月份: 2021 年 2 月

20210227 撮記

　　今天是休息天，主要就是等昨天約了的房署師傅上黎而已。早上看了一些滑板片，記錄了少少心得如「手扶前腳膝」、「後腳不要太開」、。膝蓋微彎」、「core 收緊」，之後兩點三師傅上黎，清空了廚房方便師傅工作，兩點半師傅做完便走了，我善後清潔。然後便是打開電腦，聽生活行者的移民篇，內容有點亂但整體幾好的，因為主題有張力，然後幫studioCan 處理一下Email的問題。大約五點幫陸爸拎Ｄ食物上樓，然後等到七點陸爸買了晚飯回來。

　　基本上整天都沒有出門，本打算好好利用在家的時間用電腦，卻感到有心無力，結果很多時間都浪費掉了。畢竟今天是休息，自然是比較那麼不Productive 了。

　　去到晚上，因為要去紅磡報到，所以無論如何都要出門了。我不想整天就這樣就完了，於是帶了滑板，希望來一個晚上操練。九點半報到完，九點五十去到摩士公園，我泊在山下已聽到山上的滑板聲，有點緊張😆最後拎住塊板上到去，一黎就有一個小朋友走黎Yo 我打招呼，入到去滑板場亦有另一個中學生年記的來Yo 我，印象較深刻的是有一個鬼佬和我傾計，叫我學Ollie(果位小朋友也是叫我學Ollie)，之後我就係不打擾高手的地方練習，滑板場的地很好滑，輕輕一推就去了，很有Feel。

　　變了街童的我：

　　有一個爸爸很厲害，長期抱住個仔踩滑板，一邊踩一邊教仔，一邊比佢感受，我都想成為這樣的爸爸。看來他很想從小培養，訓練兒子😂

　　踩到攰，買了一支寶礦力，繼續踩，之後踩到飲晒支寶礦力就走了。在滑板場勝在有得觀察，我透過觀察，即使自己做唔到，但仍可比自己知道可以去到邊個方向。我初期是平路走，之後試了Ollie 發覺好難唔成功，之後扶住欄杆試下跳板，跳左陣就繼續平地踩，我此時此刻最需要的是板感，所以一定要多踩，係又踩唔係又踩。去到大約十半，人開始少了，只淨下一班高人在Freestyle，我試了試在台上踩落去落斜，好難唔得，由台上起步已經好驚，落斜一刻拎唔到平衡，即跌，心生怯意，試左幾次後便係平地上斜台，不斷試，總算用Muscle Memory 記住了重心的平衡，當然是用仆街黎交學費🤣踩到飲晒支寶礦力，便離開了滑板場，沿住摩士公園走走，每個角落都有一試板友在練，而經過訓練的我已有少少板感，在無人的闊道上我走得很順，溜得很爽，這種感覺我記住了！

　　跋：

這晚令我想起，我在英國時看到的滑板場，和今天我第一次在香港的滑板場的分別實在有夠大！

20210226 撮記

　　尤於昨晚很夜訓，我搵到一個叫shotcut 的免費視頻編輯軟件，很快上手，所以我玩左陣先訓。本來約了今日十一點返深水埗寫網頁，凌晨四點都仲見到Pong 未訓，我九點半一醒，見到良話佢炒車😱即刻傾電話，好彩人無大礙，皮肉之傷無骨折，算是不幸中的萬幸了。與此同時，「屋漏偏逢連夜雨」，有房署職員要上黎我地屋企，因為樓上單位有人塞左屎渠，要係樓下我地單位做清渠。今日打左比陸爸約左十點左右上黎影張相，我立即打去房署，同佢講有急事出門請職員儘快上黎，果不其然，不夠五分鐘便有職員敲門，然後快影張相，約左聽日搵師傅上黎就走。

　　十點三出車，十點半到瑪嘉烈醫院，去到已見到佢係架車到，應該剛掛完隊睇完醫生，我係第一個到，十點八幫佢拎藥，跟住地下綠色線，行兩層樓梯，不良於行既真係好唔方便，而家拎藥要問住址住咩室黎確認身份，好彩我有Mark 低。之後陪佢去醫院站崗備案。佢今次係龍翔道炒車，源於有的士佬係前面cut 線，佢收掣太急，失控訓車。的士佬已走，無仇報。好彩人無大礙，樂觀Ｄ諗，將來都係一個故事可以娓娓道來。

