月份: 2021 年 10 月

20211012 撮記

　　七點四十醒，沖涼，八點一出門，八點二開車，車埋Christian，八點四十泊好車。得知Kris 返太古坊，Christian 返港島東中心。

　　返到去，整JavaScript。係Array 入面既reduce, map 到，花左好多時間去理解。之後十一點半叫外賣，今次食丸龜製麵，60蚊。叫完外賣，十二點二出去同sean打乒乓波，十二點半食lunch ，因為天文台預計會打8號風球，所以午飯後老闆決定放早，一點二收工，一點四開車，行錯左兜左去小西灣入東隧。兩點一到旺角，我樓下無位，泊左係東安街骨位。

　　兩點三返到去，訓，訓到六點一醒，甫醒，陸爸打黎話佢已經係油麻地，叫我落黎拎水果同埋比D污衣佢拎返去洗。我本不想落（人未訓醒😅），但佢既然有心，我都喇喇臨準備好落樓，六點三出門，六點五交收，比左污衣陸爸，拎左蛋卷，香印提子，香蕉同柑，仲有芝士腸，六點八返竇。其實都係Make sure 我過到好食我飽啫😂

　　我先準備食材，因為要等肉溶冰，那我準備好後就順理成章玩電腦（反正我不餓ＸＤ）。

我本打算做exercise，但無心情，於是back up 手機file，本只打算back up 相機相片for 撮記only，但一時心血來潮，決定清機，我拎晒Ｄ相出黎分類，尤其分類Meme 圖。我發覺我真係save 底左好多meme 圖，勾起我很多回憶。比如Ｅ張：

我覺得真的十分高質🤣

又比如E個，看見就莫明地識笑😂

　　九點煮野食，我發覺經歷了這麼多，自己的廚藝都還好吧～

　　食完飯，繼續分類，我搵到E段片，感覺好懷念。係我一月做左AI Dance 之後自發去學整的，當時我覺得好開心。

　　同時，亦十分開心Mani 幫我整LanLanCat Name Card，超讚的💖

　　去到凌晨，仲好精神，我整理好成個手機既相，暫時只欠telegram 同 whatsapp 兩個大佬既相未處理，一個folder 有成萬張相，只能back up 不能分類。

　　去到兩點，我打緊十號既撮記時，忽然心血來潮想試下滑鼠連手機，估唔到真係得！（詳見撮記跋）

　　之後我打返之前積落既撮記，打到凌晨五點零五分。今日８號風球，當然要上天台感受下，其實無咩打風感覺，反而係太陽能燈無著，要睇睇咩料～

　　五點三收筆，調較鬧鐘，明天又返工🤗

20211011撮記

　　七點鬧鐘醒，禁熄左😆七點十一比Christian 叫醒，沖涼食Christian 撈麵（超好味！），八點四出門，揸電單車，見到交通警捉人，八點半入紅隧，八點五十到太右城20F，同danny 同𨋢。

　　今日需要self learning，所以輕鬆，但眼見大家都好比心機去學，感覺仲chur 過返工😂

　　今日既highlight 就係學用notion。我下載了whatsapp、signal同TG既desktop 版，然後仲有MS office 365 ，同埋Notion！Danny 有句說話我覺得好有意思：「開始習慣唔好用word 黎記事，因為word 唔Portable。」老實說，以前讀tecky 時用word 記下既notes 都無睇過，但係每個project 既markdown file 就真係十分有用。所以我都要開始習慣下用markdown 黎jot notes!

　　同埋😂用markdown好似睇上黎好Pro 咁🤣

　　今日做javascript 既exercise，做得唔多，全日做左５個，但係，我花了不少時間jot notes，這我真的要讚讚自己，假已時日，一定可以儲到好多知識，我好希望我既notion 可以做到好似Danny咁！

Vincent_Luk

　　十一點八，Allen 叫外賣，大圍一齊嗌，我叫左48蚊zeppelin 熱狗，落左order 後就落樓下開車（實在驚被保安鎖車😆），兜左去油站入油，139蚊6.89L，之後兜左成個圈，都見唔到車位，最後決定泊係鰂魚涌公園，Ｅ個位已經係十分理想了，當然今朝公司樓下如果唔抄，就完美啦🤩

　　十二點二十上返公司，出𨋢撞正外賣員拎住我地D熱狗，我幫佢拎埋入去，等佢可以快D搭𨋢走😊畢竟我做過我明白~

　　五點五十收工，搭十一收到Order接收工，於是我兜去小西灣，六點三到。接左Mani後六點十到紅磡，六點十一開車走。

　　今日約左俊叔，七點四到貨櫃碼頭接佢，車佢入屯門。佢而家揸20噸車，八百蚊日現金出糧，朝八半晚六。佢訓契大佬家。佢以前住屯門鍾屋村劏房，而家住契大佬貨櫃屋。我同佢先去雅珊園商場比佢拎眼鏡，之後去附近大排檔食360蚊小菜，叫了水煮魚、啫啫雞煲同椒鹽九肚魚，將椒鹽九肚魚浸係水煮魚個湯內，十分好味的喔！

