20210308 撮記
今日九點七先醒，九點九出門，0953開車，1017到炮台山，1021到公司，搵人幫我打卡，最後武士。十二點四文傑打黎，叫我報pre entry，好耐無玩船的我，竟然有機會再玩返船，有趣！
返工返左一星期，開始上手，其實都係整D基本網頁，其實唔難，重點係煩，而且我的效率很慢，一來上網慢，二來wordpress 很多hidden function，需要慢慢摸。七點三收工，即刻仆去開車，因為尋日的巧遇，今日約了Jack and Connie 睇戲(仲未知睇咩)，七點九到旺角熟食中心，Mani 剛到，八點一買35蚊蒸魚，等緊jack 佢地過黎時，我地拎返尋日買既銅泊紙，加埋LED 燈同一粒２A電，即場拎出黎研究，不久後Jack 同Connie都到了，我D「玩具」仲被jack 搶了去玩，佢話佢以前做個電工，識電路野，用銅泊紙包全成粒２Ａ電既正負極一陣，如感覺到熱，就證明電池有電的（智商＋１）。奈何最後都係著唔到盞燈，可能係因為電池接頭或電壓問題。
九點食完飯，我先走，開車，去紅磡警署報到，九點二就去到，九點五返番黎旺角，正好大家剛走，我在上電梯時撞到他們落黎，原來Jack 想食住煙等。好開心，持到牛年最後既利是！😂
之後我地行去朗豪坊戲院，最後揀左狂舞派，買372蚊戲飛，之後買34蚊七仔零食。九點五十五分入場，睇到十二點二，之後送connie 搭車，再送jack 搭車，傾計得知阿jack 人工唔高，忽然覺得自己一畢業就拎咁高既人工，其實係好彩，可惜，應該和教育界無緣了。亦好彩，我現在好似第二人生咁，所有野要重新累積過，這何嘗不是一個機會去體驗嗎？
一點三送Mani 返紅磡，一點半到家，兩點沖完涼，便倒頭大睡了😴。
跋: 今日UA戲院清盤，實在有點不捨和無奈。本身尋日同jack 見面後便上網睇睇UA戲院場次，但是全星期一都無戲上，本以為是否系統出錯，怎會料到原來是清盤！我一直都去開UＡ戲院，原因很簡單，因為買保險有每個月兩張免費戲飛送。亦因此我多了好多機會去睇戲，ＵＡ老闆一直是白武士，不但推出這個保險戲飛優惠，而且睇新聞先知原來整個疫症下佢無裁過員，算得上是良心了。奈何，這個時代，好人難做，有點傷感。
如無意外，今天是最後一天收利是了，雖然不多，但係同以往拜年的對象卻有很大分別，感覺很奇妙。