　　之後等到文傑同阿晴揸車黎到，佢架車比左阿晴揸，然後佢上左文傑車返局處理請假事宜。我順利成章離開，好攰，想返屋企但又驚一訓就唔知醒，唯有返深水埗。十一點三，瑪嘉烈醫院走，十一點半到深水埗，無人返，於是打算去附近咖啡店食個早餐呃下wifi，頂到有人開門，奈何走左去大南街，好幾間咖啡店都係唔提供wifi的，完。於是十一點五十分上左一拳書館，睇左不設售賣的「羊村十二勇士」，儘管內容是給兒童看，所以肯定是有修飾的，但好明顯這是一本禁書，想起中國大陸這些年來的禁書多不勝數，想不到在香港一本兒童故事書都可納入禁書之列。由於不可售賣，我拍下來放在此，只為一記，絕無他意。

　　最後係一拳書館買左380蚊香港大道，拎左一支香港本土製蒜香醬🥰

　　一點二到深水埗，開工，我手頭上有三個網頁未搞，都幾time consuming。做到三點三先出去買譚仔外賣自取，四點實在頂唔住訓陣，五點二開車，車D 海報文件去南昌邨，報名比賽，這是一個預防塵肺病的比賽，今日六點截止，所以我五點半就到南昌邨塵肺病中心交比賽文件。有趣的是我今天才知道這事，Pong 忽然叫我充人頭，結果我用了半小時製作了這張海報，雖然是粗製濫做但我老實說我覺得半小時做到咁真係幾勁 (儘管最後沒有交上去比賽😌)。

　　今日很多突發事情，比預期去多了好多地方，頭腦開始有點不好使，所以忙裡偷閒去了西九龍中心，買雪糕😋😍 我實在很欣賞老闆做出這麼多好味又平價又高質CＰ值爆錶的雪糕，這份為好多小朋友製造回憶的意義並不能在價錢上反映出來。正如我以前會跟朋友去西九龍中心打機玩灣岸，至今仍是一個很值得回味的回憶。之後亦順便買了水門雞做晚餐，因為我要大地行者。

　　返到深水埗，做多一陣野，六點九走，直接去兆基創意書院上大地行者。上到九點七完，大家都好耐無見，今次分了組，我將會和冬菇仔和一念晨曦一組係三月尾實習。走時落著大雨，我十分狼狽，但是又想到，這場雨應該只有極少數人能像我這樣開住電單車去感受，於是由狼狽的討厭變成自在的珍惜。

　　跋：

　　今日得知良炒車，令我想起了股票式人生和量化人生的概念，同時亦回憶起泰國炒車的往事。實在有感。

大地行者 2月26 日 實習活動的籌備與須知 @ 兆基書院 1900

　　今日是理論課，話咁快已經係課程既一半，又重新打散大家重新分了組，為實習作準備。有兩位新同學，叫小狗同空氣，他們是在簡樸居工作的實習生，之前有和大家一齊參與簡樸生活體驗營。

　　一開始玩遊戲，不出聲按大家的生日日期排順序，我聽聞在簡樸生活體驗營已有玩過，作分組分工之用。今次也是，最後我、冬菇仔、一念晨曦、日光、島仔、花，被分成春組，因為我們的生日是最前六位（雖然我已是5月😂）

　　分左組後，我地先分享返上星期的簡樸生活體驗營做了甚麼，由有去的分享給無去的人知。我得知佢地係春組，幫手鏟後山，做裝飾，佢地訓地下被野咬，阿花都被咬得好勁😥，甚至乎今天小恆星都有比藥佢搽。

　　之後，天鳥派了一張九宮格，帶領大家去準備實習。亦同時為大家分了組和定了實習時間，我是3月28號與冬菇仔和一念晨曦一組。

　　今天天鳥講了很多金句😂多不勝數，比如有次佢話自己曾做數學老師，所以教學生做數時會話「不在乎計岩計錯，只在乎曾經計過」。

　　同時亦引用了詩經的「高山仰止 景行行止 雖不能至 心嚮往之」，至於Ｅ句點解，還是看網絡上的解釋吧😂應該是「聖人有高尚德行而令人仰慕，又有光明正大的行為，可作為人們行為的準則。雖然我不能達到這種程度，可是心裏却一直嚮往著。」。

