大地行者 3月6 日 自然工藝 之 椰殼碗製作 @ 南涌 1400
今日我在生活行者有活動，有一場關於科技的線上直播，作為電腦人的我自然要去，所以魚與熊掌😣撞了無計。
我事後去簡樸居做義工時，曾同澤山講起，他說隨時帶一個椰青來，可教我整😆可惜我一直沒有緣份去學。
但是事後收到分享的冷知識，原來椰皇椰清椰子係咁樣分辨的🤩：
由於上面段片係來自於壹傳媒的果籽 ，所以現在已看不到，我在網上找了以下的片段，一方面介紹了椰皇椰清椰子的分別，同時亦保留上面的片段，好記住這段香港的歷史。
日期: 2021 年 3 月 6 日
20210305 撮記
今日約了AUX 去申請我的工作紀錄，八半要到，但我八點二才醒，所以立即沖涼，八點四出門，八點半剛到。好快簽左個名，八點八走得，儘管有少少雨，但計算過後仍直接去炮台山返工，九點到，泊左係地鐵站上面斜路，其實E個地點，真係搭鐵快過返工，仲要平Ｄ舒服Ｄ。只係有時真的不太想搭鐵，或晚上有活動，便多了一個Alternative。
今日驚蟄，去到炮台山時仲打完卡仲有一小時，附近逛逛搵早餐，去了昨天中午的地方，打算去尋日間魚蛋小食店，餐廳未開(十一點先開)。九點四去左附近食粥，Mani 此時同我講，話今天驚螫，約我今晚去鵝頸橋打小人，我講了今晚時間好唔方便，而且我車唔到佢，但她考慮後仍然想去，所以便約定了。
尋日studioCan 既事做了個七八，今日傾了plugin 問題，之後幫佢D網裝左stripe，可以信用卡比錢，同時亦學多了一個叫reap 的過數平台，了解到其生意模式，不收老闆錢，輕鬆申請generate 一條link 比你，之後就可以比客人入link 用所需的平台比錢 ，如信用卡／paypal/ 支付寶等等……即係佢整合了近乎所有的收費平台，然後叫你用佢過數唔洗煩，收客service fee。
今日做野有一個bug ，話說我有一個wordpress template ，跟足步驟改晒database，但輸入subdomain後都係會跳去original 既url 到，之後學識了config.php 既debug mode。同埋backend deactive plugin 只需要改左條path 就得(比如搬去一個sub folder)。最後成功開到wordpress，我逐個試，將有bug既plugin 搵返出黎，最後比我搵到！係installer 同store-locator-le 出左事，唔知點解，交比volar 研究。
去到五點半，陸爸竟然到了我公司樓下，原來佢之前聽到我話坐唔直個人，所以拎左個軟墊比我，還買了魚蛋燒賣，但咁突然真的很奇怪😅Anyway，我出了去，順便買杯天仁茗茶，回一回氣。這是陸爸的愛，很平凡，很老土，但只是聽到昨天的對話然後今天便送來了，心是甜的。
本應七點收工，約了Mani 七半銅鑼灣等，但係六點九時老闆竟然要大家圍住review 返E 幾日做過既野，成件事都好奇怪，尋日七點先叫簽約，今日七點先話做review，我心諗係唔係路，Ｅ三日我地七個既網頁佢逐個逐個睇，逐個逐個評，明明資料未齊而且大家都未上手，傾黎做咩？不過都有野袋落袋：
一，老闆多數上了年紀的，所以網頁字體要大，尤其是menu bar。
二，Mobile responsive 好多時都會忽視。
三，點都搵Ｄ圖頂住先。
四，善用color wheel。
只是，點解要收工先做？一係你索性簽約時簽八點收工吧，反正人工一樣。
最後八點先走，快速開車，八點三到鵝頸橋。未泊好車已見到好多人，我泊左係消防局旁，然後回合Mani。好多人，我地去感受下，唔排隊打小人，之後Mani 買左涼荼同燒味，我地係路邊一齊食。Mani 講我知，原來打小人的由來是打老虎，之後再維基一下，正解如下：「以往中國的農業社會，流傳在驚蟄日祭白虎的風俗，祈求藉着白虎的雄威鎮壓蛇蟲鼠蟻，以免害蟲為患。隨着社會轉型，祭白虎的目的是透過白虎來鎮壓小人，希望為自己帶 來好運。」
小趣事：估唔到今晚遇到「珍言珍語」KOL主持在youtube 直播，我地攝左鏡，Mani 影得個主持，同我講，我即刻search，搵到我地在直播時攝鏡的片段😂
更甚者，之後我地在旁邊食燒賣，剛食完，就遇到她了，和她眼神交流後，她走來訪問我們，我地被殺得措手不及🤣🤣口罩都未帶便做了個三分鐘的訪問。
之後送Mani 回家，我亦九點三回家了。想不到這晚回到家才是開始。
我之前整既「指住宗旨」Poster 面世了!
