月份: 2021 年 7 月

每日一圖（20210630-20210723）

鑑於我無時間為每日寫撮記，但又覺得這段時間很重要很需要記錄，所以試試看這方法，希望可以揀出當日最重要的一張圖吧！只可以一張喔（好難揀😆）❗

20210630

20210701

20210702

20210703

20210704

20210705

20210706

20210707

20210708

20210709

20210710

20210711

20210712

20210713

20210714

20210715

20210716

20210717

20210718

20210719

20210720

20210721

20210722

20210723

其實，我一二月時又想記錄每件事(寫撮記)，但又完全無時間寫😂我開始發現了個Paradox就係如果你果日好精采，你就無時間寫撮記，如果你果日好普通，你就無動力去寫撮記😆所以之後我係有諗過用一日一圖的方式去記事，但係其時我並不像這22 天般天天精采，加上其實很多事一張圖片是說不清的，最後係不想為拍而拍，於是就佛系記事了，再之後直情心血來潮先會寫下草稿only😂 如果唔係大地行者，我真係唔會寫撮記的，因拖得太耐🤣。

希望自己某年某日重睇這Blog時，可以勾起某段回憶吧～

修行四事

7月23日既凌晨四點，我好正路地符合期望咁失眠😂於是我為自己未來係獄中既時間，專注以下目標，畢竟人有惰性，如果沒有目標，我是浪費了這次用錢都買不到的經歷了😆

1. 讀書

我希望自己可以讀得晒每個月六本書的Quota，而且可以每月係入面借一次書，最好趁此機會多了解宗教，無論是基督天主，佛教抑或伊斯蘭教，我都覺得這是一個不錯的時間去了解了解😂畢竟「受苦」緊既人先會有信仰。

2. 操體能

我第一Log 既書既其中一本就係《肌肉百科全書》，我仲記得應該係幾件前第一次去書展自而家都無睇過既一本書，我相信今次係一個合適的Timing去睇了🤣

我不要求高，但我嘗試訂立以下目標，希望自己每一天都會「記得」去做😎：

— 100 下掌上壓，一日兩組

— 2 分鐘 Plank，一日兩組

— 100下深蹲，一日兩組

我相信「百日築基」，我如果有咁多時間，又無晒外界既「引誘」，應該做到既😆

3. 冥想

因為我屋企無房，又無動力和契機，實在無法去做，我曾試過在大學靜室打坐冥想，我真心相信係可以提算個人的專注同集中力的，因為冥想得兩個狀態，「有諗野」同「無諗野」😂而當「有諗野」時，好多時都係一些回憶或異想天開，這些我都覺得很有用的。至於「無諗野」，這不正正是放空了個人，這是一個契機去訓練自己的專注，尤其是在那種環境，應該可以「逼」到Ｄ野出黎😂

4. 識朋友

在過去一年半，我識既人闊了很多。其實，由我讀中學開始，我中學所識既人係社會上都已經係少數，而有幸升上大學，更感恩係讀五年，又參加了不同的活動同職業，可謂已經未畢業已見盡人和事😂當然，見得越多，便會越謙卑，畢竟見識只能提升個人的素養，係無法令你脫貧的🤣而當我返工後，實在太忙，根本就是用時間換金錢，仲要適逢社運，所以當時的生活十分Routine，直到我失業，感覺同讀多一年大學無分別，除了盡力充實自己之外，其實都係充實自己😂所以各種活動，各種工作，我都willing to try，這才算是人生吧。入正題，我希望難得有此「機會」，可以識多D朋友，聽多Ｄ故事。睇左邵家臻既「石牆生花」，得知有很多故事是無法出街的，當然他們是「知名人士」，佢地既待遇同經歷又會不同，我希望我用一個「Nobody」既身份，從一個由下而上既角度去看看這地方，畢竟人生好短😆同時間，不止結識牆內的人，我也想結識牆外的人，咁大個仔，都未試過有筆友，今次應該有吧～不知道出返黎約食飯會係咩體驗呢🤩

其實寫這些，都只不過係想不令自己留憾，如果我境界再高D，視一切如浮雲，我又點會捱夜🤣一早平常心訓左啦。希望自己再望返自己既文字，是在不遠之後吧。

Coldplay – The Scientist

　　7月22日，基本上係我自由既最後一天，本身約左Mani 去尖沙咀睇展覽，我地睇左粗口博物館，老實說我成日忙住同人交代明天事宜，其實都無咩點睇展覽😂之後仲食左let’s jam，又去左睇K11 睇MeMe 展覽。其實行程好Pack😣 加上又突然有法律文件要處理，真係「腦容量爆炸」

　　睇完 MeMe 展覽，我地行去尖沙咀碼頭買阿波蘿沙冰，等待期間，我聽到有人busking，正唱著Coldplay 的the scientist，唔知點解，我腦補了以下ＭＶ的橋段，淚水不自覺地湧出來，Mani 係我隔離大嚇一跳，最搞笑係阿波蘿的售賣員正整好我的雪糕，看見我情緒不穩，我望住佢，佢望住我，正猶豫著應否將雪糕遞給我🤣佢既表情可以整返張MeMe圖。