　　最後也有「保持良好的心理狀態是一世的功課」，以及「好的問題勝過千過答案」，這些都是老掉牙卻又千古不變的硬道理❗

股票式人生

　　今日甫醒就聽到良炒車的消息。很快趕去他的身邊，然後幫他拎下藥打點下身邊事，最主要的工作都是陪伴。

　　我不禁想到，所有人的人生都是有起有跌的，就像股市一樣，儘管有的人長期處於高位，有的人長期是「仙股」，但總是有高低起伏的，暴升暴跌亦是常態。 看到他炒車，我不楚有感，其實好多時看似一切都發展得很好時，原來就會出現事情，大家都不知道何時會發生，即使事候檢討其實是可避免的，但無奈當刻事情已發生了。正如我自己本身，假如我的人生沒有發生那麼多的起起跌跌，也不會有今天的我。

　　看到朋友炒車，我回想起自己當年在泰國布吉炒車，情況是我在小路衝得很快，一轉彎時去左對面線，正正對面有幾架綿羊仔慢駛過來，我一硬揼break ，車頭便失控，然後訓車。 其實當刻身在外地，我是十分迷惘和傍惶的，但其時孤身一人，沒有時間和空間讓我停下來。身邊有一班泰國年青人在慰問我，他們正是剛才迎面慢騎線羊仔的司機。我完全聽不懂泰文，亦顧不得自己的傷勢和他們的關心，我立即看看手機，壞了，營幕碎了。這下頭痛了！我很快地思考不同的解決方法，仍是無解，於是回歸返當下，我要清洗傷口，問了一句「water?」，他們的反應是，「對，英文是water 」，看得出他們剛才是用泰文問我要不要水。

　　由於其時我是正前往沙灘，所以短衫短褲着拖鞋的我，整個左邊手肘腳肘甚至左腳址公都有受傷，拿水清潔了自己的傷口，飲了一口回神，然後便問了機場的路，因為手機壞了無導航，我急切需要一部手機，因為這天只day 2來到布吉。我要憑著僅餘的記憶回到hostel，因為我是couch surfing ，並不是住酒店，所以我查不了地址，地址要登入couch surfing 的app 才能找到。諸種困難使我必須找到一部上到網的手機，所以我問了路，感謝了他們的幫忙，便去了機場。 （事後回想，我整天是完全沒有打算去醫院的，人行到，車行到，就繼續向前走）

　　去到機場，發覺係無手機賣，勁細。機場人員refer 我去最近既一個shopping mall ，我拎了實體地圖，又走了。之後去到shopping mall ，揾個廁所回一回氣先，因為腎上腺素仍然係度持續上升，我好快揾到賣手機既店，見到好多大陸牌子既手機，想買部正常既Samsung LG Sony 同iPhone 都無，睇黎泰國簽左某D 措施益中國牌子手機。咁本身我都打算求其買一部頂住，但係價錢同CP值真係唔吸引，閒閒地二千港幣一部廢機，返到香港又要再買過。我看一看手上的手機，sony 黎，雖然爆左mon 但猶幸只是爆mon ，並非爛晒，然後看一看附近有無整Mon 鋪，行晒沒有鋪整到sony 機換mon ，問一問人，佢叫我去BigC 睇睇，（此時才知Big C 是泰國的signature ，基本上去過泰國的人都知Big C 的），我本着點都係試既精神，大不了返黎買新手機，都可以解決件事。

　　去到Big C，距離少少遠，感覺像去了一個泰國版SOGO，最低層係手機鋪，我去到，問了好幾間才找到一間肯幫我問下有無mon 存貨，慶幸竟然有！最後收左我五百蚊港紙換Mon ，等了大約兩個鐘，其時已晚，我順便在Big C food court 食野。好彩最後都幫部手機換到Mon，成功上到網返到去，由於我係住coach surfing，連電單車都是租屋主的（大概300 Baht），一返到去coach surfing，全部人都黎關心我，幫我消毒，我是多麼的不好意思，但又感恩。

　　返番黎今日，良的人生比我更順心順意，穩定理想的工作，基本上生活無憂，奈何看似是一隻持續上升的服票，怎會想到會突然出意外？一個炒車，幸好只是皮肉之傷，沒有人命傷亡，可是，正因如此，才看到人生就是高低起伏，就如股票般。以我為例，渡過了不容易的六年中學，有幸升上大學，更體會了無數個使人成長的經驗，甫畢業便執教鞭，仲可以兼職行咇，本以為定下來的人生（如無意外我可做到退休），怎會想到會走向一個大斜坡，向下急跌，一夜之間無晒所有野。 但是，亦因為這個經歷，我才遇上了很多本不會遇到的人和事，這是一種緣份，亦令我感恩。

