20210205 撮記
今天是繁忙的一天，繼前兩日近乎朝９晚１１咁對code，到今天不爭氣地１１點自然醒（怎料玩到夜晚兩半仲做緊野）。由朝早起身無耐就睇到警車著火的新聞，加上我要入油，便行了紅隧，塞到爆！！！再直落到上環揼code之前快買一個外賣，甫比完錢出去就見到咖啡仔，好彩叫得住，最後武士～ （已經是一星期兩次係上環同咖啡仔擦身而過了，一次係前日同Jack 食lunch ，另一次係今日，仲要兩次都係同一家餐廳，證明果頭lunch time 時間咖啡仔必定出巡掃街）
狀態不佳，返到上環其實都只係重溫DAE006(Web Scraping Openrice + store in AWS S3 + pull modified AWS S3 data to local postgresql)，三半去上環李錦記，幫個網整返payment method, logistic, update items (加返本書), renew SSL cert 。很開心收到新書，並且得到「親筆簽名」同埋「最佳良方」，有時這種小確幸就是我活著的動力。
直落六點寫完網頁就走，七點要參加大地行者，又係紅隧。。。去到九龍城已經六點搭九，去商場洗手間同快買壽司做晚餐，壽司店姨姨話送多件壽司同麵豉湯比我，又係小確幸！
六點十一到兆基上堂，趁仲有時間係兆基大堂快食壽司，我忽然想起，我好耐之前來過這裡睇戲，係一套傘後紀錄片，名叫《分域大道》（Last Exit to Kai Tak)，大致講黃之鋒、林淳軒、劉偉德、黃洋達及何韻詩的故事(Everyone love stories, right?) ，印象中最記得林淳軒整本土啤酒、劉偉德叫大舊，唔玩政治改從商儲彈藥、黃洋達挑機大波MAN，反而黃之鋒同何韻詩無咩印象（可能新聞聽得太多）。最深刻係導演和其拍檔當晚有黎謝票，仲有Ｑ＆Ａ環節。記得有很多高質問題，當時記住了，但今日未搵到，下次吧。我到Ｅ一刻仲記得當時我有問題想問導演，但不敢問（人多時我就不敢問問題的，希望改到）。
又玩左兩個半鐘大地行者，還好，無甚特別。最估唔到係落堂後阿根捉住我傾讀社工Master 既事，最後變左最遲出課室，落到樓下係車旁又傾左大約十分鐘，內容不外乎讀唔讀好，雖然我知自己最後都未必讀到，但同佢傾計重燃起我舊年六月既心，有點溫暖，有點唏噓。緊接著送走左阿根，我正戴上頭盔，天鳥就過左黎，即刻除返頭盔。言談之間得知天鳥都有揸電單車，04年有牌，揸下唔揸，最近一年又揸返，係西貢代步，係電動電單車，換算返大約150cc 左右。然後原來我隔離果部黃色5.5噸貨車係海鳥的，海鳥的故事很長，但此刻知道佢係園藝公司老，判頭黎。我大致簡介左自己ＩＴ老師background，想讀社工搵左雨點傾，輾轉阿根過左就黎問侯我，又講埋我點解要轉行，順便提下聽日要幫野人手搞年宵。
忽然有感，阿根講起出面大學比不上大地行者，我指出其實係因為傳統大學（even Stanford Harvard ）都需要量化比Grade，而大地行者不需要，當有量化和無量化比較，人性自會覺得無量化較好，因為人始終是感性的。而大地行者只是一個平台比一班相似理念的人互相認識，講白左，走晒堂都「畢到業的」，而大家寫既反思，交左上去都未必會認真睇，講到尾，在大地行者裏反思係為自己而寫，並不是為了「畢業」而寫。
十點八返到屋企，又係指定操練，待疏洗完，繼續未完成的事，包括renew SSL cert，終於比我爬文搵到，然後再整埋網頁，加返yedpay，人話黎講，就係專for 大陸銀聯支付寶的。再之後加一個wordpress plugin 叫Chat Button by GetButton.io，這是網店常見，右下角的聊天bot，有趣且有用，又係小確幸。
以上種種做到凌晨兩半先收工。今天是充實的一天。
跋：
為了培養寫blog 的習慣，儘管很累，仍堅持寫下這篇文(順便backup手機落synology)，想不到越寫越精神(有預感明天會昏迷)，尤其是《分域大道》的那一段，正因為當初我有jot notes，所以先有深刻印象。但已找不返這些notes，更證明我需要有系統地處理我的故事，而寫Blog 是我這一階段的小實驗，不知道能持續多久，但我相信這和「瑜珈掌上壓」一樣，笑住做係會更有動力和較易堅持的！