大地行者 2月5 日 三三修煉法之活動設計和帶領的心法和技法 @ 兆基書院 1900
今日上海鳥和澤山的三三修煉法。今天有兩小時，前一半先由海鳥帶，後一半由澤山帶。
海鳥簡介了自己的過去，由於上次的「生命對談」中已經提過，所以都係簡介佢由失戀到參加大地行者結識了現任老婆，再成為了幼師，再教自校，又因錢既問題要出去闖，做過保險，最後亦開了園藝公司，至今打算移民澳洲。而今次他就起過的屋就分享多了比我地知。佢試過起草屋，一覺醒來，成個屋頂吹走左。佢又試過起木屋，叫「海鳥居」。佢又試過起磚屋，就係現今居住的「黃金屋」。佢亦分享了以前好鐘意揸電單車同單車，而佢同佢老婆茉莉係大地行者時相識的，後來更舉辦了環保婚禮，實實在在地影響了野人。
海鳥以一邊互動一邊派禮物的方式，說出三三修練法的主旨在於底線要清晣，第一個「三」，分別為「對象」、「環境」同「課程設計」，而這些都分別有「技法」和「心法」。他為我們分成四組，每組會獲派一張預先準備好的卡紙，上面有不同的情境，針對「對象」、「環境」同「課程設計」，比如小學生和成年人在設計上的分別，夜探濕地的課程設計，等等。當中我聽到有不同的教學介紹，很有趣，比如可以玩「諾亞方舟」，或者可以玩「赤腳踩濕地」、「夜行生物觀察」、「畫畫」、「如果濕地不再濕」、「濕地的日與夜」等等，都是一些很有意思的小活動。
以海鳥的性格，會overrun 是常識吧，所以當澤山接棒時，已無時間作自我介紹。他先引入，他將會帶領我們玩一個遊戲，希望大家仔細觀察他的教學。
澤山將大家分成四組，用問題引入，「今天去大埔滘知唔知會見到咩生物呢？」，引起大家思考，令人期待。之後解說活動，手上有四張相片，是大埔滘會出現的動物，現分大家為四組，比十分鐘大家準備，之後集合大家，各組輪流不出聲模仿，比大家估。最後作出總結，原來四張相都是澤山親自去大埔滘拍攝的，所以現玩完熱身遊戲，大家就準備出發去夜行大埔滘了！
澤山有經驗，也有教學底子，所以很順利。澤山亦順帶提到，當時他是因為兒子就讀自然學校，所以參加大地行者，而當時他未轉食素的。有次活動，他午餐點了叉燒飯，而他觀察到當時的海星（現在的天烏）自己帶飯，由此他就開始幻想自己會變成如何的人。
最估唔到係落堂後阿根捉住我傾讀社工Master 既事，最後變左最遲出課室，落到樓下係車旁又傾左大約十分鐘，內容不外乎讀唔讀好，雖然我知自己最後都未必讀到，但同佢傾計重燃起我舊年六月既心，有點溫暖，有點唏噓。緊接著送走左阿根，我正戴上頭盔，天鳥就過左黎，即刻除返頭盔。言談之間得知天鳥都有揸電單車，04年有牌，揸下唔揸，最近一年又揸返，係西貢代步，係電動電單車，換算返大約150cc 左右。然後原來我隔離果部黃色5.5噸貨車係海鳥的，海鳥的故事很長，但此刻知道佢係園藝公司老闆，判頭黎。我大致簡介左自己ＩＴ老師background，想讀社工搵左雨點傾，輾轉阿根過左就黎問侯我，又講埋我點解要轉行，順便提下聽日要幫野人手搞年宵。
忽然有感，阿根講起出面大學比不上大地行者，我指出其實係因為傳統大學（even Stanford Harvard ）都需要量化比Grade，而大地行者不需要，當有量化和無量化比較，人性自會覺得無量化較好，因為人始終是感性的。而大地行者只是一個平台比一班相似理念的人互相認識，講白左，走晒堂都「畢到業的」，而大家寫既反思，交左上去都未必會認真睇，講到尾，在大地行者裏反思係為自己而寫，並不是為了「畢業」而寫。