　　Mani 見狀不斷問我做咩事，係咪有心事😂，我知佢未聽過Ｅ首歌又未睇過E段MV，所以著她返去睇左段MV就明。其實我唔怕入去捱，只怕分離之苦，不過其實我都算睇得開，加上又不是如MV中的男女主角般生死相隔。可是人性就是這樣，當下人很攰，又係海邊，Mani 又在旁，又聽著 the scientist 既歌詞，無計，著左😅。

　　最後，留下Ｅ位整喊我既Busking 歌手既片段，希望佢今日唱得開心😄。

by Vincent LUK
Posted on 23 7 月, 202113 10 月, 2021
Leave a comment on Coldplay – The Scientist

pyTranscriber 應用

　　話說尋日去左party room 勁夜返，訓到黃朝白晏先醒😆 今朝睇Youtube 時睇到一段好有趣的IQ題合集，我不禁想將佢抄成文字版然後寄比將來的自己解悶😂 於是我想起了pyTranscriber，尤記得我年頭發現這神器時，佢為我解決了一個煩人極恐怖的１６分鐘whatsapp voice msg😣我係唔洗聽之下就可以convert 成文字然後知道大概講緊咩😎。

　　今日，難得有時間，终於要小試牛刀了！影片如下：

　　首先，求其去一D youtube downloader 既網址，下載了該影片，無論是ｍｐ３或ｍｐ４格式均可。

然後，去以下網址（或者Google it），https://github.com/raryelcostasouza/pyTranscriber/releases/tag/v1.5-stable

下載pyTranscriber（我個人係比較喜歡Portable version的）

最後，打開pyTranscriber，完成簡單設定就可，雖知它是拎了google translate的API（所以應該有最多６０min的限制），但我覺得成件事最神奇係佢可以讀到勁多語言，連廣東話都讀到！

翻譯出來的成品，可以一邊望住Ｄ字，一邊聽住段Youtube ，看看其準確度😆

附上翻譯後的檔案：

MP4 Version:

無聊-IQ題-50條-你敢挑戰嗎_｜閒聊之王-IQ-爛Gag【第八集】廣東話-繁體下載

MP3 Version:

yt1s.com-IQ-無聊IQ題-50條-你敢挑戰嗎閒聊之王-IQ-爛Gag第八集廣東話-繁體下載

跋：

我覺得成件事最厲害之處係時間同翻譯的ＣＰ值。我猶記得自己當件做Honour project 時要將錄音轉文字，當時仲未有pyTranscriber，所以我真的是「拎石頭揼自己的腳」🤣30段15至20分鐘的錄音，真係通頂都搞唔掂😵。而家有Ｅ個恩物，仲要免費，真的要好好推廣，讓有需要既職業如記者律師同大學生們可以享享福😆

題外話，pyTranscriber 的 version 很重要！我一開始用了2019年的v1.3，完全不能翻譯😂。

任性的沉迷與上癮

　　事緣睇左廣告，下載了一隻高達遊戲，怎料沉迷了遊戲當中，不能自拔（已經由星期二晏就down game開始，玩到通左好幾晚項，星期二，星期四，星期五都無訓，而星期三要訓只係因為星期四要和你搬😂）　　

　　不但夜晚玩，連日頭打算做正經野的心情都沒有，有時間都拎左去打機，做一個簡單換算，我「借」來的22日內，竟然已經有４日花在這遊戲內，仲要包括夜晚❗

　　係星期六的清晨五點，我實在忍不住，不吐不快，因為明知自己已沉迷在這遊戲內，卻無法擺脫……由於我不想真的「浪費」了這些時間在遊戲上（我相信所有好既壞既經歷都係值得的！），於是我開始（一邊打機一邊）反思，究竟係咩心理會導致我如此泥足深䧟？！我思考良久，我認為不外乎以下原因：

1. 遊戲太吸引

2.我有拖延症

　　無可否認，Ｅ一隻高達遊戲確實吸引，一度勾起我當初打街的回憶。而遊戲開發商（俗稱ＩＴ９）都設計得好好，唔課金之下都唔會同有課金既差太遠，而且明明同一個遊戲畫面卻有很多唔同模式(真的超多! 單打/雙打/四人混戰/打劇情/打大佬/打擂台/打競技賽/社團/殖民衛星……)，確實，在遊戲設計上，這款遊戲實在不錯，背後該用了很多時間心機去main 住隻game👍。

　　但是，我其實一向在遊戲上都很節制，即使幾吸引的遊戲，我明知自己都無時間玩，點解仲會有E個心理？我相信以下有關拖延症既TED Talk可以解答到🤣。這是我讀緊大學時已經睇過既片，當時已心有警剔，結果做Honour Project 時仍然係Deadline fighter 🤣如是者，之後每當我有拖延症時，我都會想像自己心中的果隻猴子，even 我搵求情信時都不時感恩有機會搵返E班人。可是，今次高達遊戲的沉迷實在拖延成本太高(我只有十幾日打機，而我有好多重要事未做)，我明知下星期Ｄ時間都已經full 左比和你搬同書展，我今星期居然無處理我要準備既事，時間拎晒去打機，明符其實不折不扣地係「浪費時間」。當然，我仍要感謝六月的我已將大部份事情準備好，而且我的心確實這樣想😂為什麼不能任性一下？