20220211 撮記

　　九點醒，十點一到深水埗，整一整Quotation，覆一覆Email，十一點半離開，今日要去葵芳，粉嶺同上水。

　　睇到谷愛凌對恐懼既文章，我覺得好有意思，係上層人既思維。

利用「想像法則」回歸本心，谷愛凌一邊在心裡觀想華麗完成比賽的自信與成就感，從而對即將到來的未知比賽感受到興奮，她將這種虛實交錯的狀態稱為「化境」（The Zone）

對此谷愛凌直言，這必須要靠經驗累積、使自己逐漸放開「用外部價值證明自己」的慾望，這取決於是運動員要對自身的「存在」擁有信心

　　我覺得重點在於腦海內rehearsal 的能力，如果任何事都可在腦內幻想，那麼便會事半功倍，可惜的事，當我們無所事事時，腦袋不會自己去轉。而有些人，佢地能夠控制腦袋的思想，便越有效率，便越成功。尤其是創意工業，相信很多imagination 其實都係平時的白日夢中取得靈感，畢竟如果你７x ２４都在刻板工作，你是沒有時間去思考的，這亦是社會害怕人群思考的主因，尤其窮人，所謂越窮越忙～

　　十一點五十到葵芳，上12樓同40樓，好快例檢兩部電腦，然後十二點半走，去商場廁所回氣(應該係尋晚食太多😅)，順便整Google map list，有預感我會去好多地方，有條理咁mark 定好省時間。

　　一點開車，一點七到粉嶺，食46蚊薩利亞，兩點食完，打多陣機，兩點四埋單，兩半去整機，三半整完，要reset account，叫佢email black and white confirm。之後Bonnie 打黎，話下次可以直接call 佢問清楚。黠都好，我幫佢其中一個ac reset 左，純粹Create 一個新AC and remove old AC only。Remarks : Create ac ，用empty password 先，避免安全問題。

　　三半粉嶺走，三點十一到上水，上去好快，開始做熟，四半走。五點五到旺角。

　　淋花，hea 陣，我上天台時，樓下女人上門，入埋黎，搞到Christian。

　　今晚Christian 去Con 會，我拎埋尋日食淨既菜，六點一出門，六半到紅磡，同Mani 玩overcooked。食左雲南雞煲，之後打牌玩poker，玩poker每人五百蚊本， 我同Mani本身輸，最後一round All in 變四百五，十二點走。十二點四返到旺角。

　　一返到去，自然地打開房門，放底頭盔，除下大褸，本身已經好攰😆仲猶豫緊今晚開唔開電腦。點知😱我見到有隻老鼠係我間房出黎❗飛快地轉入廚櫃底下，遁去無蹤🐭我當刻既心情跌到落谷底，好無奈好攰，本身想訓一覺了事，畢竟聽朝中要入田。但真係過唔到自己果關😂於是一點開始大掃除，將房入面既架拎出廳，上格床既垃圾扔晒佢，床底既袋同行李箱洗一洗後拎上天台。

　　將所有野抹一次，開一桶１：９９既滴露，順便洗埋衫，去到三點二，終於搞掂😎！

　　雖然仍然周身唔聚財😂但一想到其實不嬲都入過我房，因為我門腳有一條半隻食指咁闊既罅😂今次係一個機會，比自己做大掃除，仲可以順便拖埋廳既地添。三點半訓。