　　我地傾一傾舊事，又講講近況，期間佢二任老婆Zoe有打比佢關心佢，我有應機~之後我車佢返唐人新村的貨櫃屋，勁隔涉！入到去我地食左榴槤😆係人情味超好味，而且係果榴槤竟然六十蚊only～

　　俊叔擔心我遠水路，而且佢可能尷尬比我望佢既竇，所以佢好快就催我走，我去廁所，同時亦睇睇佢訓既地方，同《一念無明》中曾志偉訓既房差不多，但起碼唔洗比錢交租！已比好多人幸福～

　　我十點三開車走，行大欖十點九已經返到旺角，仲報平安添😎　　

　　一返上竇，Christian 已經開住youtube 做緊TIIX ，我settle 左自己D 野後，同佢一齊做左陣。好搞笑😂兩個麻甩佬係個廳內，淨係著住底褲，跟住Youtube 的 trainer去操😁

　　做完十一點半沖涼，好攰😴返房好快訓。

跋：

今日返工自然有時間玩手機，我實在不習慣咁樣長坐😂

望到E篇文，我諗起ad-linkage，係一個好特別既體驗，比我taste 到仆街老闆係點做。

新同事人工多1千！網民呻心理唔平衡如何應對同工不同酬？

另外，教局發出指引，中小學明年起須每個上課日升掛國旗。

https://news.rthk.hk/rthk/ch/component/k2/1614693-20211011.htm

上月立法會通過《2021 年國旗及國徽（修訂）條例草案》，教育局今向全港中小學和幼稚園發出通告，要求學校由明年1月1日起，於每個上課日，以及元旦日、七一和國慶日升掛國旗；學校如有足夠旗桿，升掛國旗時應同時升掛區旗。此外，學校須每周舉行一次升國旗儀式，儀式中須奏唱國歌。另外，教育局「強烈建議」學校在重要日子和特別場合，如畢業禮、陸運會等，舉行升國旗儀式。

教育局發言人指，幼稚園在條件許可下，應盡可能參照上述規定升掛國旗及區旗，以及舉行升國旗儀式。教育局亦鼓勵國際學校及私立學校參照規定，按學校的實際情況作安排。

另外，教育局今日已致函專上院校，提醒院校同應參照上述指示，處理升掛國旗及升國旗儀式的相關事宜。

我雖然已離開了教育界，但係望到E單新聞，都不禁概嘆變得好快～

最後，我係FB睇到E段片，覺得好高質，所以留下存檔吧～

20211010撮記

　　今日雙十節，屯門紅樓有重兵屯守，街上無慶祝氣氛，但好歹雙十都是近代中國史上重要的一天，自然要消費一下，點知平時不消費，一消好Ｑ貴，今日買左好多野😆

　　十一點四醒，沖涼，約陸爸Mani 飲茶，今日任務：１）要比袋污衣陸爸；２）要買Vans ；３）smart casual 衫。

　　醒左都係好唔精神，成隻湊仔貓咁😂好想繼續訓。

　　同Christian 打鋪機，十二點出竇，去錯左雅蘭稻香😅，搭五到荷里活中心稻香。講一講我上星期五返新工既野。一點Mani 到，食一陣野，兩點埋單，244蚊。
　　去旺角朗豪坊uniquo，買1450蚊uniquo。1506放上旺角竇。陸爸同Mani 係樓下等。成件事好唔順，下次應該先去尖沙咀買左vans 先，再返黎買衫。

　　三點四搭6號巴士，搭七已到尖沙咀the one。
　　上去買450蚊Vans。四點三食瓏門冰室，四點九走，埋單122蚊。四點十一送陸爸搭5號巴士，1700去科學館，諗住睇展覽，但要網上登記，無晒位。有點可惜　　

https://hkscm-pixar.com/zh/event/the-science-behind-pixar/1/805

　　歷史博物館香港故事都開返，不過我無興趣所以無入，加上仲要去紅磡呢～行到去紅磡已經五點半，係黃埔街配匙，30蚊兩條。

　　隔離有間outlet，行左陣，六點買左236蚊恤衫。Mani 都買左兩件女裝衫，幾時髦，佢鐘意就好。大概每個女仔心裡都會想裝扮自己變靚，但男仔呢？以我觀察，身邊都幾多男仔係無花心思裝扮自己（難道這就是所謂毒男？其實我都係唔裝扮自己的😆），我覺得Ｅ種想比人見到自己欣賞自己既欲望其實不大，甚至有種你鍾意就黎唔鍾意咪走既「有麝自然香」心理😂所以我真係好想研究下男女對外表形象既心理學。