同時我亦備份了signal ，而且安全性很高，signal 的檔案會被加密，而且我只有一個一次性密碼，無左就無。我思前想後，衡量了備份資料被盜的概率和我忘記密碼的概率，我還是決定了在這裡記下來，亦讓大家明白這密碼是記不住的，而且我不會記得放在那裡的🤣這讓我想起了有一則新聞說有人忘記了比特幣的密碼，究竟是「掉失了比特幣硬碟去堆填區」慘Ｄ，定係「忘記了比特幣的密碼」慘Ｄ，實在不得而知。
之後我疏洗完，我整了YY LAB的logo。我運用了color wheel 和pixlr editor 黎整，感覺幾好。
而且還遇到了Zoe 請教的python問題，我用了半小時，在W3Shcool的online editor 試了，總算成功了，儘管不完美😆
最後，仲同了「學渣三人組」傾愛情話題，女人真的很感性，當中有很多花生，食到飽。整晚順便backup 了硬碟，四點訓。
20210304 撮記
尋日兩點半先訓，攰到無力係床度玩手機，今日九點醒，沖涼，九點二十出門，十點準時返到。
Henry 今日有返，仲有新同事steven ，應該係上環tecky 。
Remarks: 我要執一個拖板同mon 返黎。
十一半project 3 有一個code review ，返左27樓揾Gordon。我就係公司聽zoom，講左playwright 做scraping，提下react 點寫更好（本身已經很好！）。聽到一點大家出去食野，反正有錄影，之後再聽。一點五到和平飯店，很有Gimmick，整了一個「安心出行」，擺明車馬，兩點三返去，我地傾左D閒計，有一個topic 係herny 前日數碼港interview ，問你覺得CS grad 同Bootcamp grad ，邊一個較優勝。
兩點三食完兩點半返到去。今日全日都係整同一個網頁，好多資料要copy ，仲要執格式。明明已經對方有一個wordpress 網站😥做到七半先走，老闆臨尾先話簽約，講真成日咁長係要Ｅ一刻搞，都知佢要訓練奴隸，香港員工的奴性正是由此起。成五個人未簽約，大家都識，我最早簽，但大家等埋一齊先走，時間都係返番黎。
八點二到家，九點出門，比部電話yanbo ，因為她的電話壞了，今天在群組高妹代問，九點四到家。陸爸仲遲過我返，十點食了晚飯，很攰，回一回氣便繼續做野，做返smooze 同埋wintech，三點訓。
跋：
今日回家，開門後有一個鎖匙扣掉左出黎，這是Mani當年去馬拉時送比我的手信，當時仲未一齊的，但已經曖昧緊了。用到今天斷了，補唔返，我有點不捨。
本來民主派47人保釋再上訴再還押既新聞已經很大衝擊，再到現在這陪了我兩年有多的匙扣都緣盡了，我有點傷感。以下圖作結，有時要放開，但放開已回不到當初。
