傾星期六既喉，六點三收工，應承左幫陸爸陸媽七半送晚飯，但做左成日野太肚餓🤣六點四買左49蚊KFC。六點七返到旺角，六點十一沖完涼，洗衫，食KFC晚餐。

　　回一回氣，一開Facebook 就睇到E張圖😎。

　　七點五係旺角叫定彬記外賣，七點八到彬記，七點五十到彩虹，八點彩虹走。換左風䄛，床單，拎左橙，陸爸陸媽拎左政府檢測包。

　　八點係陸家走，條呔爆晒，八點二到九龍灣油站，打呔氣，剛打完又爆，勁快。
　　Google 附近既車房，得土瓜灣一間叫一角工房既收十點。於是八點半到一角工房，補呔。師傅驗完，舊呔爛左邊，要換，最後換呔，1450蚊。

　　師傅有紋身，幾靚的，而且係黃絲，手機殼睇得出。成間鋪價錢算合理，而且明碼實價，加上有埋電腦record，最後仲WhatsApp比invoice我，算係幾專業。
　　九點一走。九點五返到旺角，洗衫，洗埋手套，2213搞掂晒。
之後彈陣琴，十二點教Christian python，佢要scrap data ，之後温導賞script 。

　　夜晚街上有人屌老母，訓得唔太好😂

　　一點半訓

跋：
今日報名GCP 既tutorial, 上agileexlab 網, 發覺Peter 已被炒。