　　很多人將人生比喻為過山車，我不以為而，過山車儘管有高有低，但是所有路軌都已一早設定好，我覺得人生更像股票，有高有低，有的是有實力的股票，會持續上升的，有的是靠投機抄作的股，沒有實力但仍能上高位，有的股已被放棄，成為仙股，每隻股票都有其獨特的走法，當你以為是高位時，其實可以升得更高，亦有機會大跌，每一刻都是機會，然而，所有股票都受到大環境影響，有其牛熊生命周期，就如有些人是生不逢時，可能在某個時代，他是優質股，但是現今大市下滑，他極其量只是在眾生浮浮沉沉的普通股而已。

20210225 撮記

　　十一半醒，三點出門，臨時Bruce 話返去上環code review，我唔太有興趣，但本著齊上齊落原則，終究也要出門了。未食飯的關係，我去上環買海安，買左海安公司三文治，可能這是我最後一次機會返上環Tecky 了，算是完了我的心願。

　　係上環搵Beeno 整web socket，少少難，聽到最後有點眼訓😂之後五點九上環走，六點三到荃灣，七點三拍片，，七點五十食Dinner ，預到Michael ，我地一齊晚飯，傾了點是非，對於搵工Michael 顯得有點不自信，其實他幾fit 的，看際遇吧，八點五十返去。

聽三位前畢業生直播分享，讀哲學的女仔，讀數的男，讀會計的男，分享過去一年IＴ界的經驗，最記得Benny 分享，做一年，六個project。

1️⃣ Selina (Cohort 11)✔️Associate in Product Support Team◽剛剛於2020年12月畢業的Selina，入讀Tecky前是大學應屆畢業生。從Tecky畢業後受聘於一間全球超過1200名員工的跨國企業。該企業專注於開發資產管理軟件，提供PMS、OMS產品及支援服務。

2️⃣ Benny (Cohort 5)✔️Full Stack Developer◽Benny已於1年多前就讀Tecky，前職為Executive Office/MSC in Applied Maths，現任職的公司是提供AI服務及產品的軟件公司

3️⃣ Edwin (Cohort 5)✔️Frontend Developer◽Edwin入讀Tecky前是一位經濟學畢業生及於證券行任職交易員。於一年前於Tecky畢業後，現於室內設計工程公司擔任Frontend Developer一職。

　　十點直播完，圍威喂傾計，Alex 話而家有８個full time tutor，荃灣五樓，月租三萬，上環十一樓，月租五萬。真係估唔到租地方都有學問，又係煩。我地傾到十一點九先走。Benny 建議第一份工可以問多D，因為人地預左教你。最後，都明白IＴ Ｅ一行係學足一世的，係Bootcamp 我最大得著都係自學既習慣，畢竟好老實咁講，讀完出到去做野都係再學。

20210224 撮記

　　尋日好夜先返到屋企，今天九半便出門，佳陸爸車，因為約了StudioCan 十點三在銅鑼灣集合，事前完全不知道會做甚麼，大約十點七齊人後，我地行去廣旅集團大廈，果度有一間健身室，健身室老闆係阿邦的朋友，今日教我地一堂，佢倆今朝先係BNI開完「早餐會」，而我都係尋日第一次聽E個Terms。我地上左一堂健身堂，唔算太辛苦，因為教練aim at 比我地taste 下就算，做左一D基本操作，比如玩下TRX，做下負重訓練，主要操core，最後玩埋格鬥繩。

　　做完Gym 後，我地做左Debriefing ，問我黎緊一年有咩目標，又係老生常談。我在此記下，當作是一個牛年目標。

　　我地玩到一點四，之後大家係附近食左一間黃店，西餐廳，豬手煮得很好，在店內看到這個揮春，完全不知道是甚麼字，我估是「手速」二字。

　　之後就勁rush 的兩半走兩點五十五分到九龍灣，我地要上去一個中醫師診所Present 我地的網頁，很快簡介完，三半因醫師有症要睇，之後我們返了深水埗，繼續做野。由九龍灣返深水埗時我車了Randolph，傾計得知他10年曾在四川幫手重建，當時佢揸大膽電單車來回幾個村落，係很不錯的回憶。

