20220224撮記

　　七點二醒，八點一醒，八點半出門，八點七到油麻地搭鐵，八點四十到尖沙咀。八點五十二J2出口出，到星光大道。

　　九點開始導賞，行一次，李小龍，麥兜，observation deck ，搭船，完。今日係第一次導E條路線，主要都係了解為主。但一想到可以一邊搭天星小輪一邊導賞，便覺得十分奇妙。

　　買45蚊佳記早餐。十一半返上旺角五樓。

　　今日俄羅斯宣佈侵略烏克蘭。

補充報導：
#俄羅斯 #烏克蘭 #軍事行動 #全面入侵 #國際要聞 
美國國防部早前警告，駐烏俄邊境的俄軍已進入戰爭狀態，可能於短時間內入侵烏克蘭。美國駐聯合國大使指，俄羅斯亦已封鎖烏克蘭空域，並於昨日入侵烏克蘭互聯網，攻擊國會在內多個政府部門網頁。

烏克蘭於昨日正式啟動預備役及宣布進入緊急狀態。烏克蘭總統於全國電視演說中強調，烏克蘭渴望和平，呼籲人民團結。

分析指，假如俄羅斯全面入侵烏克蘭，將引起自第二次世界大戰後歐洲最大戰事。

詳細報導：https://www.nytimes.com/live/2022/02/23/world/russia-ukraine/ukraine-russia-invasion
#NewYorkTimes

　　想起自己19年去過烏克蘭，當時的我其實無深入研究烏克蘭的政治和歷史，極其量都只是在Chernobyl 了解下當時幾咁大件事。

　　亦有另一單新聞，有關懲教鎖倉。

懲教署因應疫情發展延長暫停在囚人士親友探訪安排
＊＊＊＊＊＊＊＊＊＊＊＊＊＊＊＊＊＊＊＊＊＊＊＊
　　為防止2019冠狀病毒病在懲教院所蔓延，懲教署於二月十八日至二十七日在懲教院所實施「鎖倉運作模式」，期間利用各項措施，包括快速抗原測試及採集深喉唾液樣本，成功偵測到多條病毒傳播鏈及懷疑個案，並將相關個案隔離。由於相關偵測工作仍在進行中，相信在未來數天，仍會發現感染個案。根據醫生的醫學意見，現階段「鎖倉運作模式」仍需繼續，以有效減少監獄內的流動和接觸。為此，署方今日（二月二十二日）決定延長暫停親友探訪服務的安排至二月二十七日，並會適時檢視有關安排。
　　
　　原定於二月十四日至二十三日期間每名在囚人士可獲准接收認可交來物品一次性的安排，亦會延長至二月二十七日。

　　返到旺角，今日係Arduino 上堂的第一日，開左Whatsapp Group，有D 事前功夫要準備，整理一下蒲窩既Message，順便食早餐洗衫，順便洗埋堆積好耐既酒樽🙄。

　　難得今日好天，又得閒，幫植物們好好淋花，應該好快就種新野，在此留個紀念。

　　蒲窩 Jack 係 Whatsapp Grp 上Post 左E 個Facebook Video，又真係幾有趣喎，我都唔知答案，希望上堂既同學仔有興趣啦～

😂 btw this is interesting
個答案係乜

https://fb.watch/bmPqFJyGCo/

　　上完天台，落樓下開工準備，忽然見到鎖匙包上的子彈鎖匙，又令我諗起烏克蘭，根本不論誰勝誰負，一場生靈塗炭係少不免的，更重要的是，仇恨不會憑空消失😢。

　　係樓下打開電腦，Hea 下Hea 下就算，睇下新聞。

　　睇到港大醫學院對疫情既評估，睇黎今鋪想唔中都幾難。

　　亦睇到基輔發生爆炸，有時Ｄ野話黎就黎，完全唔等人。

　　亦睇到疫情下做公務員的Advantage，一個不合理既人工十分合理地出現，這就是香港。這正正是為什麼牛市無人打政府工，熊市大部份人都加入政府，所以基本上打唔打政府工，可以說得上是你對未來係悲觀定樂觀～

　　同Christian 吹水，亦講起Wordle，佢唔明點解咁多人玩，我唔同佢解釋同糾纏，畢竟鍾意就係鍾意，無興趣就係無興趣～不過我都Share 左原來可以cheat 個database ，的，當我係佢面前用兩次就crack 到時，睇得出佢心裡係有astonishment🤣 一理通百理明，佢亦教翻我點樣係browser 入面搵答案，咁樣就唔洗download 成個page。