20220226 撮記

　　五點醒左轉，八半醒左轉，下午一點九真正醒。

　　兩半陸爸打黎，兩點九沖涼。

　　上天台，比人偷野，椏拎，喼，黑色防水袋。

　　三點四出門，三點七到彩虹。
　　因為Christian 有武肺，所以我避開陸爸陸媽出門既時間，屋企無人我先返。當然，臨出門時我都有驗一驗快測～

　　返到彩虹，好肚餓，未食過野，於是去雪櫃咬啫喱同繽紛樂。然後洗衫整電腦。
　　四點三陸爸陸媽返黎，我幫阿媽set Google AC。同步後發覺有我以前Year 1時既書籤，順便清左佢，畢竟這是陸媽的AC。
　　陸媽分享左廖仲愷，廖承志比我聽。佢地既人生十分複雜，只不過我有時會想，廖仲愷如果沒有被刺殺，廖承志應該不會加入共產黨的，那應該有很多人和事都會改變（蝴蝶效應mode 😂）。
　　收到左Helen 寄比我既信，十分開心😆畢竟細心既女仔我見得多，有的會留意我轉左眼鏡，有的會留意我的傷疤，有的會記得我講過既故事，但會有心寄白爛貓比我的人，實在難得😎

　　Set 好左電腦，之後訓左陣，七點二走。帶左D晚飯，七點七到旺角，七點九到五樓。
　　食完野，鋪床單，2125沖完涼返房。今日好攰，心好累，被人側野，十點就返房訓。

跋：

　　今日唔見左個英國Musto 袋，就同當時唔見左北歐手套一樣，隱約無左一D回憶，追唔返，有點痛。

　　其實就好似廖仲愷廖承志咁，我有時會想，我之所以會搬個喼同袋上天台，就係因為我當日間房有老鼠而做大掃除，而如果當日我有拎返落黎既，就算比人偷野，都只不過一些身外物而已，更何況之前已經買了CCTV，只不過大陸卡係香港用唔到，如果一開始買一個岩既CCTV，就已經搞掂左，就算CCTV係廢的，如果一早裝上天台，個賊見到心虛，可能都已經唔會比人偷野。

　　人有時就係咁，有拖延症，事不關己不上心，安於現狀，這些心態實在太難根除，知易行難，就是這樣。