　　四點二到深水埗，六點走。我同Pong 交代了我將會入了一間公司全職寫網頁，他表示支持。我本身諗住甩手，但佢目前仍需要我，所以變成Keep 住請我，轉夜晚返。我亦老實同佢講，我六月其實應該就有心無力了，要趁早搵人頂我個位，他說「不緊要，到時再算。」，儘管經驗了那麼多的我對任何人說的話都有保留，但我仍感到他的心意。

　　之後返一返家，帶了一件外套比Mani，待會要車Mani 去西貢，約左小丸子食飯。到了西貢，抱歉讓兩老久等，我們行去海邊一間BＢＱ餐廳，每人二百元也不算貴。很久沒和小丸子他們見面了，傾計倒不尷尬，感覺我們很投契。講起小丸子，我和他的緣份結於１７年， 一個二月舉辦的大空館天文班，我同佢因為搭同一架巴士走，所以傾下傾下計便結緣了，由佢搵我幫手「維城觸積」，再分享「1967當年今日」，再到19/20年的不時聚會，我會界定為我倆屬於知識上的益友，說白了，因為我好喜歡聽故事，而他喜歡說教事，大家又對歷史導賞有興趣，所以成為了朋友。

　　當晚我地傾了很多，因為太耐無見互相update了近況，比如知道他們租了一塊田黎玩，還約我們星期日去幫手；又講起尋日我去左JCI 聚會，原來小丸子以前都有參加過JCI，然後同我講，層次黎講，JCI < 獅子會 < 扶輪會 < 共濟會，作為第一次聽這些的我，感到十分有趣。

　　最後，我地互相拜年送禮，估唔到小丸子除了還書之外，更送書添！我很開心收到他的書，都是他覺得有價值的書，想分享給我，而且是自己編輯的，出面買不到。對我黎講，是小確幸，是一種肯定，更是一種知遇，我會盡力讀晒佢的！

　　BBQ 食到十點，然後送小丸子搭小巴，買10蚊七仔荼，遇上落雨，我和Mani 十點五十分開車，十一點三到紅磡，十一點半我到家。

　　跋：

　　在西貢碼頭公園公廁外，有一些小船，上面寫有「香港獨立」的字，之前曾被大公蘋果報導，政府職員用花瓶擋住，但相信不久將來應該都會拆了。附上圖一張。

20210223 撮記

　　十二半醒，一醒發覺原來今日屋企停電，所謂「屋漏兼逢連夜雨」，「攰塌遇上大停電」，原來成棟大廈今日例檢，會朝九晚六咁停電，陸媽都自己出門了，我今日四點有Monkey tree interview ，於是訓多陣，兩半疏洗一下便出門，去了上環tecky 「偷電」，回一回氣。四半走，我撞到Michael ，佢剛從Monkey tree interview 完，佢in 兩點。講左兩句關於interview既，然後我開車，四點九到Monkey Tree，等到五點二，阿Phil 出黎，我先知佢今日in 左好幾位tecky 同學仔（有Michael、Phil、同一位上環的同學仔）。
　　今次E間係教育中心，有猩猩做代言人，請backend (少少front end ) ，first stage 寫一個internal 既Platform ，比人login入去學野玩野報課程取消課程問問題，下一個stage 就係寫app (本身有，要優化) 。出20-廿幾K， 睇你個人。打算請4-6個tecky 學生。返朝9晚六半/朝10晚七半，自己計，暫時咁聽係咁。

　　Interview 叫我dem 返showcase 既project，叫我講下自己仲有咩project 吸引，叫我比D 意見project點樣幫到佢地做教育。問埋我stem education 有咩用，適合幼稚園。問埋我邊D 同學勁唔勁，我個個都讚。總之吹水mode ，好跳脫，因為唔會有second in ，唔洗見大老闆，in 我果位話晒事。

　　最後，佢off track 問我stem 教育，我講左D stem education 既products，但無咩意思，佢aim 幼稚園。亦有講起Snapask 仲蝕緊錢，揾緊天使投資者，曾經搵過Monkey Tree。

　　六半in 完，我直落要去太子，春夏秋冬火鍋(好耐未打過邊爐了)，同JCI 的人第一次聚會，當晚有幾個JCI的幹事，加埋會長，就同我地自介，講講咩叫JCI，由於我本身係識人先報名的，之後就講左Ｄ關於Pong 的事跡比我知，仲比我係佢地派既Booklet 搵到Pong 既相。最後我比面之下，聽左一大輪就比會費入左會，反正會費不多只是五百。最後十一點半走，十二點到家。