　　之後去隻船到行十二蚊店，行勁耐，我悶到去望日文，望到一包貓砂，寫真我記得，但イメージ係咩真係唔記得，Google 下就知係images ，成句係「寫真係image」 ❗❓唔明。

　　之後係樓下買左150蚊 L&M 私家碗碟。七點七到Mani 家。十點四走。

　　無揸車要搭鐵返旺角，發覺去旺角應該去黃埔搭，但去了紅磡站😥算了。決定旺角東落車。十點七旺角東走，十一點到竇。

　　返到去同Christian 打機，打到凌晨沖涼，凌晨搭九開機揼code。揼埋credit card 既html form 。
　　同Christian 打拳王，打幾鋪後佢輸打贏要，係我贏果下quit game，於是我有我揼code ，佢有佢打Fifa ，我兩點二做完，返房，打高達機，jot 返日記，兩點九訓。

跋：

今日飲茶時我睇到Ｅ張圖，心諗真唔真呀？係咪ｇａｇ圖。

過兩日我係竇打撮記時，抱住好奇心態一試，竟然得！？😂智商加一～

20211009撮記

　　今朝十二點醒，一醒就已經收到話打8號風球，小丸子很好😆知道我新屋入伙，問我要唔要舊傢俬。

　　因為打風關係，唔洗去生活行者，係竇到玩手機，兩個house mate 今日返黎訓，Kris 約兩點已到，佢要做master 既assignment ，用R語言揼program。
　　我煮我既營多撈麵同炒蛋，勁香。之後沖涼開機做exercise。(老實講😂如果唔係Kris 係度，我應該仲hea緊…….)。我將exercise 既內容jot notes ，難得有機會，就要讓自己好好温書。

　　今晚諗住打邊爐，但無煲，用電飯煲放上電磁爐竟然唔得！？明明我屋企可以的～

　　之後我整html form ，pick up 得很慢，但開始記得打code 既感覺，亦趁此機會好好惡補下regular expression，畢竟這些是以前見到會避開的東西。今次好好下定決心去學習。

　　比如regular expression 既Online generator ，只要學識睇，就可以好快gen 到你所需要既regular expression。很實用！

　　五點半同kris 出竇，落勁大雨，去左日本城買215蚊煲同拖版，仲有一支辣椒醬（因為買三件有八折，仲比左😎）。然後竟然佳寶有開！？我地買左385蚊肉同丸，之後kris 拎野上去先，我去惠康買220蚊酒水同菜。

　　1815返竇。之後等Christian 返，我做exercise ，Kris 開YouTube 聽歌（佢話要了解世人既口味所以播Mirror D 歌，但結論都係唔識欣賞），最後我介紹左房東的貓，佢話佢prefer 快歌。
　　等到Christian 返黎，2100晚飯打邊爐。我地一邊睇Annabelle，一邊晚飯😂。

　　之後PS4 終於可以打FIFA了，我唔識玩，係咁比人入波😫但好玩！十二點清場執枱。

　　我沖涼，佢倆傾生意，做IＴ真係有好多Freelance接。

　　之後打陣機，我玩左FIFA同拳王，好玩，我發覺我係quick learner ，勁快上手，玩三人足球甚至可以贏。

　　有趣的是，原來係有禁語的，看來中國真的擺了很多錢去維穩😂不過連winnie the pooh都唔接受得，仲要寫到明，真係要記錄一下～

　　去到兩半收皮，我做多陣exercise，三點二返房，三點七打完日記，訓。

跋：

　　今日係第一日三位housemate都齊既晚上(托賴8號風球🙂)，感覺好奇妙，我唔知其餘兩位，但我好自在，甚至覺得比同best Friend 合租更好，這種關係令我好有住hall feel，一來我可以認真做野，二來又有人陪我玩（這個年紀「玩」係十分奢侈的！）

20211008 撮記

　　今天第一天返工，前一晚都做一做Exercise😁唔難。

　　0745醒，Christian 叫醒，0800出門，0808搭鐵。0831到太古。
勁耐無搭鐵，地鐵站行上去都幾快，但車費十幾蚊都幾貴下。0837到20樓，我第二個到，Peter 已到，之後Benny 到。

　　今日黑雨，天氣勁差，但開心，因為tammy 生了諾祈出黎。有新生命的出現總是令人充滿期待的，希望他簡簡單單開心就好！

　　今日有Peter, Benny, Sean, Hayze, Wing, 朝早intro 既重點都係知道28號出糧，同埋無打卡，12點lunch 。

　　我地玩左兩個ice break game ，分别係兩真一假，同埋半小時分組講故仔，我同Peter & Hayze 講撈麵潮文，仲要用英文解釋比Sean ，勁搞笑。玩完game 後，到AIA黎講保險，1250 AIA 講完，我可以揾佢整合強積金。

