任性的沉迷與上癮
事緣睇左廣告，下載了一隻高達遊戲，怎料沉迷了遊戲當中，不能自拔（已經由星期二晏就down game開始，玩到通左好幾晚項，星期二，星期四，星期五都無訓，而星期三要訓只係因為星期四要和你搬😂）
不但夜晚玩，連日頭打算做正經野的心情都沒有，有時間都拎左去打機，做一個簡單換算，我「借」來的22日內，竟然已經有４日花在這遊戲內 ，仲要包括夜晚❗
係星期六的清晨五點，我實在忍不住，不吐不快，因為明知自己已沉迷在這遊戲內，卻無法擺脫……由於我不想真的「浪費」了這些時間在遊戲上（我相信所有好既壞既經歷都係值得的！），於是我開始（一邊打機一邊）反思，究竟係咩心理會導致我如此泥足深䧟？！我思考良久，我認為不外乎以下原因：
1. 遊戲太吸引
2.我有拖延症
無可否認，Ｅ一隻高達遊戲確實吸引，一度勾起我當初打街的回憶 。而遊戲開發商 （俗稱ＩＴ９）都設計得好好，唔課金之下都唔會同有課金既差太遠，而且明明同一個遊戲畫面卻有很多唔同模式(真的超多! 單打/雙打/四人混戰/打劇情/打大佬/打擂台/打競技賽/社團/殖民衛星……)，確實，在遊戲設計上，這款遊戲實在不錯，背後該用了很多時間心機去main 住隻game👍。
但是，我其實一向在遊戲上都很節制，即使幾吸引的遊戲，我明知自己都無時間玩，點解仲會有E個心理？我相信以下有關拖延症既TED Talk可以解答到🤣。這是我讀緊大學時已經睇過既片，當時已心有警剔，結果做Honour Project 時仍然係Deadline fighter 🤣如是者，之後每當我有拖延症時，我都會想像自己心中的果隻猴子，even 我搵求情信時都不時感恩有機會搵返E班人。可是，今次高達遊戲的沉迷實在拖延成本太高(我只有十幾日打機，而我有好多重要事未做)，我明知下星期Ｄ時間都已經full 左比和你搬同書展，我今星期居然無處理我要準備既事，時間拎晒去打機，明符其實不折不扣地係「浪費時間」。當然，我仍要感謝六月的我已將大部份事情準備好，而且我的心確實這樣想😂為什麼不能任性一下？
跋：後續發展
係我仍然不斷「內心掙扎」，係打機同寫Blog 兩者猶豫時時，比我睇到以下既Youtube，原來我玩緊既係六月開服既亞服，而大陸一直都有E隻Game，亦應該賺了不少錢，所以隻Game 先咁高質😂
更重要既係，點解會叫「陰間對決」？因為一隻咁晒時間既Game 原來真係可以掛機！
最後我成功了😎
本以為自己很聰明，這「護肝神器」亦確實幫我節省了好幾倍既時間，但隔了一星期，我仍然跳不出這坑，原因好簡單，因為我既心仍然係度，而且當我掛機時我其實都會「心掛掛」。結論就係，所以其實最後都係「心癮」，做任何事（或不做任何事），「心癮」不止，事情不完。這是一輩子的功課～