20200222 撮記

　　昨天五點半才回家，涼都唔沖就訓，原因在於今日十一點有一個interview。正是上星期五我見wordpress 那間，有Agent做中間人互相聯絡。十點醒，十點五出門搭鐵，十一點準時到炮台山，in 到兩點。

　　一黎有個test ，比部電腦你寫html css，bonus 係JavaScript 彈alert 出黎。再考你識唔識用wordpress，比你login 入佢wordpress 再整個網出黎（一個page only)。最後bonus 考你有無php 底，寫個php array 再用foreach print 個table 出黎。成個test 有電腦提供有得google 。

　　十二半見大老闆，佢都係老師出身，教英文，所以同聲同氣的，佢話出20K offer即請，我Mark 左老闆電話然後話星期四覆。佢接左二百幾個D-biz ，即二百幾個wordpress，條team 得四個人，而家請多三個人，返朝九晚六，（or 朝十晚七睇你需要），然後一齊輪晒D wordpress 佢。做野係一人分D wordpress ，得閒傾下方向，大部份時間自己搞掂左派比你既wordpress 就得。將來就係佢有其他project，可能要你見客，或者做佢digital marketing 既SEO 野。

　　之後我去左附近一間餐廳回氣，實在少攰，人都未醒就去左做Test。之後四點返屋企，休息一陣，約左子良整車，四點九開車，五點到車房，他要放低架車係土瓜灣，然後車佢去旺角Eprint，五點三到旺角Eprint，搞左一輪無結果，下次再去。遊完車河送他返車房，車整好了，他比了二百五蚊拖車費和千六蚊整車費，破財擋災了。一齊遊車河送他回家，然後我都回家眠一陣。

　　因為九點要報到，所以都訓唔得多，正好拎左塊滑板，今日又發生了這麼多事，約Mani 待我報到完便落街傾計。2045出門，2104報到，2113到紅磡，我們買了一杯清玉，然後沿紅磡灣兜了一個圈。我在踩滑板時有一下失平衡向後跌到，正好比Mani 望到正一正，回想起來實在好笑，不過也跌到我背筋少少扯住。我說：「我第一次踩電單車，就係你面前仆街，第一次踩滑板，又係你面前仆街，真係失禮。」。當日亦有街童踩滑板，他們踩得好型的，看得出凡是玩速度的東西都是講求平衡，他們的平衡很好。

　　而我們呢，則是偽街童。

　　由於約了人晚上開zoom 會，我十點半走，十點九到家開會，傾整Game事宜，結論是沒有結論。但我的視像鏡頭開不了，不知為何，做了很多Windows updates，在Google 爬了文也解決不了。

　　今天很忙，尤其是昨天很夜訓，有點吃不消的感覺，是在燃燒自己的青春嗎❓

20210221 撮記

　　今天專打下半場，上午在家休息，直至四點三才出門，去紅磡，順便入了油。由於今日Mani 的家人出了門拜年，所以只有我和她兩人，二人世界，我們看了Netflix ，整朱古力，開電腦做野，再準備晚餐，「乖」到我自己都不相信。當然這是基於尊重。晚飯時，Mani 亦叫了她的朋友Money上來，亦有提到Lydia最近有點失落。晚飯後，和她的家人及Money 打麻雀，玩了幾鋪，我出衝了比她妹妹和Money ，她們很開心，我成了最大輸家😭。

　　由於約了Mani 細佬要傾野，於是我十一點九走，先去報到，再去Mani 細佬家。第一次上他家，佈置得不錯，宛如一間大學宿舍咁，有品味，但願我在Mani 細佬的年紀時也能有一個家。之後我們傾了很多，包括試Code，諗Database，諗方向，傾下傾下不知不覺，我凌晨五點先走，順便問他借了一塊滑板（正因為早前買了Vans，故有動力借板踩下），試踩了一小段路，很難，日後再試。

大地行者 2月20-21 日 自然．靈修．簡樸生活體驗營 @ 鹽田梓 1430

　　其實我今天本是要去大地行者在鹽田梓的露營，但無奈種種限制下我被迫取消，感受到很深的無奈感。又調轉頭諗，如果無發生咁多事，我又點會報大地行者？但是，好肯定這是我人生中其中一次令我後悔和無奈的事，我損失的並不單單是一次露營的機會，而係一個和大地行者們寶貴難忘的回憶。但回頭想想，今天我何嘗不是又和生活行者們和Mani 雄仔阿嬸陸爸們建立了一個特別的回憶? 人生就是這樣。