　　Dick Ng 打比我，原來佢係tammy 教會，揾我整網頁。

　　Lunch Time ，普通social 了解大家。

　　一點半老闆過黎，講經講願景。佢講左句 I don’t train carpenter, I train architect，佢希望multi cloud 可以成為將來既技術。佢以前已經四圍出國，甚至放棄美國綠卡（交太多税），但係生意既世面見得太多。佢話，最重要既能力係abstraction，只有hard work 先可以achieve，不斷閲讀，不斷學習，多方面才會全面。

　以我理解，其實將來做既野就類似Synology，Synology有兩個hard disk ，裝相同既野，求其一個收左皮，另一個會頂住。但有Ｄ大公司D野太大，要上Cloud，(雖而家通常放係local drive/Private Cloud) ，如果想發展成所有野放晒上cloud ，又會驚炒左時造成data loss (e.g Facebook WhatsApp 都炒啦🤣），咁就將相同既data ，又放上GCP，又放上AWS，ED就係multi cloud。老闆預計未來發展，中國政府只會同西方唔岩啞，咁外資機構想食中國水，都應該要用阿里雲，而外資機構自己本身用開aws/gcp ，咁就需要揾我地merge 成multi cloud。

　　我成日感覺ＥＤ說話好多人都識講，只不過有錢既就說服力大Ｄ咁話，同埋睇得出佢這個年紀仍然出黎衝，係一個有魄力既人，對佢黎講，錢太多所以不用計較，反而佢想係有生之年做到Ｄ野出黎，所以其實佢係賭緊～

　　之後就Danny, Cryus 同 Allen 講PPT，一個基本intro 。
　　比較值得去記住既係，Danny 問你想唔想做螺絲，大公司入面既螺絲有用咩？
　　佢當初做IoT ，整燈既system，做比國際學校，咩都唔識硬做比公司，最後有一個bug ，上上下堂盞燈閃閃下嚇親小朋友，但anyway it was a lesson。當時一開始話要整燈system ，開到燈熄到就得。但最後越加越多，又sensor 又要變色，但過程佢學到野。

　　之後佢同Cyrus 以前同公司，整左一個系統拎左創科銀奬，而當時金奬係pay me 。佢有一句，假如你係做payme ，但負責加粒button，你係咪滿足？唔知點解令我諗起犀牛。

　　1645講完，我地有一個鐘gap ，唔知做咩，於是開電腦做exercise，我訓左陣，做左陣html 。

　　過左1745無人敢走，1800　Allen 叫我地走😂

　　整體黎講，公司環境係share office，配套實屬不錯，有氣墊球乒乓球，Pantry 有齊架生，好似仲話每個月有一日係beer day，只能夠說期待～

　　1804收工，1811搭鐵，1827到中環。搭鐵本身自己一人，撞到peter ，佢恒大decision analysis 畢業，佢有同學今日都仲有offer，黎緊會見。

　　1835 去到李錦記，幫健sir 手，整電腦，咩都無做過，部電腦好返。我淨係帶佢行左一次大運（中環去深水埗去彩虹去旺角去太古城再返中環），唔理了。

　　1900 健sir 開talk ，我後面幫手。講左血壓高，即血管阻塞。血壓低，係心唔夠力。
又講左靜止心率。又開Garmin apps 去睇數據，但我隻Garmin 太平，做唔到。

　　去到十點先走。我中環買左個老麥魚柳飽同雞翼，雨中食食下見到有個非洲人同我一樣，係滂沱大雨既路邊食緊老麥，有種同是天涯淪落人之感🤣

　　之後返到旺角，好肚餓，整左一個炒蛋撈麵，同時我亦諗起今日篇潮文😂

跋：

其實尋晚我已經見到渠蓋蠢蠢欲動😂

今日受到「獅子山」擦過帶來的黑雨影響，香港出現大量奇景，在此記下幾個。

跑馬地樂活道比華利山，棚架倒塌，釀成一死一傷

地鐵水舞間

山頂水浸

巴士滑浪

每日一圖（20210907-20211007）

不經不覺，從牆內出來已經過了一個月，10月8日就是我返full time 的日子，我實在覺得時間很不夠用，有太多的人和事（尤其是故事）我很想記住，但是腦袋有限，時間有限，感覺就像沙子在手掌中漏走似的。但，今天是一個很特別的日子，算是我一整年的Freelance 日子的终結，亦是一個未知階段的開始，太多野想寫，但時間不夠，唯有用每日一圖的方式，令自己懷念下～😂

20210907